حکومت قطر سے ایل این جی کی درآمد شرو ع ہونے کے بعد پنجا ب کی ٹیکسٹائل انڈسٹری کو 24گھنٹے گیس کی سپلائی فراہم کرے ‘عامر فیاض

لاہور(اُردو پوائنٹ اخبارتازہ ترین - این این آئی۔12 فروری۔2016ء ) آل پاکستان ٹیکسٹائل ملز ایسوی ایشن اپٹماء اکے چیئرمین عامر فیاض نے حکومت سے مطالبہ کیا ہے کہ قطر سے ایل این جی کی درآمد شرو ع ہونے کے بعد پنجا ب کی ٹیکسٹائل انڈسٹری کو روزانہ 24گھنٹے گیس کی سپلائی دی جائے تاکہ پاکستانی ٹیکسٹائل سیکٹر عالمی منڈی میں دوسرے ممالک کا مقابلہ کر سکے ۔

انڈسٹری کیلئے گیس کی قیمت فی ایم ایم بی ٹی یو 6ڈالرسے کم مقرر کی جائے ۔ ان خیالات کا اظہار انہوں نے گزشتہ روز اپٹماء ہاؤس میں سینئر نائب چیئرمین سید احسان علی کے ہمراہ پریس کانفرنس کے دوران کیا ۔ انہوں نے کہاکہ پاکستانی ٹیکسٹائل مصنوعات کا شیئر عالمی منڈی میں کم ہوگیا ہے جبکہ انڈیا ،بنگلہ دیش اور چین کی ٹیکسٹائل برآمدات میں اضافہ ہوگیا ہے ۔

(جاری ہے)

انہوں نے کہاکہ اس وقت صورت حال یہ ہے کہ رواں مالی سال کے پہلے 6ماہ کے دوران پاکستانی کی مجموعی برآمدات میں) 14.21فیصد) 3.5ارب ڈالر کی کمی ہوگئی ہے اور اگرپنجا ب میں کپاس کی فصل کا 1.5 ار ب ڈالر کا نقصان بھی شامل کیا جاے تو پاکستانی معیشت کو گزشتہ 6ماہ کے دوران مجموعی طور 5ارب ڈالر کا نقصا ن پہنچا ہے ۔ انہوں نے افسوس کا اظہار کرتے ہوئے کہاکہ گزشتہ رواں مالی سال کے 7ماہ گزرچکے ہیں لیکن سٹریٹجک ٹریڈ پالیسی کااعلان ابھی تک نہیں کیا گیا ۔

انہوں نے کہاکہ حکومت ٹیکسٹائل برآمدات بڑھانے کیلئے فوری اقداما ت کریں انڈسٹری کے لئے انرجی کی قیمت معقول بنائی جائے ۔ وزیراعظم نے دسمبر 2015میں کراچی میں ایس ٹی سی سی آئی کی تقریب میں انڈسٹری کیلئے 3روپے فی کلو واٹ آور بجلی کی نرخوں میں کمی کااعلا ن کیا تھا ۔ لیکن ابھی تک اس پر عملدرآمد نہیں ہوا ۔ دسمبر میں بجلی کے ایک یونٹ کی قیمت2 1روپے تھی اور دسمبر کی قیمتوں والا بل ہی جنوری میں بھیج دیا گیا ہے ہماری وزیراعظم سے درخواست ہے کہ وہ متعلقہ وزارت کو احکاما ت جاری کریں کہ وہ ان کے ا علان کی پاسدار ی کریں ۔

انہوں نے یہ مطالبہ کیاکہ انٹر نیشنل مارکیٹ میں پٹرولیم مصنوعات کی قیمتوں میں کمی کا فائدہ انڈسٹری سمیت تمام صارفین کو منتقل کیا جائے ۔انہوں نے کہا کہ ٹیکسٹائل انڈسٹری کے لئے 100ارب ڈالر کے ریفنڈ پھنسے ہوئے ہیں جو ن2015کے بعد ریفنڈ کی مد میں ایک پائی بھی نہیں ادا کی گئی ۔ ہمار امطالبہ ہے کہ ٹیکسٹائل انڈسٹری کا 100ارب روپے کا ریفنڈ جلد واپس کیا جائے جس کے علاوہ برآمدات پر تمام ٹیکس ختم کئے جائیں ۔

ا نہوں نے حکومت پر واضع کیا کہ ٹیکسٹائل انڈسٹری آخری دموں پر ہے اگر حکومت نے اس کی بحالی کیلئے فوری اقدام نہ کئے تو کچھ ماہ بعد تمام ٹیکسائل انڈسٹری بند ہوجائے گی اس وقت پنجا ب میں 100ٹیکسائل ملیں بند ہوچکی ہیں ۔ انہوں نے کہاکہ رواں مالی سال کے 6ماہ کی برآمدات کے اعدادو شمار سے خدشہ پیدا ہوگیا ہے کہ اس سال پاکستان کی ٹیکسٹائل برآمدات 10ارب ڈالر سے بھی کم ہوگی اس کا حجم گزشتہ مالی سال 13ارب ڈالر تھا ۔