ہندوستان ریاستی دہشت گردی کا مرتکب قرار

 ہندوستان کی جانب سے انٹرنیشنل کورٹ آف جسٹس میں بھارتی دہشت گرد اور جاسوس کلبھوشن یادو کو پاکستان کی فوجی عدالت کی جانب سے دی جانے والی موت کی سزا کی مطلی اور رہائی کی اپیل پر عالمی عدالت انصاف نے اپنا فیصلہ سناتے ہوئے پاکستان کے موقف کو صحیح تسلیم کرتے ہوئے ہندوستان کی درخواست کو مسترد کر دیا ہے ۔پاکستان کی اس کامیابی پر وطن عزیز کا ہر شہری مبارکباد کا مستحق ہے یہ اللہ رب العزت کا خاص کرم ہے کہ عالمی سطح پرپاکستان کو اتنی بڑی اچیومنٹ نصیب ہوئی۔

عالمی عدالت انصاف کے اس فیصلے سے جہا ں پاکستان کے اس موقف کی صداقت کو مانا گیاہے کہ،،،،ہندوستان پاکستان کی سالمیّت ،استحکام اور سلامتی کا سب سے بڑا دشمن ہے وہ ریاستی دہشت گردی کے ذریعے اس کو کمزور کرکے اس کی وحدت کو نقصان پہنچانے کے درپے ہے،،،وہیں اقوام عالم کے سامنے ہندوستان کا وہ گھناؤنا،شرمناک اور مکروہ چہرہ بھی ننگا ہو گیا ہے جس کو جارحیّت پسند ہندوستان نے جمہوریتّ، امن پسندی اور سیکولرازم کے لبادے سے ڈھانپ رکھا ہے حقیقت میں دنیا کی سب سے بڑی نام نہاد جمہوریّت کا دعویدار دنیا سب سے برا مکار،فریبی اور دھوکے باز ہے سیکولرازم کا پر چار کرنے والا تعصب اور نفرت کا سب سے بڑا پیروکار ہے اقوام عالم کے سامنے امن و آشتی کا راگ الاپنے والا علاقے کی امن،ترقی اور خوشحالی کا سب سے بڑا دشمن ہے ۔

(جاری ہے)

بغل میں چھری لیکر منہ سے رام رام کا ورد کرنیوالے اس جارح کی ہمیشہ سے یہ خواہش رہی ہے کہ نیپال ،سری لنکا،بنگلہ دیش ،مالدیپ اور بھوٹان کی طرح پاکستان بھی اس کی جھوٹی اور خودساختہ علاقائی برتری کو مانے لیکن پاکستان قوم اس کی باہمت،دلیراور بہادر سپاہ نے ہمیشہ ہندوستان سے کہا کہ نہ ہم ہندوستان آرمی کی عددی برتری کو تسلیم کریں گے نہ اس کے بڑے رقبے سے کبھی مرعوب ہوں گے اور پاکستانی قوم اور فوج نے اپنے عمل سے اپنے کردار سے اپنے جواب سے اس کا عملی ثبوت دیا ہے۔

کیونکہ ہم نیپالی ہیں نہ بنگالی،نہ سری لنکن ہیں نہ بھوٹانی۔۔۔۔۔ ہم پاکستانی ہیں خوداری عزت و وقار کے ساتھ جینا ہی ہماری آرزو ہے۔۔۔