وزیراعظم کے بیان پر عوام کا ردِعمل

وزیراعظم صاحب کا صرف اتنا کہنا تھا معاشرے میں ریپ کیسز میں اضافے کا سبب عورتوں کا لباس ہے پھر ہمارے معاشرے کا ہر فرد درس دیتے ہوئے نظر آیا کیا قومیں ایسے بنتی ہیں وزیراعظم صاحب نے بات جس کانٹیکسٹ میں کی تھی ہمیں بات کو سمجھنا چاہئے تھا لیکن لوگ بلاسوچے سمجھے کسی بھی بات پر تنقید کرنا اپنا حق سمجھتے ہیں اور ایسا پہلی مرتبہ نہیں ہوا
 عورت کو عزت اسلام نے دی ہے اگر عورت کو پردہ کرنے کا حکم دیا گیا ہے تو مردوں کو اپنی نگاہیں نیچی رکھنے کا حکم دیا گیا ہے آج ہمارے معاشرے کی ہر عورت اور مرد اگر اسلام کے بتائے ہوئے طریقوں پر عمل کرنا شروع کر دیں ہمارا معاشرہ خوش حال معاشروں کی فہرست میں شامل ہو گا پاکستان میں اگر برطانیہ کی شہزادی آئے تو وہ اسلامی کلچر کے مطابق دوپٹہ اوڑھ کے آتی ہیں کینیڈا کی ولاگر اسلام جیسے خوبصورت مذہب سے متاثر ہو کر اسلام قبول کر لیتی ہیں ہمیں ایسے لوگوں سے ہی کچھ سیکھ لینا چاہئے لیکن ہمارے یہاں کیا ہوتا ہے یورپ بعد میں پہنچتے ہیں ان جیسا کلچر پہلے اپناتے ہیں ہمیں ایک نظر اپنے آپ پہ دوڑانی چاہئے ہم کس ٹرین پہ سوار ہیں اور یہ ٹرین کس پٹری پہ چل رہی ہے وزیر اعظم نے اگر عورتوں کے لباس پہ بات کی ہے تو ہمیں یہ سمجھنا چاہئے کہ یہ اسلامی جمہوریہ پاکستان ہے اس میں کچھ تو اسلامی جمہوریہ والا نظر آنا چاہیے ریپ کا عورت کی ڈریسنگ سے کوئی تعلق نہیں یہ بات بجا ہے لیکن اس سے ہمارا کلچر تو ختم ہو رہا ہے ہم ہر بُرے کام میں دوسرے ممالک کو فالو کرتے ہوئے نظر آتے ہیں اور عوام کا اس بیان پر ردِعمل تو تب بنتا تھا جب یہاں یورپ کے کلچر کو فالو نہ کیا جا رہا ہوتا ہم کس اسلام کی بات کرتے ہیں کس حق سے خود کو مسلمان کہتے ہیں ایک لیڈر کا کام راہنمائی کرنا ہوتا ہے اگر وزیر اعظم نے یہ بات کی تھی تو ممکن ہے وہ چاہتے ہوں ہمارے کلچر سے ہمیں پہچانا جائے ہمیں کسی کو یہ بتانے کی ضرورت نہیں پیش آنی چاہئے ہم مسلمان ہیں اور مسلمان اپنے کردار اپنی زبان/اخلاق سے پہچانا جاتا ہے دولت اور  عہدے انسان کو عارضی طور پر بڑا کرتے ہیں لیکن انسانیت اور اچھا اخلاق انسان کو  ہمیشہ بلند  درجے پر  رکھتا ہے.  یہاں ہر مرد اتنا جانتا ہے اسلام میں چار شادیاں کرنا سنت ہے لیکن وہ چار شادیاں کن حالات میں کرنا سنت ہے یہ کوئی نہیں جانتا میرا ان سب سے یہ سوال ہے اگر چار شادیاں کرنا سنت ہے تو نماز میں سنت کیوں ترک کر دیے جاتے ہیں صرف یہ کہہ کر کہ سنت ہے اگر سنتوں پر عمل کرنا ہے تو مکمل کریں.
اسلام میں جہیز کی ممانعت ہے لیکن یہاں تو لڑکیوں کو خودکشی کرنے پر مجبور کیا جاتا ہے صرف اس لیے کہ جہیز نہیں ملا.
حق مہر کی شریعت میں کوئی حد نہیں یہ لڑکی کا فیصلہ ہوتا ہے لیکن ہمارے ہاں جہیز ڈیمانڈ پہ لینا ہے اور حق مہر دینے میں اپنی مرضی کرنی ہے.
اگر اسلام پر عمل کرنا ہے تو مکمل کریں اپنے مسلمان ہونے کا ثبوت دیں تاکہ اللہ تعالٰی کو منہ دِکھا سکیں نیوٹرل نہ ہوں.
اسلام بہت خوبصورت مذہب ہے جس کی مثال نہ ہمیں کسی دوسرے مذہب میں ملتی ہے اور نہ ملے گی اسلام نے ہمارے لیے ہر کام بہت آسان اور تفصیل سے بیان کیا ہے اس پر عمل کرنا ہمارا کام ہے اور عمل کر کے ہی ہم اچھے مقام پر پہنچ سکتے ہیں آج کے حالات ایسے ہیں اگر کسی کی راہنمائی کی جائے تو راہنمائی کرنے والوں کو دوسرا جملہ یہ سننے کو ملتا ہے میں نے اپنی قبر میں جانا ہے یہ بات حقیقت ہے سب نے اپنی قبر میں جانا ہے اپنا حساب خود دینا ہے لیکن ایسے کام کر لیں کہ آپکے لیے آسانیاں پیدا ہوں اس عارضی زندگی میں بھی کیونکہ دنیا امتحان گاہ ہے اور ہمیشہ رہنے والی زندگی میں بھی کہیں ایسا نہ ہو ہمیشہ رہنے والی زندگی کی تیاری نہ کرسکیں اور وزیراعظم نے پردے کی ترغیب دلائی ہے اس بات پر تنقید کرنا بنتا ہی نہیں ہے جتنی آپ میں طاقت ہے اتنا ہی پردے کو فالو کر لیں کم از کم دوپٹہ لیں دوپٹہ عورت کی عزت اور پہچان ہے جو خوبصورتی ہمیں اللہ تعالیٰ نے عطا کی ہے ڈوپتہ اوڑھ کے بھی وہی نمایاں ہو گی.

 انسان کا حال یہ ہے شیطان کو بظاہر اپنا دشمن سمجھتا ہے لیکن اسکی بات دوست کی طرح مانتا ہے ہمیں شیطانی راستے پر نہیں سیدھے راستے پر چلنا ہے اور سیدھے راستے پر ہم تب ہی چل سکتے ہیں جب ہم اللہ تعالیٰ کے احکامات اور نبی پاک ﷺ نے جس طرح زندگی گزارنے کے طریقے بتائیں ہیں ان پر عمل کریں.