میں نے کشمیر کو اپنوں کے ہاتھوں بھی اجڑتے دیکھا

صدیوں پر محیط کمشمیر کے تشخص کو اگر کوئی طاقت کے بل بوتے پر لپیٹنے کی کوشش کرے گا اس کو احمق تو کہا جاسکتا ہے لیکن کوئی عقلمند نہ تو اسکی تائید کرسکتا ہے اور نہ ہی اس کے ساتھ ایک قدم بھی چلا جاسکتا ہے
عالمی ایجنڈے پرجس طرح کشمیر کی کانٹ چھانٹ جاری ہے اس پر کشمیریوں کے دلوں پر جو چھریاں چل رہی ہیں اور جس تکلیف اور کرب سے کشمیری گزر رہے ہیں  اس کا اندازہ کشمیری ہی کرسکتے ہیں تماشائیوں کو اس کا اندازہ نہیں پھر ان زخموں سے چور چور ہوکر جب آر پار کے کشمیری جب زخمی شیر کی طرح دھاڑتے ہوئے میدان میں اتریں گے اس وقت میدان کا کیا منظر ہوگا اصحاب بصیرت اسکو بجانپ چکے ہیں لیکن برگر خور شائد اس کا تصور نہیں کرپارہے ہیں
5اگست 2019 کو انڈیا کی جانب سے کشمیر کی سابقہ حیثیت کو ختم کرنے پر جو غم وغصہ پوری دنیا میں سامنے آیا وہ تاریخ کا حصہ ہے جسمیں پاکستان کی جانب سے وزیراعظم پاکستان عمران خان نے بھی بھرپور موقف عالمی فورمز پر دیا لیکن گلگت وبلتستان کی نئی شناخت کو پاکستان کی جانب سے دی جارہی ہے اور آئین کے آرٹیکل 257 کو معطل کرکے اسمیں ترامیم کی کوشش ہورہی ہے اسمیں اور انڈیا کے اقدام میں فرق کیا ہے ۔

(جاری ہے)

۔۔۔۔؟
اگر انڈیا اس اقدام کیوجہ سے درندہ قرار دیا گیا تو پاکستان کو کس مناسبت سے محسن کشمیر قرار دیا جائے گا۔۔۔۔؟
اگر مودی اس دھندے کے مرکزی کردار کیوجہ سے ہٹلر قرار پایا تو عمران خان اسی خدمت کیوجہ سے کیونکر سفیر کشمیر قرار دیا جائے گا
ارے ارباب اقتدار و اختیارکشمیر کے حوالہ سے  73 سالہ سرگرمیوں کو کس کھاتے میں ڈالو گے ۔

۔۔؟
 آپ جس اقدام کی جانب محو سفر ہو کیا اس سفر کا زاد سفر ہے آپ کے پاس ہے۔۔۔۔؟
کیا آئین کے مختلف آرٹیکلز میں ترامیم کے لئے جو دو تہائی اکثریت کی ضرورت ہے وہ آپ کے پاس موجود ہے۔۔۔۔۔؟
کیا کشمیر کی ریاستی  قیادت کو آپ نے اعتماد میں لیا۔۔۔۔۔۔۔؟
کیا آپ نے یہ جاننے کی کوشش کی کہ کشمیر کے عوام اس کو کس نظر سے دیکھ رہے ہیں۔۔۔۔؟
کیا آپ کو علم ہے کہ لبریشن فرنٹ کا بیانیہ کس قدر کشمیری عوام میں مقبولیت پاچکا ہے۔

۔۔؟
کیا کشمیر کے مخصوص سرکاری  ملازمین کو آپ کشمیریوں کا نمائندہ تو نہیں سمجھ بیٹھے۔۔۔۔؟
اگر آزادکشمیر کے عوام اس پر بپھر گے تو کیا کروگے۔۔۔۔۔؟
کیا کشمیری عوام پر انڈین فوج کی طرح گولی چلا لوگے۔۔۔۔؟
کیا کشمیری اسی طرح خاموش رہیں گے۔۔۔۔؟ اس کا یقین کس نے آپ کودلایا ہے۔۔۔۔۔؟
مجھے تو نہ جانے کیوں ایسا لگتا ہے کہ کشمیرکو اجاڑنے کی کوشش ہورہی ہے اور اپنوں کے ہاتھوں ہورہی ہے۔

۔۔۔؟
کیا آزاد کشمیر کی سیاسی قیادت کو اس بات کا علم ہے کشمیری عوام آزاد کشمیر کی سیاسی قیادت کو کس غدار وطن کی نظر سے دیکھ رہے ہیں۔۔۔۔؟
کیا کشمیری قیادت کو علم ہے کہ پاکستان کی جانب سے تقسیم کشمیر کو سقوط کشمیر قرار دیا جارہا ہے۔۔؟
کیا کشمیر قیادت کو علم ہے کہ ان کی مجرمانہ خاموشی کو میر جعفر اور میر صادق سے کے کردار سے جوڑا جارہا ہے۔

۔۔۔۔؟
کشمیری پاکستان پر مر مٹنے کو تیار لیکن پاکستان کیونکر سوتیلی ماں کا کردار کشمیریوں  کے ساتھ روا رکھ رہا ہے ۔۔۔؟
مقتدر حلقے نوٹ کریں آخر کیوں بات ماں سے سوتیلی ماں تک پہنچ چکی ہے۔۔۔؟
مقتدر حلقوں کو علم ہے گلگت وبلتستان کا نیا تشخص  آئین کے آرٹیکل 257کی خلاف ورزی کے ساتھ سپریم کورٹ آف آزاکشمیرکے فیصلہ  کی بھی خلاف ورزی ہے ۔۔۔۔۔؟
اللہ تعالیٰ ہم سب کو پورے وطن کا محب وطن بننے کی توفیق دے اور کشمیر سے غداری کرنے کی جسارت ہمیں نہ دے۔