اقبال سراج کو دھمکیاں ملنے کے معاملے میں مریم نواز بھی میدان میں آ گئیں

سب کو معلوم ہےاقبال سراج نے کس کے کہنے پر بیان بدلا ہے،پاکستان میں کیا ہو رہا ہے اور کیا ہوتا رہا تھا اس سے متعلق سب جانتے ہیں،ن لیگی رہنما مریم نواز کی لندن میں میڈیا سے گفتگو

اتوار 1 جولائی 2018 15:51

لندن (اُردو پوائنٹ اخبار آن لائن۔ اتوار 1 جولائی 2018ء) سابق وزیر اعظم نواز شریف کی صاحبزادی مریم نواز ن لیگی رہنما اقبال سراج کے معاملے پر مریم نواز بھی میدان میں آ گئیں۔تفصیلات کے مطابق سابق وزیر اعظم نواز شریف کی صاحبزادی مریم نواز کا لندن میں ہارلے سٹریٹ کلینک کے باہر میڈیا سے گفتگو کرتے ہوئے اقبال سراج سے متعلق کہنا تھا کہ سب کو معلوم ہے اقبال سراج نے کس کے کہنے پر بیان بدلا ہے۔

پاکستان میں کیا ہو رہا ہے۔اور کیا ہوتا رہا تھا اس سے متعلق سب جانتے ہیں۔ یاد رہے قائد مسلم لیگ ن و سابق وزیر اعظم نواز شریف گزشتہ روز لندن میں میڈیا سے گفتگو کرتے ہوئے پھٹ پڑے تھے۔سابق وزیر اعظم نواز شریف کا کہنا تھا کہ ہمارے انتخابی امیدوار کو بلا کرخفیہ اداروں کی طرف سے ڈرایا دھمکایا گیا۔

(جاری ہے)

ایسے اقدامات ملک کیلیے نقصان دہ ہوں گے۔

نگراں وزیراعظم اورچیف الیکشن کمشنرنوٹس لیں۔ انکا کہنا تھا کہ ہم نے غلطیوں سے کوئی سبق نہیں سیکھا۔ تمام توپوں کا رخ مسلم لیگ کی طرف ہے۔۔۔ملتان میں ہمارے امیدوار رانا اقبال سراج کو تھپڑ مارے گئے۔رانا اقبال سراج کو خطرناک نتائج کی دھمکیاں دی گئیں۔ہمارے امیدواروں کو جیپ کے نشان پر الیکشن لڑنے کیلئے مجبور کیا جا رہا ہے۔نگراں وزیراعظماورچیف الیکشن کمشنرامیدواروں کو دھمکیوں کا نوٹس لیں۔

جب کہ ن لیگی رہنما سراج اقبال نے آج نواز شریف کے بیان کی تردید کر دی ہے۔ان کا کہنا ہے کہ ہ اداروں سے متعلق میری غلط فہمی دور ہو گئی ہے۔میرے گودام پر محکمہ ذراعت نے چھاپہ مارا تھا۔ میرے گودام ہر چھاپہ مارنے کے واقعے سے کسی ادارےکا تعلق نہیں ہے۔جب کہ اس سے پہلے اقبال سراج نے خفیہ اداروں پر الزام عائد کیا تھا کہ ان پر پی ٹی آئی میں شمولیت کے لیے دباؤ ڈالا جا رہا ہے۔