wراجہ پرویز اشرف کا 13جولائی 1931کے شہدائے کشمیر کو خراج عقیدت

اتوار 13 جولائی 2025 18:40

لله*لاہور (اُردو پوائنٹ اخبارتازہ ترین - آن لائن۔ 13 جولائی2025ء) سابق وزیراعظم اور پاکستان پیپلز پارٹی وسطی پنجاب کے صدر راجہ پرویز اشرف نے 13جولائی 1931کے شہدائے کشمیر کو خراج عقیدت پیش کرتے ہوئے کہا ہے کہ آج سے 94 برس قبل شہدائے کشمیر نے اپنی مزاحمت کی بنیاد رکھی، 13 جولائی 1931 کے روز شروع ہونیوالی تحریک آج بھی جاری ہے۔ انہوں نے کہا کہ کشمیریوں کی تاریخ ظلم و جبر اور استبداد کے سامنے جدوجہد سے بھری پڑی ہے۔

(جاری ہے)

1931 کے شہداء کا خون مقبوضہ وادی کی موجودہ تحریک کی طاقت ہے۔ راجہ پرویز اشرف نے مزید کہا کہ مقبوضہ وادی کو جیل بنانے کے باوجود کشمیری اپنے حق خود ارادیت کیلئے لڑ رہے ہیں، ہم بھارتی فسطائیت اور جبر کیخلاف جدوجہد کرنیوالوں کو سلام پیش کرتے ہیں۔ راجہ پرویز اشرف نے واضح کیا کہ پاکستان پیپلز پارٹی کشمیری کاز کی پہلے دن سے حامی ہے، بھٹو اور بی بی شہید کے بعد آج انکی تیسری نسل کشمیر کا مقدمہ لڑ رھی ہے۔ راجہ پرویز اشرف نے زور دیکر کہا کہ کشمیر آزاد ہو گا، ضرور ہو گا اور اسے چیئرمین بلاول بھٹو ہی آزاد کرائینگے۔