کرکٹ کی دنیا کی قدیم ترین گیند سسیکس کرکٹ میوزیم میں موجود ،گیند ساؤتھ اسٹریٹ میں واقع لیواس کے علاقے میں ایک گھر کی تزئین و آرائش کے دوران دریافت ہوئی

اتوار 6 ستمبر 2015 09:02

لندن(اُردو پوائنٹ اخبارآن لائن۔6ستمبر۔2015ء) دنیا کی قدیم ترین کرکٹ گیند سسیکس کرکٹ میوزیم میں موجود ہے، اس کی سلائیاں تقریباً ختم ہوچکیں جبکہ چمڑا بھی کئی جگہ سے اکھڑچکا ہے۔

(جاری ہے)

یہ گیند ساؤتھ اسٹریٹ میں واقع لیواس کے علاقے میں ایک گھر کی تزئین و آرائش کے دوران دریافت ہوئی، اس کے ہمراہ تین سنگل جوتے بھی پائے گئے ہیں، یہ گیند ان کے ساتھ رکھی گئی تھی، غالب امکان ہے کہ یہ جوتے 1760 اور 1770میں استعمال ہوئے لہذا یہ گیند بھی اسی دور کی تصور کی جارہی ہے، کرکٹ مورخ نکولس شارپ کے مطابق ابھی تک ہمارے سامنے اس سے پرانی کوئی چیز نہیں آئی ہے۔