ایف پی سی سی آئی نے تمام خواہشمند لوگوں کیلئے جدید تربیتی سیشنوں کا سلسلہ تیار کرلیا

کراچی (اُردو پوائنٹ اخبارتازہ ترین - آن لائن۔ 21 جون2021ء) ایف پی سی سی آئی نے تمام خواہشمند لوگوں کے لئے جدید، معلوماتی، اور اعلی سطحی ویبینارز اور تربیتی سیشنوں کا ایک سلسلہ تیار کیا ہے جو جدید ترین بین الاقوامی کاروبار، مارکیٹنگ، مینجمنٹ، سپلائی چین مینجمنٹ، ہیومن ریسورس مینجمنٹ، اور ای کامرس ٹیکنیکس جن کو وہ عملی طورپراپنے کاروبار کو شروع کرنے یا ترقی دینے کے لیے استعمال میں لا سکتے ہیں۔

یہ پروگرام ایف پی سی سی آئی اور ڈی ایچ اے صفہ یونیورسٹی کے مابین ایک تعاون کے تحت کیے جائیں گے۔ایف پی سی سی آئی کا مقصد چھوٹے اور درمیانے درجے کے کاروباری اداروں کو نالج بیسڈکاروباری انداز فکر کے ذریعہ منافع بخش بنانا ہے ؛ کیونکہ ان کے پاس مواقع اور وسائل نہیں ہیں کہ وہ اپنے اور اپنے ملازمین کے لئے اس قسم کی اعلی تربیت کا انتظام کریں۔

(جاری ہے)

آئندہ پانچ ویبینار کے لئے جاری کردہ شیڈول مندرجہ ذیل ہی''سپلائی چین مینجمنٹ میں جدید طرز عمل2:30pm 0 بروز بدھ 23 جون ایف پی سی سی آئی میں بذریعہ زوم لنک؛''ہیومن ریسورس مینجمنٹ میں جدید طرز عمل2:30pm 0 بروزمنگل 29 جون ایف پی سی سی آئی میں بذریعہ زوم لنک؛''جدید سپلائی چین مینجمنٹ ماڈلز کا استعمال کرتے ہوئے کامیاب عالمی فروخت کنندہ بنیں2:30pm'' 0 بروز بدھ 7 جولائی ایف پی سی سی آئی میں بذریعہ زوم لنک؛''اپنے کاروبار کو آن لائن کیسے شفٹ کریں 2:30pm 0 بروز بدھ 14جولائی ایف پی سی سی آئی میں بذریعہ زوم لنک؛''انوویشن اور انٹرپرینیورشپ سے متعلق بین الاقوامی کانفرنس2:30pm 0 بروز منگل 24 اگست ایف پی سی سی آئی میںبذریعہ زوم لنک

Your Thoughts and Comments