پبلک سیکٹر کے اداروں میں نجی شعبہ سے تعلق رکھنے والے سرکردہ افراد کی شرکت سے ان اداروں کی کارکردگی بہتر ہوئی ہے، صدر فیصل آباد چیمبر آف کامرس اینڈ انڈسٹری

پبلک سیکٹر کے اداروں میں نجی شعبہ سے تعلق رکھنے والے سرکردہ افراد کی ..
فیصل آباد (اُردو پوائنٹ اخبارتازہ ترین - اے پی پی۔ 12 جون2019ء) پبلک سیکٹر کے اداروں کے بورڈ آف ڈائریکٹرز میں نجی شعبہ سے تعلق رکھنے والے سرکردہ افراد کی شرکت سے ان اداروں کی مجموعی کارکردگی بہتر ہوئی ہے اور بہتری کے اس عمل کو آئندہ بھی جاری رکھنے کیلئے نجی شعبہ سے تعلق رکھنے والے تاجروں اور صنعتکاروں کے تجربہ سے بھرپور فائدہ اٹھانے کی ضرورت ہے۔

فیصل آباد چیمبر آف کامرس اینڈ انڈسٹری کے ترجمان نے کہا کہ ارباب اختیار نے کاروباری معاملات میں ہمیشہ نجی شعبہ سے تعلق رکھنے والے افراد کو ترجیح دی تا کہ ان کے تجربہ اور پیشہ وارانہ مہارت سے فائد ہ اٹھا کر پبلک سیکٹر کے ان اداروں کو ترقی اور بہتری کی راہ پر ڈالا جا سکے۔ انہوں نے کہا کہ اس طریق کار کو آئندہ بھی جاری رکھنا چا ہیے تا کہ ان اداروں کو منافع بخش بنانے کیلئے نجی سرمایہ کاروں کے ذریعے خالصتاً کاروباری اور پیشہ وارانہ انداز میں چلایا جا سکے۔

(جاری ہے)

انہوںنے کہاکہ فیصل آباد کو ملکی معیشت میں کلیدی اہمیت حاصل ہے کیونکہ اس وقت فیصل آباد ٹیکسٹائل کی مجموعی 11 بلین ڈالر کی برآمدات میں 6 ارب ڈالر کا حصہ ڈال رہا ہے اسلئے ضروری ہے کہ پبلک سیکٹر کے تمام کاروباری ، صنعتی اور تجارتی اداروں میں فیصل آباد سے تعلق رکھنے والے صنعتکاروں کو بھی شامل کیا جائے۔ انہوں نے کہا کہ اس سے جہاں ان اداروں کی کارکردگی میں بہتری آئے گی وہیں ملکی معیشت پر بھی مثبت اثرات مرتب ہونگے۔

Your Thoughts and Comments