Live Updates

29اگست سے 2ستمبر تک ملک بھر میں بارشیں متوقع، کراچی میں ہفتے سے بارش کا امکان

جمعرات 28 اگست 2025 21:40

اسلام آباد (اُردو پوائنٹ اخبارتازہ ترین - این این آئی۔ 28 اگست2025ء)این ڈی ایم اے نے محکمہ موسمیات کے حوالے سے بتایا ہے کہ 29اگست سے 2ستمبر تک اسلام آباد میں گرج چمک کیساتھ بارش متوقع ہے، پنجاب کے شمالی و شمال مشرقی اضلاع میں 30اور 31اگست کے دوران شدید بارشوں کا امکان ہے۔ محکمہ موسمیات کے مطابق راولپنڈی، اٹک، جہلم، چکوال اور لاہور میں 30-31 اگست کو بارش کا امکان ہے، جبکہ گوجرانوالہ، سیالکوٹ، گجرات اور نارووال میں 30-31اگست کو بارش کا امکان ہے۔

حافظ آباد، منڈی بہاالدین میں بھی 30-31اگست کو بارش کا امکان ہے۔ محکمہ موسمیات کے مطابق وسطی و جنوبی پنجاب میں 29تا 31اگست کے دوران بارشیں متوقع ہیں اور نشیبی علاقوں کے زیر آب آنے کا خدشہ ہے۔ ملتان، ڈی جی خان اور راجن پور میں 29سے 31اگست کے دوران بارش کا امکان ہے۔

(جاری ہے)

اسی طرح لیہ، بھکر، ساہیوال، بہاولپور، بہاولنگر اور رحیم یار خان میں 29سے 31اگست کے دوران بارش کا امکان ہے۔

اس کے علاوہ خیبر پختونخوا میں 29 تا 31 اگست کے دوران شدید بارشوں اور ملاکنڈ و ہزارہ ڈویژن میں لینڈ سلائیڈنگ کا خدشہ ہے۔ جبکہ چترال، دیر، سوات، بونیر، مانسہرہ اور ایبٹ آباد میں 29 تا 31 اگست کے دوران بارش کا امکان ہے۔ اسی طرح پشاور، نوشہرہ اور مردان میں 29تا 31اگست کے دوران بارش کا امکان ہے۔ ڈی آئی خان، ٹانک، کوہاٹ اور بنوں میں 29 تا 31 اگست کے دوران بارش کا امکان ہے۔

آزاد کشمیر میں مظفر آباد، باغ، حویلی، کوٹلی، میرپور اور بھمبر میں 29اگست تا 2 ستمبر تک شدید بارشیں متوقع ہیں۔ گلگت بلتستان میں 29تا 31اگست تک بارشیں متوقع ہیں اور لینڈ سلائیڈنگ کا خدشہ ہے۔ گلگت، اسکردو اور ہنزہ، دیامر، استور، غذر اور گانچھے میں 29تا 31اگست تک بارشیں متوقع ہے۔ کراچی میں 30اگست تا 2ستمبر تک بارشیں متوقع ہیں۔ این ڈی ایم اے کے مطابق کراچی میں ممکنہ شدید بارشوں کے باعث سیلاب کا خدشہ ہے۔

اس کے علاوہ سندھ کے دیگر اضلاع ٹھٹہ، سجاول، بدین، تھرپارکر میں بھی 30اگست سے 2 ستمبر تک بارشیں متوقع ہیں۔ جبکہ حیدر آباد، دادو، سکھر، گھوٹکی، لاڑکانہ، جیکب آباد اور کشمور میں 30اگست سے یکم ستمبر تک موسلا دھار بارشوں کا امکان ہے۔ جبکہ بلوچستان میں گوادر، کیچ، پنجگور، خضدار، لسبیلہ اور قلات میں 29اگست سے یکم ستمبر تک بارشیں متوقع ہیں۔
Live سیلاب کی تباہ کاریاں سے متعلق تازہ ترین معلومات