پاکستان معدنی وسائل کے استعمال سے قرضوں کو خیرباد کہہ سکتا ہے، وزیراعظم شہباز شریف

اسلام آباد(اردوپوائنٹ اخبار تازہ ترین۔08اپریل 2025)وزیراعظم شہباز شریف نے کہا ہے کہ قدرت نے پاکستان کو قدرتی وسائل سے مالا مال کیا ہے، پاکستان معدنی وسائل کے استعمال سے قرضوں کو خیرباد کہہ سکتا ہے، ہمارے پاس کھربوں ڈالرز کے ذخائر ہیں ، ان معدنی ذخائر سے مستفید ہو کر پاکستان آئی ایم ایف کو خیر باد کہہ سکتا ہے، معدنی شعبے میں سرمایہ کاری کو فروغ دینے کیلئے اسلام آباد میں 2 روزہ پاکستان منرلز انویسٹمنٹ فورم 2025 کا آغاز ہوگیا ہے۔

وزیراعظم شہباز شریف اور آرمی چیف جنرل سید عاصم منیر انویسٹمنٹ فورم میں شریک ہیں۔ اعلیٰ سطح کا امریکی وفد ایرک مائر کی سربراہی میں انویسٹمنٹ فورم میں شریک ہے جبکہ فورم میںامریکہ، چین، سعودی عرب، روس، فن لینڈ اور تریکہ سمیت دیگر ممالک کے وفود سمیت پنجاب، بلوچستان اور سندھ کے وزرائے اعلیٰ بھی فورم میں موجود ہیں۔

(جاری ہے)

پاکستان منرلز انویسٹمنٹ فورم 2025 سے خطاب کرتے ہوئے وزیراعظم کا کہنا ہے کہ میں تمام مندوبین کوپاکستان آمد پر خوش آمدید کہتا ہوں۔

فورم کے کامیاب انعقاد پر منتظمین کو مبارکباد پیش کرتا ہوں۔اس موقع پروزیراعظم نے امریکہ، چین اور یورپ سمیت تمام ممالک کے سرمایہ کاروں کوپاکستان میں سرمایہ کاری کی دعوت دیتے ہوئے کہا کہ بین الاقوامی سرمایہ کاری کیلئے سود مند ہوگا کہ وہ یہاں سے خام مال باہر لے جائیں۔انہوں نے کہا کہ بلوچستان کے پہاڑوں، خیبرپختونخواہ ، گلگت بلتستان اور آزاد کشمیر میں معدنیات کے کھربوں ڈالر مالیت کے ذخائر ہیں۔

یہ فورم معدنیات کے شعبے میں سرمایہ کاری میں اضافے کا باعث بنے گا اور سرمایہ کاروں کے اعتماد میں مزید اضافہ ہوگا۔میں تمام مندوبین کو، فورم کے انعقاد سے سرمایہ کاروں کے اعتماد میں اضافہ ہوگا، فورم معدنیات کے شعبے میں سرمایہ کاری میں اضافے کا باعث بنے گا۔اس کے علاوہ سندھ اور پنجاب کی سرزمین بھی قدرتی وسائل سے مالا مال ہے۔ آزاد کشمیر میں بھی قدرت کے بے پناہ خرانے مدفن ہیں۔

ان ذخائر کو نکالنے سے پاکستان اپنے قرضوں کے پہاڑ سے نجات حاصل کرسکتا ہے۔وزیراعظم شہباز شریف کا تقریب سے خطاب کرتے ہوئے مزیدکہناتھا کہ ریکوڈک منصوبے میں پیش رفت حوصلہ افزا ہے۔ بلوچستان میں کان کنی سے روزگار کے مواقع پیدا اور سماجی و معاشی ترقی ہوگی۔ معدنیات کے شعبے میں سرمایہ کاری سب کیلئے سودمند ہے۔ پاکستان میں دنیا کے سب سے بڑے کوئلے کے ذخائر موجود ہیں۔

سندھ حکومت کوئلے کے ذخائر سے استفادہ حاصل کرنے کیلئے کام کررہی ہے۔ ہم نے اپنی مصنوعات کی ویلیوایڈیشن کرکے برآمدات کو فروغ دینا ہے۔ خام مال کی بجائے تیار شدہ مصنوعات کی برآمد کو یقینی بنایا جائے گا۔ان کا یہ بھی کہنا تھا کہ پاکستان درآمدی کوئلے کے بجائے مقامی کوئلے پر انحصار کر کے قیمتی زرمبادلہ کی بچت کر رہا ہے۔ ہم نے اپنی مصنوعات کی ویلیوایڈیشن کر کے برآمدات کو فروغ دینا ہے۔

خام مال کی بجائے تیار شدہ مصنوعات کی برآمد کو یقینی بنایا جائے گا۔میں سرمایہ کاروں سے کہوں گا کہ وہ تیار مصنوعات پر کام کریں۔ کان کنی کی صنعت کیلئے فنی تربیت لازم وملزوم ہے۔ نوجوانوں کو فنی تربیت کیلئے نجی شعبے اور حکومتی سطح پر شراکت داری کو فروغ دیا جائے گا۔ سرمایہ کار کمپنیاں نوجوانوں کو ہنر کی فراہمی میں کردار ادا کریں۔وزیراعظم شہباز شریف خطاب کے بعد ایم ایس پی اور بیرک گولڈ کے درمیان پاکستان منرلز سیکیورٹی شراکت داری کیلئے ایم او یو کا تبادلہ ہوا جبکہ معدنی وسائل کی تلاش کیلئے پاکستان اور چائنہ جیولوجیکل سروے میں بھی ایم او یو کا تبادلہ ہوا۔

بلوچستان کان کنی، معدنیات کے محکمے اور چینی کمپنی ایم سی سی میں ایم او یو کا تبادلہ اورماڑی منرلز اور لیبیا مائننگ کے درمیان ایم او یو کا تبادلہ بھی ہوا۔اس کے علاوہ معدنی ذخائر کی تلاش کیلئے او جی ڈی سی ایل اور این آر ایل کے درمیان ایم او یو کا تبادلہ اورایف ڈبلیو اور اور آذربائیجان کی کمپنی آذر گولڈ کے درمیان بھی معاہدہ ہوا۔قبل ازیںنائب وزیراعظم اسحاق ڈار نے پاکستان منرلز انویسٹمنٹ فورم 2025 سے خطاب کرتے ہوئے کہا کہ پائیدار معاشی استحکام کیلئے معدنی وسائل سے بھرپور استفادہ کرنا ہوگا۔ پاکستان اقتصادی ترقی کے نئے دور میں داخل ہو رہا ہے، تمام معاشی اشارئیے مثبت ہیں۔ عالمی ادارے بھی پاکستان کی معاشی ترقی کا اعتراف کر رہے ہیں۔