ّبھارت کشمیری قوم اور قیادت سے رائے شماری کے وعدے پر عمل درآمد کرائے : قمر زمان کائرہ

? لاہور (اُردو پوائنٹ اخبارتازہ ترین - آن لائن۔ 16 مئی2025ء) ممبر سینٹرل ایگزیکٹو کمیٹی پاکستان پیپلز پارٹی قمر زمان کائرہ نے کہا ہے کہ بڑھکیں مارنے والے کو بالآخر مذاکرات کی میز پر آنا ہو گا،پاکستان کوئی جنگ چاہتا تھا،نہ چاہتا ہے ،نہ چاہے گامگر پاکستان پر جنگ مسلط نہ کی جائے۔اب مسئلہ کشمیر حل کرانے کا وقت ہے۔اسکے حل تک خطے میں پائیدار امن قائم نہیں ہو گا۔

بھارت کشمیری قوم اور قیادت سے رائے شماری کے وعدے پر عمل درآمد کرائے ،ہم چاہتے ہیں کہ خطے میں پائیدار امن کیلیے کشمیر کا مسئلہ مذاکرات سیحل کیا جائے۔وہ پیپلز پارٹی وسطی پنجاب کے ڈپٹی جنرل سیکریٹری عثمان ملک کی رہائشگاہ پر سید حسن مرتضی ،چودھری منظور احمد اور چودھری اسلم گل کیساتھ پریس کانفرنس سے خطاب کر رہے تھے۔

(جاری ہے)

اس موقع پر ڈاکٹر خالد جاوید جان،ڈاکٹر خیام حفیظ،احسن رضوی،ثانیہ کامران،بشری منظور مانیکا،چودھری ریاض،عزیز ملک،آغا تقی شاہ،رانا فاروق اشرف،شکیل پاشا،راو بابر جمیل بھی موجود تھے۔

قمر زمان کائرہ نے کہا کہ پہلے دن سے کہہ رھے ییں۔اللہ تعالی نے پاکستان کوگھمنڈ میں شکار قوم کیخلاف فتح دی ہے،یہ تفخر کرنیکا نہیں اپنی قوم کو شاباش دینے اور سر بسجود ہونے کا دن ہے۔اس معرکے میں ہم سیاسی عسکری۔میڈیا کے میدان اور اخلاقی طور پر جیتے ہیں۔،پاکستان نے بڑے صبر سے بھارتی پروپیگنڈے کا مقابلہ کیا اور بڑھکوں کا جواب بڑھکوں سے نہیں دیا۔

سابق وفاقی وزیر اطلاعات نے کہا کہ پاکستان پر حملہ ہوا تو ہم دنیا کو کہتے رھے کہ ہمیں دفاع کا حق حاصل یے۔ہمارے سپاہیوں اور عوام نے شہادتیں پائیں ،پاکستان نے ان جگہوں پر حملے کیے جہاں سے اس پر حملہ ہوا اورہم نے بھارت کے پانچ رافیل۔طیارے مار گرائے۔انہوں نے کہا کہ ہم نے بار بار تحقیقات میں تعاون کرنے کا کہا،انکے میزئیلوں کے جواب میں ہمارے جواب سے انکی چیخیں نکلیں۔

پہلے ہی کہا تھااگر ہم پر حملہ ہوا تو ہمارے پاس صلاحیت بھی ہے اور جزبہ بھی،پاکستان کی سب سے بڑی فتح یہی ہے جس پر حکومت کو مبارکباد دیتا ہوں،قوم۔نے ثابت کیا کہ ہمارے سیاسی اور فقہی اختلافات ہیں مگر پاکستان کی سالمیت پر حملہ ہو تو ہم ایک ہو جاتے ہیں۔قمر زمان کائرہ کا کہنا تھا کہ ہر جماعت اور حکومت نے ملکی دفاع مضبوط کرنیکی کوشش کی۔

