جنرل کیانی کا جزیرہ

یہ جزیرہ جسے 'سنیک آئی لینڈ ' بھی کہا جاتا ہے دنیا کا خطرناک ترین جزیرہ ہے. یہ جزیرہ برازیل کی سمندری حدود میں ساحل سے 33 کلومیٹر سمندر کے اندر واقع ہے. اس جزیرہ کی خاص بات یہ ہے کہ یہ دنیا کا واحد جزیرہ ہے جہاں خطرناک زہریلے سانپوں کی بلا شرکت غیرے حکومت ہے.اس جزیرے میں 4000 سانپ پائے جاتے ہیں،ہر مربع میٹر زمین پر 5 سانپ پھن پھیلائے بیٹھے ہیں،دنیا کے 10 خطرناک ترین قسم کے سانپ یہاں موجود ہیں.

اس جزیرے میں انسانوں کا کوئی وجود نہیں ہے اور نہ ہی یہاں پرندوں کی چہچہاہٹ ہے،زمین پر رینگتا کوئی کیڑا مکوڑا سلامت نہیں،ہر طرف سناٹا ہے،سانپوں نے دیگر تمام حیوانات کا صفایا کر دیا ہے.
کچھ عرصہ قبل بحری قذاقوں کی نشاندہی پر اس جزیرے میں آسٹریلین میڈیا کی ایک ٹیم چلی گئی،ان کے ساتھ سائنسدان،ڈاکٹرز اور ماہرین کی ٹیمیں تھیں انہوں نے اس جزیرے کا خوفناک چہرہ دنیا کو دکھا دیا.بحری قذاقوں نے اس جزیرے سے متعلق یہ مشہور کر رکھا ہے کہ یہاں ایک خزانہ چھپا ہوا ہے پچھلے ہزاروں سال سے یہ خطرناک سانپ اس خزانے کی حفاظت کر رہے ہیں.
مجھے اس جزیرے سے متعلق لکھنے کا خیال اس لئے آیا کہ ہمارے میڈیائی قذاقوں نے جنرل کیانی کا ایک جزیرہ آسٹریلیا میں مشہور کر رکھا ہے،سوچا ممکن ہے وہ یہی جزیرہ ہو اور یہ سب سانپ جنرل کیانی کے جزیرے میں مدفون خزانے کی حفاظت پر مامور ہوں.

چونکہ جس دن مسلم لیگ ن کی شائستہ پرویز ٹی وی چینل پر کہہ رہی تھی کہ اس وقت جنرل کیانی اپنے فیملی سمیت جزیرے پر موجود ہیں اسی رات عشاء کی نماز پر ڈی ایچ اے کی مسجد کے دروازے پر ایک نمازی نے جنرل کیانی کو دیکھ کر حیرت کا اظہار کیا کہ سر آپ یہاں؟ مجھے کہاں ہونا چاہئے تھا؟ سر جزیرے پر ! سر ابھی میں ٹی وی ٹاک شو میں سن رہا تھا کہ آپ جزیرے پر ہیں،کیانی مسکراکر مسجد کے اندر چلے گئے.
کیانی پر جزیرے کا الزام لگا دیا لیکن آج تک کسی نے یہ زحمت گوارا نہ کی کہ الزام کے بعد اسے ثابت بھی کرنا پڑتا ہے تب سے اب تک بس کیانی کا جزیرہ کی رٹ لگائی جا رہی ہے،وہ ایک مہم تھی چلائی گئی آسٹریلیا میں ہزاروں ن لیگی،پیپلی،دیسی لبرل موجود ہیں کسی ایک نے جا کر کیانی کے جزیرے کی تصویر حاصل کرکے میڈیا کو دینے کی کوشش نہیں کی۔

(جاری ہے)

سنیک آئی لینڈ میں آسٹریلین میڈیا کی ٹیم کیمرے اٹھا کر پہنچ سکتی ہے تو جیو،وائس آف امریکہ،بی بی سی،ڈان وغیرہ کو کیا مسئلہ درپیش آیا جو کیانی کے جزیرے تک نہیں پہنچ رہا ہے سنیک جزیرے سے خطرناک تو نہیں ہوگا نا؟
بات یہ ہے کہ جنرل کیانی آرمی چیف بننے سے پہلے کبھی آسٹریلیا نہیں گیے،بحیثیت آرمی چیف وہ ایک بار آسٹریلیا گیے ریٹائرمنت کے بعد بھی وہ اسلام آباد میں ہیں ایک آدھ بار برطانیہ کے نجی دورے پر گئے ہیں، آپ کے پاس جرنیلوں کے خلاف پروف اور ثبوت ہیں تو ان کو لیکر عدالت جائیں وہاں ثابت کریں ہم آپ کے ساتھ دیں گے،یہ کیا بات ہوئی کہ بس الزام لگایا اور رفوچکر .
ایسے لوگ جو بغیر کسی ثبوت کے پاک فوج کے آفیسرز پر الزامات لگا رہے ہیں وہ لوگ سنیک آئی لینڈ میں آباد سانپوں سے زیادہ زہریلے ہیں،ان کا نشانہ دراصل جنرل نہیں بلکہ فوج اور سی پیک ہے،لہذا ہوشیار رہیں۔