اپنا کام بنتا بھاڑ میں جائے جنتا

بالکل ٹھیک کہا ہے کسی نے کیوں کہ ہمیں تو چار سو صرف اور صرف اپنا آپا ہی تو نظر آتا ہے ماسوائے لوگوں کی کھال ادھیڑنے اور ڈنڈی مارنے کے ہمارے پاس اور کرنے کو کچھ بھی نہیں بچتا
ہماری شیطانی اکنامکس کا ایک اصول ہے
جس چیز کی ڈیمانڈ ذیادہ ہو اور سپلائی کم ہو اس چیز کا ریٹ بڑھا دو یعنی پھر چاہے چالیس کا چار سو کرو یا پچھتر کا ڈیڑھ سو کوئی تمہیں پوچھے گا نہیں کوئی پکڑے گا نہیں
ابھی جیسا کہ حال ہی میں جہاں کورونا کے پیش نظر پٹرول کی قیمت میں قدرے کمی آئی ہے وہیں پٹرول کی قلت بھی ایک بہت بڑا مسئلہ بن کر سامنے آئی ہے پہلی بات تو پٹرول ملتا ہی نہیں دوسری بات اگر کہیں سے مل بھی جائے تو ریٹ بیچنے والے کی مرضی کے حساب سے لگے گا پھر چاہے وہ ڈیڑھ سو لگائے یا دو سو اس کی مرضی اب جہاں 10/12پٹرول پمپس میں سے ایک آدھ پٹرول بیچ رہا ہو باقی سارے بند پڑے ہوں پھر چاہے وہ پانچ سو لیٹر کے حساب بھی بیچے گا اسکا ہاتھوں ہاتھ بکے گا کیونکہ ہم نے خود کو ٹیکنالوجی کی لت میں کچھ یوں لت پت کیا ہے کہ ہمیں گھر سے بازار جانے کے لیے بھی گاڑی چاہیے اسکول سے گھر آنے کے لیے بھی گاڑی چاہیے گھر سے آفس جانا ہو یا آفس سے گھر آنا ہو رشتہ دار کے گھر جانا ہو یا آنا ہو ہمیں گاڑی ہی چاہیے اگر گاڑی نہ ہو تو کم سے کم موٹر بائیک تو لازما ہونی ہی چاہیے اور یہ سب چیزیں پٹرول پر چلتی ہیں جیسا کہ انسان کو زندہ رہنے کے لیے پانی کی ضرورت ہوتی ہے بالکل اسی طرح اس مشینری کو چلانے کے لیے پٹرول کی ضرورت ہوتی ہے ایسے میں اپنی ضروریات پوری کرنے کے لیے ہمیں ان جگاٹیکس لینے والوں کے ہاتھوں اپنا سر منڈوانا ہی پڑتا ہے
اب یہاں سوال یہ پیدا نہیں ہوتا کہ پٹرول کی قلت کیوں ہوئی یہاں سوال یہ پیدا ہوتا ہے کہ جب لاک ڈاؤن کی وجہ سے ہر چیز بند پڑی ہے سب کام ٹھپ پڑا ہے ٹرانسپورٹس بس نام کی چل رہی ہیں ایسے میں پٹرول سستا کرنے کی کیا لاجک بنتی ہے بھئی اگر سستا کرنا ہی ہے تو کھانے پینے کی اشیاء کرو تا کہ بھولی بھالی غریب عوام کا کچھ فائدہ ہو ہم کھانے پینے سے زندہ رہتے ہیں پیٹرول پینے سے نہیں اگر فی روٹی کی قیمت 6روپے سے بڑھا کر 10 روپے کر دی جاوے گی فی من گندم 1400 کا ریٹ لگا کر 1450 میں بیچی جائے گی ایسے میں آپکا پیٹرول سستا کرنے کا فائدہ کسے ہو گا؟  