پیپلز پارٹی نے ٹوٹے ہوئے ملک کو اکھٹا کیا،بھٹو نے مضبوط دفاعی نظام اورہیوی کیمیکل کمپلیکس کی بنیاد رکھی،جے ایف 17تھنڈر اسی ایچ ایم سی میں ہی بن رھا ہے۔بی بی شہید نے پاکستان کو میزائل ٹیکنالوجی لیکر دی,آصف زرداری نے بطور صدر پاک چین دوستی کو پھر سے زندہ کیا۔انہوں نے کہا کہ آج چین پاکستان کو مالی اور دفاعی طور پر سپورٹ کر رھا ہے،بھٹو شہید نے جو کام شروع کیا جسے آصف زرداری نے پایہ تکمیل تک پہنچایا جبکہ بلاول بھٹو زرداری نے بطور وزیر خارجہ اپنے نانا اور والدہ کی طرح پاکستان کا مقدمہ لڑا،پاکستان کی اخلاقی فتح میں چیئرمین بلاول بھٹو کا بہت بڑا ہاتھ ہے۔

سابق وزیر اطلاعات نے کہا کہ ہم دہشت گردی کا بڑا شکار ہونے کے باوجود اسے ختم کرنے میں تعاون کرنا چاہتے ہیں.انہوں نے کہا کہ یہ کریڈٹ کی جنگ نہیں،ٹوٹا ہوا ملک اور ہاری ہوئی قوم کو بھٹو نے کھڑا کیا تھامجھے کسی کی لائن مٹانے کی بجائے اپنی لائن لگانی چاہیے۔میڈیا کے مختلف سوالوں کے جواب میں قمر زمان کائرہ نے کہا کہ سیاسی جماعتوں کواپنی کوتاہیوں پر نظر ڈالنی چاہیے اورحکومت اور اداروں کو بھی درگزر کی پالیسی اپنانا چاہیے۔

انکا کہنا تھا کہ حکومت میں شامل ہونے یا نہ ہونے کا فیصلہ پیپلز پارٹی کی سینٹرل ایگزیکٹو کریگی،پیپلز پارٹی وسطی پنجاب کے جنرل سیکرٹری سید حسن مرتضی نے کہا کہ یوم تشکر پر پروفیشنل افواج پاکستان کا شکریہ ادا کرتے ہیں, بھارت کو جو جواب دیا گیا دنیا سوچ بھی نہیں سکتی تھی،ایک ایجنڈے کی تحت افواج پاک کو ڈی مولائز کیا گیا۔انہوں نے کہا کہ پاکستان پیپلز پارٹی کی قیادت سے کارکن تک قربانیاں کسی سے ڈھکی چھپی نہیں۔

ن لیگ کا نام۔لیے بغیر انہوں نے کہا کہ ایسا جھوٹ مت بولو کہ بعد میں شرمندگی ہو۔پاکستان پیپلز پارٹی کی قیادت کے علاؤہ کسی کا ملکی دفاع میں حصہ نہیں۔فوٹو لگا کر کسی کو کریڈٹ نہیں لینا چاہیے،انہوں نے کہا کہ سرحد پر کھڑے سپاہی کی بندوق سے لیکر جنگی جہاز اور میزائل۔پیپلز پارٹی کی دین ہے۔انہوں نے مذید کہا کہ افواج پاکستان کا جہاں ذکر ہوتا ہے وہاں پیپلز پارٹی کی کوششوں کا دخل ہوتا ہے۔

بلاول کی 25اپریل کی تقریر ہو یا بھارت میں کھڑے ہو کر بات کرنیکی بات ہو،پیپلز پارٹی کو کسی بھی جگہ پر مائنس کرنا مناسب نہیں۔انہوں نے کہا کہ وزیر اعظم 6جہاز گرانے کا کریڈٹ لیتے ہیں تو اڈیالہ کے ساتویں جہاز کا بھی کریڈٹ لیں۔انچارچ پیپلز لیبر بیورو چودھری منظور احمد نے کہا کہ،میرا یوم تشکر جنگ ٹلنا ہے۔انہوں نے بتایا کہ اگر خدانخواستہ جنگ بڑھتی تو 20کروڑ لوگ ایٹمی جنگ میں مارے جاتے۔زندہ رہ جانیوالے مر جانے کی دعا کرتے۔پاکستان کو اب پانی کا مسئلہ سمجھ آ جانا چاہیے۔چودھری منظور احمد نے مذید کہا کہ پیپلز پارٹی اس لیے امن کی بات کرتی ہے۔