Live Updates

پنجاب حکومت صوبائیت کا کارڈ کھیلنے کے بجائے تباہ حال صوبے کی عوام پر دھیان دے،پلوشہ خان

پنجاب حکومت سیلاب کی تباہ کاریوں پر توجہ دینے کے بجائے غیر ذمہ دارانہ بیانات دینے میں مصروف ہے، رہنما پیپلز پارٹی کا بیان

جمعرات 18 ستمبر 2025 19:25

�ام آباد (اُردو پوائنٹ اخبارتازہ ترین - این این آئی۔ 18 ستمبر2025ء) پاکستان پیپلزپارٹی کی رہنما سینیٹر پلوشہ خان ہے کہا ہے کہ پنجاب حکومت صوبائیت کا کارڈ کھیلنے کے بجائے تباہ حال صوبے کی عوام پر دھیان دے۔ اپنے باین میں پلوشہ خان نے کہاکہ پنجاب حکومت سیلاب کی تباہ کاریوں پر توجہ دینے کے بجائے غیر ذمہ دارانہ بیانات دینے میں مصروف ہے۔ انہوںنے کہاکہ چیئرمین بلاول بھٹو مستقل سیلاب زدگان کو ریلیف دینے کی بات کر رہے ہیں، وزیراعظم پاکستان نے چیئرمین بلاول بھٹو زرداری کے مطالبے پر زرعی ایمرجنسی نافذ کی۔

انہوںنے کہاکہ پنجاب حکومت یہ وضاحت کرے کہ زرعی ایمرجنسی میں کسان کو کیا ریلیف دیا گیا ہی ۔ انہوںنے کہاکہ چیئرمین بلاول بھٹو زرداری کے مطالبے کے بعد وزیراعظم نے سیلاب متاثرین کے بجلی کے بل معاف کرنے کا اعلان کیا۔

(جاری ہے)

پلوشہ خان نے کہاکہ وفاقی حکومت بی آئی ایس پی کے ذریعے متاثرین کو ریلیف دینے سے کیوں گھبرا رہی ہی ۔ پلوشہ خان نے کہاکہ پنجاب حکومت یہ بھی بتائے کہ وہ بین الاقوامی امداد لینے سے کیوں گریزاں ہی ،وفاقی و صوبائی حکومتِ پنجاب سیلاب متاثرین کی مکمل بہالیکے عمل کو یقینی بنائے۔

انہوںنے کہاکہ پاکستان پیپلزپارٹی چاروں صوبوں کی عوام کی نمائندہ جماعت ہے، پنجاب کے عوام کو تنہا نہیں چھوڑے گی۔ انہوںنے کہاکہ پاکستان پیپلزپارٹی سیلاب سے متاثرہ صوبوں سندھ، بلوچستان، خیبرپختونخوا اور پنجاب کے لیے یکساں فکر مند ہے۔