افغانستان اور علامہ اقبال رحمہ اللہ

علامہ شیخ محمد اقبال رحمہ اللہ کی شاعری پر اگر تھوڑی گہری نظر سے غور و فکر کی جائے تومعلوم ہوتا ہے کہ علامہ شیخ محمد اقبال رحمہ اللہ کے کلام میں عالم اسلام میں سے سب سے زیادہ افغانستان کا ذکر ملتا ہے۔شاید اسی وجہ سے کلام اقبال کی چھ کتابیں فارسی اور چار اُردومیں ہیں۔شاید فلسفی شاعر کو گمان تھا کہ نشاةثانیہ اسی اسلامی افغانستان سے شروع ہو گا۔

علامہ اقبال رحمہ اللہ نے اسی لیے افغان قوم کو اپنی شاعری میں اپنا شاندارماضی یاد دلانے کی کوشش کی۔وہ شاہی مہمان کی حیثیت افغانستان گئے تھے۔ ہندوستان میں افغانی سفیر جناب صلاح الدین سلجوقی علامہ اقبال رحمہ اللہ کو اپنا مرشد کہا کرتے تھے۔اپنی ایک شاعری کے مجموعہ” ضرب کلیم“ کو علامہ اقبال رحمہ اللہ نے افغانستان کے بادشاہ ا مان اللہ کے نام منسو ب کیا تھا۔

(جاری ہے)

اس میں امان اللہ کو کہا گیا کہ اسلام کی شوکت کی غرض سے مسلم دنیا کا اقدار اپنے ہاتھ میں لے لیں۔ اقبالی کے دور میں انگریزوں اور افغانستان کے درمیان تیسری جنگ ہوئی۔اگست 1899ء کو انگریز نے راولپنڈی معاہدہ کے تحت افغانستان کی مکمل خود مختیاری کو تسلیم کر لیا تھا۔ امان اللہ خان نے کابل یونیورسٹی بنائی،جدید تعلیم کا اجراء کیا۔زراعت،اور صنعت و حرفت پر کام کیا۔

یہ وہ زمانہ تھا کہ روس نے عثمانیوں سے ترکی سے سنکیاک تک کے علاقے چھین کر دریائے آمو تک پہنچ گئے تھے۔ چیچینیا کے امام شامل ساٹھ برس سرخ ریچھ روس سے اپنے علاقے واپس لینے کے لیے جہاد کرتے رہے۔ دوسری طرف افریقہ اور ایشیا پر برطانوی قبضہ تھا۔ برطانیہ سفید ریچھ روس کو برعظیم تک آگے بڑھنے سے روکنے کے لیے تدبیریں کر رہا تھا۔نادر شاہ کے زمانے میں علامہ اقبال رحمہ اللہ نے افغانیوں کو خطاب کرتے فارسی اشعار میں کہاکہ:۔

(اُردودترجمہ) اے آب و گل کے بنے ہوئے لوگو آؤ میرے گرد حلقہ بناؤ۔میرے سینے میں جو درد ہے وہ تھارے ہی اجدادسے لیا ہے۔ علامہ اقبال رحمہ اللہ نے یورپ کی قومیں کا غرور توڑنے کے لیے مسلمانوں اور خاص کر افغانیوں کو جگایا۔علامہ اقبال رحمہ اللہ نے اپنے اشعار میں مسلم قوم کو باور کرایا کہ یورپ کی یہ ابلیسی کھیل ہے۔ اس زمانے میں اپنا شعری مجموعہ ضرب کلیم تیار کیا۔

ابلیس کا فرمان اپنے سیاسی فرزندوں کے، نام نظم میں اس طرح گویا ہوئے کہ:۔
 علامہ اقبال رحمہ اللہ فرقہ پرست ملا اورہندوستان میں متحدہ ہندو قومیت کے فریب کاشکار ہونے والے مسلمان علما کے خلاف تھے۔

مگر افغانستان کے ملا کی تعریف کرتے تھے۔ کیونکہ افغانستان کا ملا حریت فکر اور آزادی کا متوالا اور کانگریسی ملا کے خلاف تھا۔ علامہ اقبال رحمہ اللہ علما حق کے طرفدار ہیں ۔ملاہیت کو حقیقی اسلام کے لیے سب سے بڑا خطرہ تصور کرتے ہیں۔ جبکہ افغان ملا جو اب بھی اسی حریت طرز کی سوچ رکھتا، جس طرز کے افغان ملا نے برطانوی سامراج کو شکست فاش دی تھی۔

