کرونا کی تیسری لہر کے بعد چوتھی لہر کی پاکستان میں اینٹری اور چوتھی لہر میں وائرس کی بھارتی قسم بتائی جا رہی ہے اس وائرس نے پوری دنیا کو اپنی لپیٹ میں لیا ہوا ہے کتنے ہی لوگ اس وائرس سے موت کا شکار ہوئے پڑوسی ملک بھارت میں کرونا کی تباہ کاریوں سے ایک دن میں کئ کیسز سامنے آئے اور ناجانے ایک دن میں کتنے لوگ موت کے گھاٹ اُتر گے بھارتی عوام اس وائرس سے مشکلات سے دوچار تھی کسی کو آکسیجن کی فراہمی میسر نہ آئی,کسی کو ہسپتال میں جگہ نہیں ملی اور جن افراد کو جگہ دی گئ ان کی دیکھ بھال نہیں ہو سکی اور یہ دل دہلا دینے والے حالات تھے لیکن اس وائرس سے جنگ کرنے کا صرف ایک ہی راستہ ہے ویکسینیشن, ویکسینیشن ہمارا قومی فریضہ ہے اور ہمیں اپنی صحت کے لیے اس وائرس سے لڑنے کے لیے ملکِ پاکستان کو اس وائرس سے بچانے کے لیے اور ایک اچھا شہری ہونے کا ثبوت پیش کرنے کے لیے اس فرض کو نبھانا ہو گا ہمیں جلد یا بدیر ویکسینیشن کروا لینی چاہئے شروع میں ویکسینیشن کے حوالے سے لوگوں نے بہت سی غلط فہمیاں پال رکھی تھیں لوگوں کا کہنا تھا جنہوں نے ویکسینیشن کروا لی ہے وہ الٹی گنتی شروع کر دیں وہ دو سال سے زیادہ زندہ نہیں رہ سکتے وغیرہ وغیرہ جبکہ انسان کو اپنی آنے والی اگلی سانس کا علم نہیں ہمیں ان غلط فہمیوں کو سائیڈ پہ رکھ کے ویکسینیشن کروانی ہو گی حکومتِ پاکستان نے اپنے ملک کے حالات کو دیکھتے ہوئے عوام کو فری ویکسین فراہم کرنے کا بندوبست کیا تاکہ ہر کوئی آسانی سے ویکسینیشن کروا سکے لیکن ہماری پاکستانی عوام کی باتیں "جو رات قبر میں ہے وہ باہر نہیں" اور پتا نہیں کیا کیا ایک پڑھے لکھے انسان پر یہ ذمہ داری عائد ہوتی ہے کہ وہ لوگوں کو صحیح, غلط میں فرق بتائے تمام لوگوں کو اپنی صحت کے لیے جہاں تک ہو سکے اختیاط کرنی ہو گی اور ویکسینیشن کروانے کے بعد بھی ماسک پہنیں,ہاتھ دھوئیں,چھ فٹ کا فاصلہ رکھیں ہمیں ان سب باتوں کو معمول بنا لینا چاہئے سب مل کر اختیاط کریں گے تو ہم اس وائرس سے جلد ہی چھٹکارا حاصل کر لیں گے ویکسینیشن اس وائرس کو ختم کرنے کے لیے اور انسانوں کی جان بچانے کے لیے بنائی گئ ہے اس لیے غلط فہمیاں پالنے سے بہتر ہے ویکسنیشن کروائی جائے تاکہ پاکستان کو آنے والے وقت میں مشکلات سے دور رکھا جاسکے اور اللہ تعالیٰ سے دعا ہے پوری دنیا جلد ہی اس وائرس سے چھٹکارا حاصل کرے
شکوۂ ظلمت شب سے تو کہیں بہتر تھا اپنے حصے کی کوئی شمع جلاتے جاتے
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