پیپلز پارٹی کا عوام دشمن پی ٹی آئی کی حکومت کیخلاف اعلان جنگ ہے، لاکھوں عوام کا لانگ مارچ اس حکومت پر بھاری پڑے گا،بلاول بھٹوزرداری
آر ٹی ایس کا نظام فیل کرکے پی ٹی آئی کو جتوایا گیا اب وی ایم مشین یا کسی اور سازش کے ذریعے انتخابات پر ڈاکے نہیں ڈالنے دینگے، نثارکھوڑو عوام اس حکومت کی مہنگائی بے روزگاری، ٹیکسز کی بھرمار سے بے زار ہوچکی ہے ہر ماہ بجلی مہنگی کرکے عوام پر بم گرایا جا رہا ہے،یوریا کھاد کے بحران سے گندم کی فصل بہت کم ہوگی جس سے ایک اور بحران جنم لے گا، فریال تالپور
جمعرات 13 جنوری 2022 23:12
(جاری ہے)
اجلاس سے خطاب کرتے ہوئے چیئرمین بلاول بھٹو زرداری نے کہا کے 27 فروری کو مزار قائد کراچی سیاسی نااہل حکومت کے خلاف لانگ مارچ کی شروعات ہوںگی اور اسلام آباد پہنچ کر اپنے مقاصد حاصل کرلینگے۔
انہوں نے کہا کے پیپلز پارٹی ہی عوام کے مسائل کے حل کے لئے حقیقی اپوزیشن کا کردار ادا کرکے اس پی ٹی آئی کی نااہل حکومت کو بے نقاب کرکے گھر بھیجے گی۔بلاول بھٹو زرداری نے کہا کہ ملک سنگین بحران سے دوچار ہے اور پیپلز پارٹی ہی ملک کو بحران سے نکالے گی۔ انہوں نے کہا کے اس بار بھی عوام اور پیپلز پارٹی ہی کامیاب ہوگی انہوں نے کہا کے پارٹی کارکنان و رہنما آپس کے اختلافات ختم کرکے ایک ہوکر آواز بنیں پھر کوئی ہمیں نہیں ہرا سکتا۔ بلاول بھٹو زرداری نے کہا کہ پیپلز پارٹی ملک بھر میں بلدیاتی انتخابات سمیت عام انتخابات میں بھرپور کامیابی حاصل کرے گی۔ انہوں نے کہا کہ ملک میں زراعت کے سیکٹر کے ساتھ ظلم کیا گیا ہے جس وجہ سے کسان مصیبت میں ہیں اس لئے پیپلز پارٹی کیجانب سے کسانوں کے ساتھ یکجہتی کے لیے 21 جنوری اور 24 جنوری کو ملک بھر میں کسان مارچ ہوگا۔ اس موقع پر خطاب کرتے ہوئے پیپلزپارٹی سندھ کے صدر نثار کھوڑو نے کہا کہ 27 فروری سے مزار قائد کراچی سے شروع ہونے والے لانگ مارچ کا اگلا پڑا پنجاب بارڈر کموں شہید پر ہوگا جس کے بعد مارچ لاھور اور اسلام آباد پہنچے گا اور ہم ہر مکتبہ فکر سے وابسطہ افراد کو پیپلز پارٹی کے لانگ مارچ میں شرکت کی اپیل کرتے ہیں۔ نثار کھوڑو نے کہا کہ ملک اس لئے نہیں بنایا گیا تھا کے عوام خود کو جلائے۔ ریاست کا کام عوام کو ریلیف دینا ہے جو حکومت عوام کو ریلیف دینے میں ناکام ثابت ہوئی ہے۔انہوں نے کہا کہ پیپلز پارٹی کو انجینئرڈ انتخابات کے ذریعے وفاق میں اکثریت حاصل کرنے سے روکنے کی سازش کی گئی تھی۔ آر ٹی ایس کا نظام فیل کرکے پی ٹی آئی کو جتوایا گیا اب وی ایم مشین یا کسی اور سازش کے ذریعے انتخابات پر ڈاکے نہیں ڈالنے دینگے۔ نثار کھوڑو نے کہا کہ عوام پر عذاب کی طرح مسلط اس پی ٹی آئی حکومت کو عوامی طاقت سے گھر بھیجنے پر مجبور کرینگے۔انہوں نے کہا کہ وفاقی حکومت 340 ارب روپے کی ٹیکس عوام پر لگا کر عوام کا خون چوسنا چاہتی ہے۔وفاقی حکومت ہر محاذ پر ناکام ثابت ہوچکی ہے یوریا کی سرکاری رقم 17 سو روپے ہے مگر آبادگار اور کسانوں کو مارکیٹ سے 32 سو روپے میں بھی یوریا کھاد نہیں مل رہی۔ نثار کھوڑو نے کہا کہ عوام اور ملک کو بحران سے نکالنے کے لئے وزیراعظم عمران خان اور پی ٹی آئی کو اقتدار سے نکالنا ضروری ہے۔ لاکھوں عوام اسلام آباد پہنچ کر عوام سے زیادتیوں کا حساب اس وفاقی حکومت سے لینگے۔پی پی پی خواتین ونگ کی مرکزی صدر فریال تالپور نے اجلاس سے خطاب کرتے ہوئے کہا کے عوام اس حکومت کی مہنگائی بے روزگاری، ٹیکسز کی بھرمار سے بے زار ہوچکی ہے ھر ماہ بجلی مہنگی کرکے عوام پر بم گرایا جا رہا ہے۔ فریال تالپور نے کہاکہ یوریا کھاد کے بحران سے گندم کی فصل بھت کم ہوگی جس سے ایک اور بحران جنم لے گا۔ انہوں نے کہا کے اس حکومت نے ایسے حالات پیدا کرکے خود عوام کو لانگ مارچ پر مجبور کردیا ہے مارچ میں خواتین بھی بھرپور شرکت کرینگی۔ فریال تالپور نے کہا کے بلدیاتی انتخابات میں حصہ لینے والے پارٹی امیدواروں سے 30 جنوری تک درخواستیں طلب کی ہیں۔ سابق وزیراعلی سندھ سید قائم علی شاہ نے کہا کے پی ٹی آئی ملک سے غریب مٹاو کی ایجنڈا پر کام کر رہی ہے۔ اجلاس کو صوبائی وزیر اطلاعات وصدر پی پی پی کراچی ڈویژن سعید غنی نے بلدیاتی قانون پر بریفنگ دی اور کہا کے بلدیاتی قانون پر احتجاج کرنی والی جماعتوں کو یہ خوف ہے کے پیپلز پارٹی بلدیاتی انتخابات میں اپنا میئر لائے گی اس لئے احتجاج کرکے تماشہ کیا جا رہا ہے سعید غنی نے کہا کے یہ لوگ احتجاج کرتے رہیں آمر پرویز مشرف کا بلدیاتی نظام واپس نہیں آئے گا۔اجلاس میں سرفراز راجڑ، وقار مھدی، عاجز دھامراہ، سید ناصر شاہ، سعید غنی، سسئی پلیجو ،نعمان شیخ، لال چند اکرانی، سمیت ایم پی ایز ڈویژنل و ضلعی صدور و ذیلی تنظیموں کے رہنماں نے شرکت کی۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.