Live Updates

آپریشنل وجوہات، دبئی کی بجٹ ائیرلائن کی لاہور، اسلام آباد اور پشاور کیلئے پروازیں معطل

دبئی ائیرپورٹ پرمارچ میں مسافروں کی تعداد میں 66 فیصد کمی ریکارڈ کی گئی‘سعودی فضائی کمپنی ٹکردینے کے لیے تیار

میاں محمد ندیم جمعرات 14 مئی 2026 15:05

آپریشنل وجوہات، دبئی کی بجٹ ائیرلائن کی لاہور، اسلام آباد اور پشاور ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔14 مئی ۔2026 ) دبئی کی بجٹ ائیرلائن نے لاہور، اسلام آباد اور پشاور کیلئے پروازیں معطل کردیں متحدہ عرب امارات کی کم لاگت کی ائیر لائن نے ”آپریشنل وجوہات“کی بنا پر دارالحکومت اسلام آباد سمیت پاکستان کے 3 بڑے شہروں لاہور اور پشاور کیلئے پروازیں 26 اکتوبر 2026 تک معطل کر دی ہیں. اماراتی حکام کے مطابق کراچی،سیالکوٹ، ملتان، فیصل آباد اور کوئٹہ کیلئے پروازیں جاری ہیں اماراتی حکام کا کہنا ہے کہ متاثرہ مسافروں کو پیسے واپس کیے جارہے ہیں جبکہ ٹکٹ رکھنے والوں کو دیگر ائیرلائن پر ری بکنگ کی سہولت فراہم کرنے کا بھی اعلان کیا گیا ہے واضح رہے کہ ایران جنگ کے بعد خلیجی فضائی آپریشن متاثر ہوا تھا.

(جاری ہے)

حکام کا کہنا ہے کہ دبئی ائیرپورٹ پرمارچ میں مسافروں کی تعداد میں 66 فیصد کمی ریکارڈ کی گئی خیال رہے کہ عرب امارات کی دیگر ائیرلائن کی پاکستان کیلئے پروازیں جاری ہیں ادھر اطلاعات کے مطابق سعودی عرب کی نئی ایئرلائن آپریشنزکے لیے تیار ہے فضائی کمپنی نے چند ماہ پہلے اپنی تجرباتی پروازیں مکمل کرلی تھیں اور رواں سال موسم گرما کے آغازپر کمرشل پروازوں کا آغازکیا جانا تھا تاہم خطے میں جنگ کی صورتحال کی وجہ سے سعودی فضائی کمپنی شیڈول کے مطابق اپنی کمرشل پروازوں کا آغازنہیں کرسکی.