طبی آلات، ادویات اور کورونا وائرس سے نمٹنے کیلئے دیگر متعلقہ اشیاء کی درآمد کیلئے درآمد کنندگان کو پیشگی ادائیگی اور لامحدود اکائونٹ کھولنے کی سہولت فراہم

اسلام آباد ۔ (اُردو پوائنٹ اخبارتازہ ترین - اے پی پی۔ 25 مارچ2020ء) سٹیٹ بینک آف پاکستان نے طبی آلات، ادویات اور کورونا وائرس سے نمٹنے کیلئے دیگر متعلقہ اشیاء کی درآمد کیلئے درآمد کنندگان کو پیشگی ادائیگی اور لامحدود اکائونٹ کھولنے کی سہولت فراہم کر دی ہے۔

(جاری ہے)

سٹیٹ بینک کی طرف سے جاری بیان کے مطابق وفاقی اور تمام صوبائی حکومتیں، نجی اور سرکاری شعبہ کے ہسپتال، فلاحی ادارے، تیار کنندگان اور کمرشل امپورٹرز، ادویات، آلات اور کورونا سے نمٹنے کیلئے متعلقہ آلات کی درآمد کیلئے اب پیشگی ادائیگی کر سکتے ہیں جبکہ وہ کسی حد کے بغیر اکائونٹ بھی کھول سکتے ہیں۔

سٹیٹ بینک نے آلات کی برآمد کیلئے الیکٹرانک امپورٹ فارم کی سہولت بھی فراہم کی ہے جس کی مدد سے بین الاقوامی امدادی ایجنسیوں اور بیرونی حکومتوں کی طرف سے عطیہ کردہ اشیاء کی ترسیل کے نظام کو سہل اور آسان بنایا گیا ہے۔ ترجمان سٹیٹ بینک کے مطابق کورونا وائرس کی وباء سے بروقت نمٹنے کیلئے کئی اقدامات اٹھائے ہیں۔ سٹیٹ بینک نے اشیاء کی درآمد اور ایڈوانس پیمنٹ کیلئے ضابطہ کے قواعد پر بھی نظرثانی کی ہے۔

Your Thoughts and Comments