گندم سے یاد آیا کہ ہماری حکومت وقت کی نا اہلی تو دیکھیئے کہ شوگر اسکینڈل کے مرکزی کردار کو ہی ملک سے باہر جانے دیا مطلب کچھ بھی؟ ابھی آٹا شوگر اسکینڈل ہم لوگوں کے بیچ ہی بھنگڑے ڈال رہا تھا کہ جناب رحمن ملک،وزیر صحت شہاب الدین اور سابق وزیراعظم یوسف رضا گیلانی کا سینیتھریچا کو ہراساں کرنے کا کیس سامنے آ گیا اگر اسے سامنے رکھ کر  آٹا شوگر اسکینڈل کو پیٹھ پیچھنے پھینکنے کی چال ہے تو ہاتھ ملائیے یہ چال بہت جلد ناکام ہونے والی ہے کیونکہ معذرت کیساتھ ابھی ہماری عوام پاکسانی نام نہاد ماڈلز کی وائرل ویڈیو دیکھنے سے فراغت پا کر نکل نہیں پائے کہ انھیں کسی اور بے ہودہ ویڈیو کا لالچ دے کر انکا دھیان بھٹکایا جائے
مزے کی بات یہ ٹھہری کہ پٹرول سستا ہونے کے باوجود عوام کو پہلے سے بھی دگنے ریٹس میں مل رہا ہے یعنی اگر ریٹ لسٹ چیک کی جائے تو پٹرول 74 روپے 55پیسے فروخت ہونا چاہیے لیکن یہاں صورتحال بالکل ہی الٹ ہے یہاں تو یہ ٹھگ باز کہیں 120 روپے لیٹر دے رہے ہیں تو کہیں 140 اور کہیں بالکل بھی نہیں دے رہے ہر طرف خشکا پڑا ہوا ہے
ایسے میں اگر اگر سوال اٹھایا جائے تو آگے سے جواب ملے گا بھئی ہم نے ہر چیزوں کے نرخ کم کیئے ہوئے ہیں اب تمہیں دکاندار ذیادہ نرخوں میں چیز فروخت کرے تو ہم کیا کروں بندہ ان سے یہ پوچھے کہ ہم نے تمہیں حکمرانیت کیوں دی؟ اگر یہ سب کام ہم نے ہی کرنے ہیں تو یہاں پہ ایک چھوٹا سا سوال یہ اٹھتا ہے کہ آخر کو گڑ بڑ  ہے کہاں؟ ویسے تو ہمارا پورا سسٹم ہی گڑ بڑ سے بھرا ہوا ہے ایک دودھ بیچنے والا ہے اسکا بس دودھ تک چلتا ہے وہ اس میں پانی ملاتا ہے ایک دکاندار ہے اسے اگر کوئی شے مارکیٹ سے 140 روپے کلو میں پڑ رہی ہے بجائے اس کے کہ وہ دس روپے اوپر منافع کے لگا کر لوگوں کو 150 میں بیچے وہ 60 روے لگا کر اس ریٹ کو 200 کر دے گا اگر اوپر چلے جائیں تو کہیں لال مرچ بنانے والی فیکٹریاں ہیں جو اینٹیں کوٹ کوٹ کر مرچوں میں مکس کر رہی ہیں تو کہیں دوائیوں میں کوئلہ پیس کر ڈالا جا رہا ہے اس سے اوپر چلے جائیں تو M.P.Aاور M.N.A آتے ہیں جو حکومت کی طرف سے آئی غریب عوام کی بھلائی کے لیے گرانٹس ہڑپ کر کے ڈکار تک نہیں لیتے اس سے اوپر چلے جائیں تو ہمارے کرپٹ حکمرانوں کا ٹولا آتا ہے جو غرباء سے وصول کیے گئے ٹیکسز سے اپنے اثاثہ جات بنا کر پانچ سالہ پورا کر کے رفو چکر ہو جاتے ہیں کوئی پوچھنے والا نہیں کوئی روکنے ٹوکنے والا نہیں
لب لباب یہ کہ یہاں جسکا جتنا ہاتھ پڑتا ہے وہ ڈنڈی مارنے سے باز نہیں آتا پھر چاہے وہ فٹ پاتھ پر ریڑی لگا کر پھل بیچنے والا ہو یا سینٹ میں بیٹھا کوئی سینیٹر�

(جاری ہے)

