پاکستان غیرملکی سرمایہ کاروں کیلئے بہترین ملک ہے، عرفان اقبال شیخ

پاکستان غیرملکی سرمایہ کاروں کیلئے بہترین ملک ہے، عرفان اقبال شیخ
لاہور۔14 جنوری(اُردو پوائنٹ اخبارتازہ ترین - اے پی پی۔ 14 جنوری2020ء) لاہور چیمبر کے صدر عرفان اقبال شیخ نے کہا ہے کہ پاکستان تجارت و سرمایہ کاری کے مواقع سے مالامال سرزمین ہے اور غیرملکی سرمایہ کاروں کیلئے سرمایہ کاری کا یہ بہترین وقت ہے۔ انہوں نے ان خیالات کا اظہار پاک امریکہ بزنس فورم کے وفد سے گفتگو میں کیا۔ وفد کی سربراہی ریاض حسین کررہے تھے جبکہ لاہور چیمبر کے نائب صدر میاں زاہد جاوید احمد نے بھی اس موقع پر خطاب کیا، اجلاس میں ایگزیکٹو کمیٹی ممبران حاجی آصف سحر، فیاض حیدر اور حارث عتیق بھی موجود تھے۔

لاہور چیمبر کے صدر نے کہا کہ پاکستان کے فارماسیوٹیکل، لائٹ انجینئرنگ، لیدر، آلات جراحی، فوڈ، ریٹیل سیکٹر اور زراعت کے شعبوں میں سرمایہ کاری کی وافر گنجائش ہے ۔

(جاری ہے)

انہوں نے کہا کہ امریکہ پاکستانی مصنوعات کو ڈیوٹی فری رسائی دے تاکہ باہمی تجارت میں مزید اضافہ ہوسکے۔ انہوں نے کہا کہ پاکستان کو امریکی منڈیوں تک ڈیوٹی فری رسائی دیکر امریکہ پاکستان کی معاشی ترقی میں کردار ادا کرسکتا ہے۔

انکا کہنا تھا کہ پاکستان میں امریکی سرمایہ کاروں کیلیے توانائی، ٹیکسٹائل، آٹو، ہیلتھ، ایجوکیشن، فوڈ، لائیوسٹاک اورڈیری کے شعبوں میں بہت سے مواقع ہیں جن سے انہیں فائدہ اٹھانا چاہیے۔ پاک امریکہ بزنس فورم کے وفد کے سربراہ ریاض حسین نے لاہور چیمبر کے عہدیداروں کو فورم کی کارکردگی سے آگاہ کیا۔

Your Thoughts and Comments