پاک قطر تکافل گروپ نے آئی ایس او 27001سرٹیفکیشن حاصل کرلی!

کراچی(اُردو پوائنٹ اخبارتازہ ترین - این این آئی۔ 23 جون2021ء)پاکستان کے سب سے بڑے تکافل گروپ پاک قطر تکافل گروپ نے انفارمیشن سیکوریٹی مینجمنٹ سسٹم (آئی ایس ایم ایس)کے مطلوبہ معیارپر پورا اترتے ہوئے رسک ایسوسی ایٹس سے تصدیق کے بعد آئی ایس او /آئی ای ایس 27001:2013 کی سرٹیفکیشن حاصل کرلی ہے۔ اس سلسلے میں منعقدہ تقریب میں پاک قطر جنرل تکافل کے چیف ایگزیکٹو آفیسر ناصر علی سیّد، پاک قطر فیملی تکافل کے چیف ایگزیکٹو آفیسر عظیم آئی پیرانی،ر سک ایسوسی ایٹس کے ڈائریکٹر پروفیشنل سروسز کاشف حسن اور رسک ایسوسی ایٹس کے ڈائریکٹرسرٹیفکیشن سروسز نعمان جہانگیر سمیت دونوں کمپنیوں کی سینئر مینجمنٹ نے شرکت کی۔

اس موقع پر پاک قطر جنرل تکافل کے چیف ایگزیکٹو آفیسر ناصر علی سیّدنے کہاکہ یہ سرٹیفکیشن حاصل کرنا پاک قطر تکافل کیلئے اعزاز ہے۔

(جاری ہے)

آئی ٹی اور کاروباری محکموں کے درمیان تسلسل برقرار رکھنے کیلئے انفارمیشن سیکوریٹی کی اہمیت اب پہلے سے کہیں زیادہ ہے۔ آئی ایس او 27001سرٹیفکیشن کا حصول اندرونی اور بیرونی صارفین سے ہماری وابستگی میں اضافہ کرے گا جن کی سلامتی پاک قطر تکافل کی اوّلین ترجیح ہے۔

اس موقع پررسک ایسوسی ایٹس کے ڈائریکٹر پروفیشنل سروسز کاشف حسن نے کہاکہ آئی ایس او 27001سرٹیفکیشن کا حصول جدید ترین حفاظتی معیارات کے ساتھ صارفین کی معلومات اور اعدادوشمار کو بہتر طریقے سے محفوظ رکھنے کے پاک قطر تکافل گروپ کے عزم کا اظہار ہے۔آئی ایس او /آئی ای ایس 27001:2013 کی سرٹیفکیشن پاک قطر تکافل گروپ کیلئے اہم سنگِ میل ہے اور کاروبارکی حفاظت کیلئے اس کی جامع اور شفاف قیادت کی کوششوں کا اہم جزہے۔پاک قطر تکافل گروپ اپنے شرکاء کو بہترین خدمات فراہم کرنے کیلئے پر عزم ہے۔

Facebook Twitter Google + Share on Whatsapp

Prize Bonds

PSX 100 Index

Currency Rates

Gold Prices

Petrol Prices

Crypto

پاک قطر تکافل گروپ نے آئی ایس او 27001سرٹیفکیشن حاصل کرلی!

Your Thoughts and Comments

مزید کاروباری خبریں