کینیا : فوج کا آپریشن ، شدت پسند گروپ الشباب کے 52جنگجو ہلاک

فوجی آپریشن کے دوران بڑی تعداد میں اسلحہ اور گولہ بارود بھی قبضے میں لیا گیا، درجنوں شدت پسند زخمی بھی ہوئے ہیں ، کرنل جوزف

ہفتہ 22 اپریل 2017 21:14

نیروبی(اُردو پوائنٹ اخبار آن لائن۔ اتوار 23 اپریل 2017ء) کینیا کی فوج نے جنوبی صومالیہ میں آپریشن کر کے دوران شدت پسند گروپ الشباب کے 52 جنگجوؤں کو ہلاک کر دیا۔کینیا کے فوجی ترجمان کرنل جوزف اوتھ کا کہنا ہے کہ ان کے ملک کی فوج نے صومالیہ کے جنوبی صوبے بطاطی میں شدت پسند گروپ الشباب کے مرکز پر حملہ کر کے 52 جنگجوؤں کو ہلاک کر دیا ہے۔

(جاری ہے)

کرنل جوزف کے مطابق فوجی آپریشن کے دوران الشباب کے درجنوں شدت پسند زخمی بھی ہوئے۔کرنل جوزف کا کہنا تھا کہ فوجی آپریشن کے دوران بڑی تعداد میں اسلحہ اور گولہ بارود بھی قبضے میں لیا گیا تاہم الشباب کی جانب سے اپنے جنگجوؤں کی ہلاکت کی تصدیق یا تردید نہیں کی گئی ہے۔واضح رہے کہ کینیا کے ہزاروں کی تعداد میں فوجی افریقین یونین مشن کے تحت صومالیہ سے الشبات کا خاتمہ کرنے کے لئے تعینات ہیں۔ الشباب کی جانب سے کینیا میں حملے کے بعد افریقی ملک نے 2011 میں پہلی مرتبہ اپنی فوج صومالیہ بھیجی تھی۔۔