ہم نے پاکستان اور بھارت کو جنگ سے روکا، پاک بھارت کشیدگی جوہری تباہی کا باعث بن سکتی تھی ، ڈونلڈ ٹرمپ

ہم نے گولیوں کے بجائے تجارت کو ترجیح دی اور یہی ہماری اصل کامیابی ہے، جنگ بندی پر پاک بھارت رہنماوں کا شکریہ اداکرتا ہوں، امریکی صدر کی اوول میں میڈیا سے گفتگو

فیصل علوی ہفتہ 31 مئی 2025 10:23

ہم نے پاکستان اور بھارت کو جنگ سے روکا، پاک بھارت کشیدگی جوہری تباہی ..

واشنگٹن(اردوپوائنٹ اخبار تازہ ترین۔31 مئی 2025)امریکی صدر ڈونلڈٹرمپ کا کہنا ہے کہ ہم نے پاکستان اور بھارت کو جنگ سے روکا، پاک بھارت کشیدگی جوہری تباہی کا باعث بن سکتی تھی، ہم نے گولیوں کے بجائے تجارت کو ترجیح دی اور یہی ہماری اصل کامیابی ہے، اوول ہاوس میں میڈیا سے گفتگو کرتے ہوئے امریکی صدر ڈونلڈ ٹرمپ نے کہا کہ جنگ بندی پر پاک بھارت رہنماوں کا شکریہ اداکرتا ہوں۔

اگر بھارت اور پاکستان کے درمیان جنگ جاری رہتی تو انہیں دونوں ممالک سے تجارتی معاہدے کی کوئی دلچسپی نہ ہوتی۔میں ان لوگوں کے ساتھ تجارت نہیں کرتا جو ایک دوسرے پر گولیاں برسا رہے ہوں۔انہوں نے کہا کہ ہم نے بھارت اور پاکستان کو جنگ سے روکا، دونوں ملکوں میں کشیدگی ایٹمی تباہی کا پیش خیمہ بن سکتی تھی۔

(جاری ہے)

ہم کسی سے بھی بہتر لڑسکتے ہیں ہمارے پاس دنیا کی سب سے بڑی فوج ہے۔

امریکی صدر ڈونلڈ ٹرمپ کا گفتگو کرتے ہوئے مزید کہنا تھا کہ امریکہ ایران جوہری پروگرام معاہدے کے قریب ہیں۔ چینی صدر سے تجارت اور ٹیرف پر بات کروں گا۔ امید ہے تجارت اور ٹیرف پر امریکا چین اختلافات دور ہو جائیں گے۔خیال رہے کہ اس سے قبل امریکی صدر ڈونلڈ ٹرمپ نے ایک بار پھر دعویٰ کرتے ہوئے کہا تھا کہ پاکستان اور بھارت کے درمیان جنگ بندی میں نے کرائی تھی۔

ڈونلڈ ٹرمپ نے ایک بار پھر پاک بھارت جنگ بندی کا سہرا اپنے سر لیتے ہوئے کہاتھاکہ میں نے پاکستان اور بھارت سے کہا کہ تم لوگ یہ کیا کر رہے ہو؟ دونوں ممالک کے درمیان مسئلہ بڑھتا جا رہا تھا۔وائٹ ہاوس میں جنوبی افریقہ کے صدر رامافوساکے ہمراہ پریس بریفنگ کے دوران امریکی صدر کا کہنا تھا کہ میں نے فریقین کے درمیان تجارت کے ذریعے تنازع ختم کیاتھا۔

امریکی صدر ٹرمپ نے پاکستان بھارت جنگ بندی معاہدے کی تعریف کی تھی۔ٹرمپ کا ایک مرتبہ پھر کہنا تھا کہ انہوں نے پاکستان اور بھارت کے درمیان جنگ بندی کرائی تھی۔انہوں نے یہ بھی کہا تھاکہ امریکہ بھارت اور پاکستان کے ساتھ بڑے تجارتی معاہدے کر رہا تھا۔ پاکستان کے لوگ بہترین اور لیڈر عظیم تھے۔ بھارت میں میرا دوست نریندر مودی تھا۔امریکی صدر کاگفتگو کے دوران کہنا تھا کہ آپ دیکھیں کہ ہم نے پاکستان اور انڈیا کےساتھ کیا کیا، میں نے ان کا مسئلہ تجارت کے ذریعے حل کیاتھا۔