Live Updates

ابرا ہم اکارڈ کا شوشہ درحقیقت اسرائیل کو تسلیم کرنے کی راہ ہموار کرنا ہے ‘جاوید قصوری

بدھ 9 جولائی 2025 22:43

لاہور (اُردو پوائنٹ اخبارتازہ ترین - این این آئی۔ 09 جولائی2025ء) امیر جماعت اسلامی پنجاب محمد جاویدقصوری نے کہا ہے کہ حکومت نے ابرا ہم اکارڈ کا حصہ بننے اور اسرائیل کو تسلیم کرنے کے حوالے سے پیش رفت کی تو ان کا انجام برا ہو گا،امریکن صدر ڈونلڈ ٹرمپ اور نیتن یاہو کا غزہ پر قبضے کا منصوبہ بے نقاب ہو چکا ہے،عالم اسلام کو غزہ کے نہتے مسلمانوں کی آواز بننا ہو گا ،امریکہ اور اسرائیل مل کر عالم اسلام کے خلاف متحد ہو چکے ہیں اور مسلمانوں کی نسل کشی کر رہے ہیں ، یہ عالمی دہشت گردوں کا اتحاد ہے جس نے دنیا کا امن تہس نہس کرکے رکھ دیا ہے۔

ان خیالات کا اظہار انہوں نے گزشتہ روز غزہ میں اسرائیلی مظالم کے خلا ف اپنا شدید ردعمل دیتے ہوئے کیا ، ان کا کہنا تھا کہ وقت آگیا ہے کہ اسرائیل کو سبق سیکھاجائے ۔

(جاری ہے)

امت مسلمہ کو اتحاد کی ضرورت ہے ۔ایران نے امریکہ اور اسرائیل کا غرور خاک میں ملا دیا ہے ۔اسرائیل کی اصل حقیقت کھل کر سامنے آچکی ہے اور خوف دلوں سے نکل چکا ہے ۔دنیا نے دیکھ لیا ہے کہ اسرائیل عالمی دہشت گرد ہے جس کے اوپر دنیا کا کوئی قانو ن لاگو نہیں ہوتا۔

وہ پاگل ہو چکا ہے ۔عالمی برادری اور اقوام متحدہ غزہ جنگ بندی میں،اپنی ناکامی کا اعتراف کرے۔ ان کا کہنا تھا کہ غزہ پر اسرائیل کی جانب سے فاسفورس بموں کی بارش کی مگر مجال ہے کہ اقوام متحدہ سمیت انسانی حقوق کی علمبر دار تنظیموں کے ضمیر جاگے ہو ں۔اسرائیلی جارحیت سے غزہ کی بیس لاکھ کی آبادی بے گھر ہوچکی ہے ۔صیہو نی فوج کی طرف سے رفاہ کی راہداری ،اسکولوں ، ہسپتالوں، رہائشی آبادیوں،میڈیا دفاتر اور پانی سپلائی لائن پر بمباری کی جا رہی ہے ۔

شہید ہونے والوں میں سب سے زیادہ تعداد بچوں اور خوا تین کی ہے ۔ اسرائیل امریکہ کی سرپرستی میں دنیا کے کسی قانو ن کو ماننے کو تیار نہیں عالمی برادری اسرائیل اور اس کے حواریوں کا بائیکاٹ کرے ۔ اقوام متحدہ امن قائم کرنے میں بری طرح ناکام ہو چکی ہے ۔ مسلم ممالک مذمت سے آگے بڑھیںاور اپنا مثبت کر دار ادا کریں۔ محمد جاوید قصوری نے بھارتی افواج کے ہاتھوں مقبوضہ کشمیر میںبرہان وانی کی شہادت کے نو سال مکمل ہونے اپنا ردعمل دیتے ہوئے کہا کہ ہندوستان کے مظالم کسی سے ڈھکے چھپے نہیں، کشمیریوں کی تیسری نسل آزادی کی جنگ لڑرہی ہے۔