کورونا وائرس ،کمپنیاں شئیر ہولڈرز اور سالانہ اجلاسوں میں حفاظتی اقدامات کریں ، ایس ای سی پی

اسلام آباد (اُردو پوائنٹ اخبارتازہ ترین - این این آئی۔ 11 مارچ2020ء) سیکورٹیز اینڈ ایکسچینج کمیشن آف پاکستان نے کورونا وائرس کے پھیلا ئو کے خطرے کے پیش نظر، کمپنیوں کو ہدایت کی ہے کہ شیئرز ہولڈرز کی صحت کے تحفظ کے لئے کمپنیاں اپنی شئیر ہولڈرز کا سالانہ اور کمپنیوں کی عمومی میٹنگ کی منصوبہ بندی میں کرونا سے بچائو کے حفاظتی اقدامات کو یقینی بنائیں۔

اس کے علاوہ کمپنیا ں بورڈآف ڈائریکٹر کے اجلاس، ٹیلی فون کال یا ویڈیو کانفرنسنگ کے ذریعے منعقد کرنے کو ترجیح دیں۔ ایس ای سی پی نے اپنے اعلامیہ میں تمام کمپنیوں کوہدایت کی ہیکہ وہ موجودہ صورتحال میں پیدا ہونے والے خطرات کا جائزہ لیں۔ ہر کمپنی کے لئے لازمی ہے کہ وہ اپنی رجسٹریشن کی تاریخ سیسولہ ماہ کے اندر اندر سالانہ عمومی اجلاس (AGM) منعقد کریں اور اس کے بعد ہر مالی سال کیاختتام پر، 120 دن کے اندر اندر سال میں ایک بار عام اجلاس (AGM) کا انعقاد کرے۔

(جاری ہے)

ایسی کمپنیاں جن کا سال دسمبر میں مکمل ہوا، ان کمپنیوں کی جانب سے سالانہ اجلاس منعقد کئے جا رہے ہیں، لہٰذا کمپنیوں کے سیکریٹریز کو سفارش کی جاتی ہے کہ کمپنی کے سالانہ اجلاس کیلئے اپنی معمول کی منصوبہ بندی کا موجودہ حالات کے تناظر میں جائزہ لیں ۔ ایس ای سی پی نے ڈائریکٹرز کو تجویز دی ہے کہ بورڈ کے ممبرز کے کورم کی دفعات کا احترام کرتے ہوئے، پراکسی کے ذریعہ زیادہ سے زیادہ لوگوں کو اے جی ایم میں اپنی شرکت اور ووٹنگ کو ممکن بنا سکتے ہیں۔

علاوہ ازیں، ایک جگہ پر کسی بھی بڑے اجتماع سے بچنے کیلئے،کمپنیاں اپنے ممبران کی جغرافیائی تعلق کے مطابق ، مختلف مقامات پر ویڈیو لنک کی سہولت کی فراہمی پر غور کیا جا سکتا ہے۔ کمپنیاں اجلاس کے دوران بنیادی حفاظتی اقدامات فراہم کرنے پرغور کریں جن میں صفائی کے لئے صابن اور پانی سے ہاتھ صاف کرنے کی سہولیات شامل ہیں۔ مزید یہ کہ ممبران کی حفاظت کے لئے بیٹھنے کا انتظام بھی مناسب فاصلے پر کیا جائے۔

مزید برآں، چئیرمین بورڈ اجلاس میں پیش کی گئی قراردادوں کی منظوری کے لئے ووٹنگ کے لئے پوسٹل بیلٹ کی سہولت کے استعمال کا جائزہ لے سکتے یں۔ موجودہ صورتحال میں یہ محفوظ تر ین انتخاب ہے۔پرائیویٹ کمپنی یا پبلک ان لسٹڈ کمپنیاں، جن کے ممبران کی تعداد پچاس سے زائد نہ ہو، بورڈ کی کسی قرارداد کی منظوری سرکلیشن کے ذریعے بی کر سکتے ہیں،ماسوائے ایسے اقدامات اور فیصلے جو کہ کمپنیز ایکٹ 2017کے سیکشن 134کے ذیلی سیکشن (2)کے تحت سالانہ عام اجلاس میں کرنا ضروری ہیں۔ کمپنیوں کے ڈائریکٹرزٹیلی یا ویڈیو لنک کے ذریعے بورڈکے اجلاس منعقد کر سکتے ہیں اور اس طرح کے اجلاس کے منٹس تما م ڈائریکٹر ز سے منظور اور دستخط کرائے جانے چاہئیں۔