Live Updates

ن لیگ کے تحت پاک فوج کی جانب سے بھارت کو بدترین شکست دینے کی خوشی میں مشعل بردار ریلی نکالی گئی

آج پاکستان نے مودی کا غرور خاک میں ملادیا ہے۔آج پاکستان کو فتح ہوئی ہے۔ہماری مسلح افواج نے بھارت کا دفاعی نظام تباہ کردیا،نہال ہاشمی

ہفتہ 10 مئی 2025 21:45

کراچی(اُردو پوائنٹ اخبارتازہ ترین - این این آئی۔ 10 مئی2025ء)پاکستان مسلم لیگ(ن)کے تحت ہفتہ کو پاک فوج کی جانب سے بھارت کو بدترین شکست دینے کی خوشی میں نمائش چورنگی سے مزار قائد اعظم تک مشعل بردار ریلی نکالی گئی ۔ریلی کے شرکا نے قومی پرچم اٹھارکھے تھے ۔شرکا نے پاک فوج کی حمایت میں نعرے بازی کی ۔ریلی کی قیادت مسلم لیگ ن کے رہنمائوں نہال ہاشمی ۔

اسد عثمانی نے دیگر نے کی ۔ریلی میں میڈیا سے گفتگو کرتے ہوئے نہال ہاشمی نے کہا کہ آج پاکستان نے مودی کا غرور خاک میں ملادیا ہے۔آج پاکستان کو فتح ہوئی ہے۔ہماری مسلح افواج نے بھارت کا دفاعی نظام تباہ کردیا۔یہ شکست بھارت کے ساتھ اسرائیل کی بھی ہوئی یے۔اسرائیلی وزیراعظم نتن یاہو کے ڈرون پاکستان میں آئے ۔ان کو تباہ کردیاگیا۔

(جاری ہے)

اس فتح کا سہرا وزیراعظم شہباز شریف ۔

آرمی چیف جنرل عاصم منیر اور افواج کے افسران وجوانوں کو جاتا ہے۔انہوں نے کہا کہ پاکستان امن چاہتا ہے۔ڈائیلاگ سے مسائل حل کرنے پر یقین رکھتا ہے ۔ہماری امن پسندی کمزوری نہیں ہے ۔ہم نے اپنا دفاع کرکے دنیا کو بتادیا ہے۔بھارت سے مذاکرات ہوں لیکن ہمارا مطالبہ ہے پہلگام واقعہ کی عالمی سطح پر آزادانہ کمیشن کے توسط تحقیقات کرائی جائیں تاکہ اصل حقائق سامنے آئیں۔بھارت آبی جارحیت ختم کرے ۔پاکستان کا پانی بحال کرے۔اسد عثمانی نے کہا کہ مسلم لیگ کے سربراہ نواز شریف نے ہمیشہ امن کا پیغام دیا ہے۔کراچی میں امن ن لیگ کی حکومت نے بحال کیا ۔یہ ریلی پاکستان کی فتح کی خوشی میں نکالی گئی یے۔