پاکستان اسٹاک مارکیٹ میںکاروباری ہفتہ کے آخری روز تیزی

مارکیٹ میں تیزی کے سبب سرمائے کے حجم میںلگ بھگ44ارب روپے کا اضافہ

ہفتہ 8 جنوری 2022 00:02

پاکستان اسٹاک مارکیٹ میںکاروباری ہفتہ کے آخری روز تیزی

کراچی(اُردو پوائنٹ اخبارتازہ ترین - آن لائن۔ 07 جنوری2022ء) وفاقی اور صوبائی حکومتوںکی جانب سے لاک ڈاؤن کی اطلاعات کی تردید کے بعد پاکستان اسٹاک مارکیٹ میںکاروباری ہفتہ کے آخری روز تیزی دیکھی گئی اور کے ایس ای100انڈیکس 263پوائنٹس اضافہ کے بعد 45345پوائنٹس کی سطح پر بند ہوا ،مارکیٹ میں تیزی کے سبب سرمائے کے حجم میںلگ بھگ44ارب روپے کا اضافہ ہوا ،تاہم حصص کی فروخت کے دباؤ کے باعث کاروباری حجم میں10کروڑ سے زائد حصص کی کمی ریکارڈ کی گئی۔

پاکستان اسٹاک مارکیٹ میںکاروباری ہفتہ کے آخری روز جمعہ کو کاروبار حصص میں تیزی رہی اور کے ایس ای100انڈیکس 263پوائنٹس اضافہ کے بعد تین حدیںعبور کرتا ہوا 45345پوائنٹس کی سطح پر بند ہوا،اسٹاک ماہرین کے مطابق وفاقی اور صوبائی حکومتوںکی جانب سے لاک ڈاؤن کی افواہوں کی تردید کے باعث مارکیٹ میں سرمایہ کاروںنے سکھ کا سانس لیا اور کاروباری لین دین میں دلچسپی لی ،ماہرین کے مطابق ملکی وغیر ملکی سرمایہ کار اومیکرون وائرس کے بڑھتے ہوئے پھیلاؤ کے باعث ممکنہ لاک ڈاؤن کی خبروں سے پریشان ہیں اور جمعہ کے روز حصص کی فروخت کے دباؤ کا سبب بھی یہی تھا۔

(جاری ہے)

مارکیٹ میں گذشتہ روز کے ایس ای30انڈیکس 138.49 پوائنٹس کے اضافے سے 17898،کے ایس ای آل شیئرز انڈیکس 175پوائنٹس اضافہ سے 31051اور کے ایم آئی 30انڈیکس 719پوائنٹس اضافہ سے 73865پوائنٹس کی سطح پر بند ہوا،مارکیٹ میں مجموعی طور پر 345کمپنیوںکے حصص کا لین دین ہوا جس میں سے 208کمپنیوںکے حصص کی قیمت میں اضافہ،124کمپنیوںکے حصص کی قیمت میںکمی اور 22کمپنیوںکے حصص کی قیمت میں استحکام رہا،جمعہ کے روز ٹیلی کارڈ،ورلڈ کال،یونٹی فوڈز،سلک بینک،سمٹ بینک،یوسف ویونگ،سینرجی پاک،ایوانسن لمیٹڈ اور ٹی آر جی پاک کے حصص کے سودوں میںتیزی رہی ،سب سے زیادہ اضافہ رفحان معیظ اور باٹا کے حصص کی قیمتوں میںدیکھا گیا جبکہ سب سے زیادہ کمی کولگیٹ پامولیو اور اسماعیل انڈسٹریز کے حصص کی قیمتوںمیں واقع ہوئی