اقبال رحمہ اللہ کے مطابق افغان کا ملا پورے ایشیا پر اثر انداز ہو سکتا ہے۔ برسوں پہلے علامہ اقبال رحمہ اللہ نے جو کہا تھا کہ افغانستان ایشیا کا دل ہے۔ اگر دل میں خرابی ہو گی۔ تو پورے ایشیا میں خرابی ہو گی۔ اور دل میں سکون ہو گا۔ توایشیا میں سکون ہو گا۔کیا اب افغانستان، جس نے چالیس سال تک لڑ کر،پہلے سرمایادارانہ نظام کے پجاری برطانیہ کو ،روسی کیمونسٹ استعمارکو اور اب جدید استعمار کے اڑتا یس نیٹو اتحادی صلیبی فوجوں کے ہیڈ امریکا کے خلاف جہاد کر کے انہیں شکست فاش نہیں دی؟ اپنے ملک سے برطانیہ جس کے مقبوضہ ملکوں کی سلطنت میں سورج غروب نہیں ہوتا کو شکست دے کو اپنے ملک سے نہیں نکالاتھا۔

؟ اب برطانیہ میں سور ج نظر ہی نہیں آتا۔کیمونسٹ رو س جو آدھے یورپ اور وسط ایشیا پر قابض ہونے کے بعد کے بعد خلیج کے گرم پانیوں تک پہنچنا چاہتا تھا اس کا خواب بھی چکناچور کیا۔ روس کی شکست سے وسط ایشیا کی چھ اسلامی ریاستوں قازقستان،کرغیزستان،اُزبکستان،ترکمانستان، آزربائیجان ، اور تاجکستان کی شکل میں آزاد ہوئیں ۔ ادھا مشرقی یورپ آذاد ہوا۔

اور دیوار برلن نہیں ٹوٹٹی تھی؟۔امریکا جو دنیا میں نیو ورلڈ آڈر کے تکبر میں مبتلا تھا، اور وہ بھی افغانیوں کی روس کی شکست کے بعد اسے مسلمانوں کی قربانیوں سے ملا تھا ختم ہوا۔نیو ورلڈ آڈر کو افغانیوں نے ختم کیا۔ اب افغانستان آزاد ہے۔کیاافغانستان سلطنتوں کا قبرستان نہیں ہے؟افغانیوں سے علامہ اقبال رحمہ اللہ ، شاعر حیریت ، ضرب کلیم کے آخر میں میں اس طرح مخاطب ہواتھا کہ:۔

اس نظم میں علامہ اقبال رحمہ اللہ نے اپنے دورکے المیے کو بیان کیا تھا کہ کس طرح محکوم قومیں گھٹنے ٹیک رہی ہیں۔

مگر افغانیوں نے کبھی بھی غلامی قبول نہیں کی۔ ہمیشہ جد وجہد کی۔ ایک اور جگہ علامہ اقبال رحمہ اللہ نے افغانیوں کو اس طرح خطاب کیا کہ:۔
1933ء علامہ اقبال افغانستان بادشاہ محمد نادر شاہ کی دعوت پر وہاں گئے۔ جس نماز کا وقت ہوا تو بادر شاہ نے امامت کے لیے علامہ اقبال رحمہ اللہ کو آگے کیا۔

مگر فلسفی شاعر نے معذرت کی اور تاریخی بات کی کہ میں اس دور کے عادل بادشاہ کی امامت میں نماز پڑھنا اپنا اعزاز سمجھتا ہوں اور نادر شاہ کی امامت میں نماز ادا کی۔ علامہ اقبال رحمہ اللہ نے کابل میں ایک نئی یونیورسٹی کے قیام کا کہا اور کہا کہ ایک تعلیم یافتہ افغانستان ہندوستان کا بہترین دوست ثابت ہو سکتا ہے۔ کابل کی مغربی سرحد پر اسلامیہ کالج کویونیورسٹی میں تبدیل کرنا تیز فہم افغان قبائل اور ہندوستان کے درمیان آبادی کی بہبود کے لیے انتہائی سود مند ہوگا۔

علامہ اقبال رحمہ اللہ افغانیوں کے جذبہ حریت،دینی جوش و خروش اور اپنی رویات کے امین ہونے پر مبارک بادے دینے کے بعد ان کی کمزروی سے بھی واقف تھا۔ جو مختلف قبائل میں موجود تھیں۔ علامہ اقبال رحمہ اللہ اپنی نظم میں مختلف قبائل کو نصیحت کرتے ہیں۔ کہ وہ مختلف قبائل کی نفرقوں سے آزاد ہو ایک ملت میں گم ہو جائیں۔علامہ اقبال رحمہ اللہ نے قبائل میں بٹے ہوئے افغانیوں کو اس طرح خطاب کیاکہ:۔

علامہ اقبال رحمہ اللہ کا پیغام آج بھی افغانیوں کے لیے اسی طرح نافذالعل ہے جس طرح صدی پہلے تھا۔

علامہ اقبال رحمہ اللہ کے پیغام پر عمل کر کے افغان قوم اب بھی اپنا مستقبل شاندار بنا سکتی ہے۔ ایٹمی پاور ،جدید میزائل کی قوت سے لیس، اللہ اور رسول رحمت پر مر مٹنے والے پاکستانی مسلمان اور مملکت اسلامیہ جمہوریہ پاکستان جو مثل مدینہ ریاست ہے، اوربہادر،حریت پسند اور غیرت مند ملت افغانیہ مل اسلامی نشاة ثانیہ کی بنیاد رکھ سکتے ہیں۔ ان شاء اللہ۔