وفاقی حکومت کا عوام کے لئے ایک اور تحفہ ،اسلام آباد لاہور موٹروے پر ٹول ٹیکس میں بڑھا دیا گیا
اسلام آباد( اُردو پوائنٹ اخبار آن لائن۔8جولائی۔2014ء)وفاقی حکومت کاعید پر عوام کے لئے ایک اور تحفہ ،اسلام آباد لاہور موٹروے پر ٹول ٹیکس میں بڑھا دیا گیا۔ون وے ٹول ٹیکس میں 110روپے سے 150رورپے تک جبکہ ٹو وے ٹول ٹیکس میں 300ر وپے تک اضافہ کر دیا گیا۔تفصیلات کے مطابق وفاقی حکومت نے آٹے ، گھی، بجلی ، چینی اور روزمرہ کی اشیائے خورد و نوش و اشیائے ضروریہ کی نرخوں میں بے تحاشا اضافہ کرنے کے بعد عوام کے لئے سفری سہولیات پر بھی ٹیکس بڑھا دیا ہے۔
اس ضمن میں نیشنل ہائی وزیر اینڈ موٹروے پولیس کی طرف سے ٹول ٹیکس میں اضافہ کیا گیا تھا جس کا اطلاق گزشتہ روز ( سات جولائی ) سے ہور رہا ہے اور ون وے سفر پر 150روپے جبکہ دو طرفہ سفر پر300روپے تک اضافہ کیا گیا ہے۔07جولائی 2014سے نیشنل ہائی وے اتھارٹی نیشنل ہائی وے پر نئے ٹول ٹیکس کے مطابق ون وے کار کا ٹول ٹیکس30،ویگن40، بس90،ٹو ایکسل ٹرک 110و تھر ی ایکسل ٹرک بھی 110 اور آرٹیکلٹڈ ٹرک220،نیشنل ہائی ویز پر کار کا ٹول ٹیکس40،ویگن 60،بس90،ٹو ایکسل ٹرک 110و تھر ی ایکسل ٹرک بھی 110 اور آرٹیکلٹڈ ٹرک220 اور کوہاٹ ٹنل این فائیوپر کار کے لئے ٹول ٹیکس60روپے،ویگن210،بس260،ٹو ایکسل ٹرک 260و تھر ی ایکسل ٹرک بھی260 اور آرٹیکلٹڈ ٹرک390روپے مقرر کیا گیا ہے۔
(جاری ہے)
مزید متعلقہ خبریں پڑھئیے :
متعلقہ عنوان :
