ریاست کے خلاف بغاوت اور فوجی تنصیبات پر حملہ کرنے والے عمران خان اور اس کے ٹولے کو کسی صورت معاف نہیں کیا جائے گا، وفاقی وزیر داخلہ رانا ثناء اللہ خان کا عوامی اجتماع سے خطاب
منگل 6 جون 2023 20:52
(جاری ہے)
انہوں نے کہا کہ پاکستان اور کشمیر لازم و ملزوم ہیں، کشمیر پاکستان کی شہ رگ ہے، اس کے بغیر پاکستان کا زندہ رہنا ناممکن ہے۔
انہوں نے کہا کہ پاکستان اور آزاد کشمیر میں ترقی کا سفر اکٹھا شروع ہوا ہے،پاکستان اور آزاد کشمیر کو مسلم لیگ (ن) نے ہمیشہ بحرانوں سے نکالا ہے۔ انہوں نے کہا کہ بھارت نے ایٹمی دھماکے کئے تو پوری دنیا اس کی طرف ہو گئی، امریکہ بھی چاہتا تھا کہ پاکستان ایٹمی دھماکے نہ کرے لیکن وزیراعظم محمد نواز شریف نے پوری دنیا کی مخالفت کے باوجود ایٹمی دھماکے کئے۔ انہوں نے کہا کہ دنیا کی تمام تر دھمکیوں کے باوجود 28 مئی کو انڈیا کو منہ توڑ جواب دے کر پاکستان کا دفاع ناقابل تسخیر بنا دیا۔ انہوں نے کہا کہ 12 اکتوبر 1999ء کو ملک میں مارشل لاء نافذ کر دیا گیا، اس کا بھی مقابلہ کیا گیا۔ انہوں نے کہا کہ اس کے بعد ملک میں دہشت گردی کی لہر آئی، 2013ء میں جب محمد نواز شریف کی قیادت میں (ن) لیگ کی حکومت آئی، اس پانچ سالہ دور میں 20،20 گھنٹے کی لوڈ شیڈنگ اور دہشت گردی کو جڑ سے اکھاڑ پھینکا، 2013-17ء کے دوران جہاں دہشت گردی اور لوڈ شیڈنگ کا قلع قمع ہوا وہیں ملک کے دیگر شعبوں میں بھی ریکارڈ ترقی ہوئی۔ وزیر داخلہ رانا ثناء اللہ خان نے کہا کہ ایک سازش رچائی گئی، اس وقت کی جوڈیشل اسٹیبلشمنٹ نے ترقی کا سفر روک دیا، محمد نواز شریف کو جوڈیشل سازش کے ذریعہ نااہل کیا گیا، اس وقت کی اسٹیبلشمنٹ نے فتنہ خان کو مسلط کیا، 2014ء میں اسلام آباد میں لانگ مارچ ، 126 دن کا دھرنا، سول نافرمانی کی بنیاد رکھی، تھانوں پر حملے کر کے ملزموں کو چھڑایا اور قانون نافذ کرنے والے اداروں کے سربراہان کے نام لے کر دھمکیاں دیں۔ انہوں نے کہا کہ فتنہ خان 2014ء سے بغاوت کی تیاری کر رہا تھا، اس کے تمام گناہوں پر پردہ ڈال کر دہشت گردی کے مقدمات کے باوجود اس شخص کو اقتدار دیا گیا، پونے چار سال پورے پاکستان اور آزاد کشمیر میں کوئی ڈویلپمنٹ کا منصوبہ پی ٹی آئی کے دور میں نہیں بنا، نواز شریف کے منصوبوں پر پی ٹی آئی نے اپنے بورڈ لگانے کے علاوہ کچھ نہیں کیا۔ انہوں نے کہا کہ محمد نواز شریف نے آزاد کشمیر کو مالی طور پر خود مختار کیا، ایک کھرب روپے کے ترقیاتی کام آزاد کشمیر کے اندر (ن) لیگ کے دور میں ہوئے۔ انہوں نے کہا کہ عمران خان نے اپنے اقتدار کے دوران سوائے انتقامی کارروائی کے اور کچھ نہیں کیا، مخالفین پر جھوٹے مقدمات کی بھرمار کی گئی۔ انہوں نے کہا کہ ایک کروڑ نوکریاں کہاں پر ہیں؟ وزیر داخلہ نے کہاکہ فرح گوگی کو تحفے دئیے گئے۔ 12ارب کی غیرقانونی ٹرانزیکشن اس کے اکائونٹ میں ہوئی ہے۔ انہوں نے کہا کہ 190ملین پائونڈ کے بدلے میں فتنہ خان نے 7ارب کی کمیشن لے کر القادر ٹرسٹ کی زمین حاصل کی ہے۔ انہوں نے کہا کہ القادر ٹرسٹ کے 2ممبران ہیں جن میں عمران خان اور اس کی اہلیہ ہیں۔ اس ٹرسٹ میں کوئی اور نہیں ہے۔ ان لوگوں نے قوم کو 60ارب کا ٹیکہ لگایا۔ رانا ثناء اللہ خان نے کہا کہ عمران خان نے جعلی پلستر چڑھا کر باقاعدہ منصوبہ بندی کے ذریعے بغاوت کو عملی جامعہ پہنانے کے لئے اپنے آپ کو ریڈلائن قرار دلوایا۔ انہوں نے کہا کہ اس بیانیے کے ساتھ گرفتاری پر حملوں کی منصوبہ بندی بھی کی گئی تا کہ عدلیہ میرے خلاف کارروائی نہ کر سکے۔ زمان پارک پولیس وارنٹ گرفتاری کے لئے گئی تو اس پر حملے کیے گئے۔ یہ سب کچھ منصوبہ بندی کے تحت ہوا۔ جب کرپشن کے مقدمے میں عمران خان کو گرفتار کیا گیا تو آئندہ منصوبے کے تحت ریاست پرحملہ کیا گیا۔انہوں نے کہا کہ فوج اور ریاست پر حملہ کرنے کے بعد کہا جا رہا تھا کہ سیاسی احتجاج ہے، یہ بغاوت تھی۔ انہوں نے کہا کہ جناح ہائوس میں توڑ پھوڑ کی گئی اور عمارت کو آگ لگا دی گئی۔دفاعی تنصیبات پر یلغار ، شہداء کی یادگاروں کی بے حرمتی کی گئی۔ ایسا کرنے والے ملک دشمن ہی ہو سکتے ہیں۔ پھر ان پر آرمی ایکٹ کے تحت کارروائی ہو یا کس قانون کے تحت ہو۔ انہوں نے کہاکہ کیپٹن کرنل شیر خان کی تعریف تو ہندوستانی جرنیل بھی کرتے ہیں۔ لیکن انہوں نے ان کی یادگاروں کو بھی نہیں چھوڑا۔ انہوں نے کہا کہ پی ٹی آئی تمام حدیں عبور کر چکی ہے اب انہیں اس بغاوت کا جواب دینا ہو گا۔ اس پر کوئی معافی نہیں۔ انہوں نے کہا کہ مجھے جھوٹے مقدمے میں پھنسایا گیا اور سزائے موت کی چکی میں رکھا گیا۔ اتنا مشکل وقت گزارا لیکن آج بھی نواز شریف کے ساتھ کھڑا ہوں۔ وزیرداخلہ رانا ثناء اللہ خان نے کہا کہ ہم عدلیہ کا احترام کرتے ہیں۔ بیٹے سے تنخواہ نہ لینے پر نواز شریف کو نااہل کیا جاتا ہے اور دوسری جانب منصوبہ بندی سے آگ لگانے والوں کو ریلیف مل رہا ہے۔ انہوں نے کہا کہ عمران خان نے اسمبلیاں توڑ کر ایک ساتھ الیکشن کی روایت کو ختم کرنے کی کوشش کی لیکن ہم نے اس کوشش کو بھی ناکام بنایا۔ انہوں نے کہا کہ عمران خان اور اس کا ٹولہ جو پاکستان کے خلاف بغاوت، دفاعی تنصیبات پر حملوں، شہداء کی یادگاروں پرحملہ کرنے والوں کو کسی صورت معاف نہیں کریں گے۔ آنے والا وقت مسلم لیگ (ن) اور نواز شرریف کا ہے۔ پنجاب میں (ن) لیگ کلین سویپ کرے گی۔ انہوں نے کہا کہ پی ٹی آئی کے 34ٹکڑے ہوئے ہیں ، کچھ میاں نواز شریف کے ساتھ، کچھ پیپلز پارٹی اور کچھ دیگر کے ساتھ جائیں گے۔ انہوں نے کہا کہ آزاد کشمیر میں شفاف الیکشن ہونگے کسی کو ٹھپے لگانے کی اجازت نہیں دیں گے۔ اس موقع پر خطاب کرتے ہوئے سابق وزیراعظم آزاد جموں و کشمیر راجہ فاروق حیدر نے کہا کہ 8جون کو (ن) لیگ کا ووٹ بینک واپس ملے گا۔ انہوں نے کہا کہ ہم محمد نواز شریف کی آمد کے منتظر ہیں۔ کوہالہ ہل پر ان کا شاندار استقبال کریں گے۔ انہوں نے کہا کہ ہمارا کسی کے ساتھ کوئی جھگڑا نہیں ہے۔ ہم نے ضمنی الیکشن جیتنا ہے۔مسلم لیگ (ن) آزاد کشمیر کے صدر شاہ غلام قادر نے کہا کہ ہم کسی کے خلاف تحریک عدم اعتماد نہیں لائے بلکہ کسی کا دھواں نکالتے نکالتے ان کا اپنا دھواں نکل گیا ہے۔ اب ضمنی انتخاب میں 8جون کو مشتاق منہاس کو بھی اکثریت سے کامیاب کرانا ہے۔ 2021ء میں تعمیر و ترقی کا جو سفر چھوڑا تھا ہم نے وہیں سے شروع کرنا ہے۔متعلقہ عنوان :
مظفر آباد میں شائع ہونے والی مزید خبریں
غزہ کے عوام امت مسلمہ کے قبلہ اول کا دفاع کررہے ہیں،ڈاکٹر خالد قدومی
آزادجموں وکشمیرمیں 10 مئی کو یوم یکجہتی فلسطین و کشمیر منایا جائے گا،پیر مظہرسعید شاہ
علما ومشائخ کونسل آزاد جموں وکشمیر کے زیر اہتمام فلسطین اور مقبوضہ کشمیر کی صورتحال کے حوالے سے سیمینار ..
علما کرام معاشرے میں اتحاد و یکجہتی پیدا کرنے کیلئے اپنا کردار ادا کریں،وزیراعظم آزاد کشمیر چوہدری ..
خواجہ اعجاز احمد ایڈیشنل پرنسپل سٹاف آفیسر وزیراعظم سیکرٹریٹ تعینات
معاشرے میں انصاف کی فراہمی،آئین کی بالادستی اور قانون کی حکمرانی کیلئے وکلاء کا کردار انتہائی اہمیت ..
علماء کرام معاشرے میں اتحاد و یکجہتی پیدا کرنے کیلئے اپنا کردار ادا کریں،چوہدری انوارالحق
سردار عتیق او آئی سی کی سپریم کونسل کے 46ویں سالانہ اجلاس میں شرکت ،عمرہ ادائیگی کے بعد وطن واپس پہنچ ..
پرامن خطے میں بدنظمی پھیلانے کی اجازت نہیں دی جا سکتی ،پر امن احتجاج ہر شہری کا حق ہے، فیصل ممتازراٹھور ..
وزیراعظم آزاد کشمیر چوہدری سے صدر سنٹرل بار ایسوسی ایشن ناصر مسعود مغل ایڈووکیٹ کی قیادت میں وکلائ ..
امت مسلمہ کو اتفاق و اتحاد سے دشمن قوتوں کا مقابلہ کرنا ہوگا. اس وقت امت مسلمہ پر آزمائش کا وقت ہے،وزیراعظم ..
وزیراعظم ،آزاد کشمیر میں گڈ گورننس کے قیام کیساتھ بلدیاتی نمائندگان کو با اختیار بنانا چاہتے ہیں،امتیازاحمدعباسی
مظفر آباد سے متعلقہ
پاکستان کی تازہ ترین خبریں
-
وزیر اعظم شہباز شریف کے وزرات فوڈ سیکورٹی کا انچارج وزیر ہوتے ہوئے ملک میں6لاکھ ٹن گندم درآمد کیئے جانے کا انکشاف
-
پی آئی اے کی آمدنی اچانک بڑھ گئی، آمدن سے 99 کروڑ روپے زیادہ کمالیے
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
غریب کو روٹی سستی ملی، گندم بیرون ملک سے منگوانے میں کوئی کرپشن نہیں ہوئی، انوارالحق کاکڑ
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
کئی ماہ بعد شاہدرہ سٹیشن سے میٹروبس سروس دوبارہ چل پڑی
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
سعودی سرمایہ کاروں کا اعلیٰ سطح کا وفد اسلام آباد پہنچ گیا
-
فیض آباد دھرنا انکوائری کمیشن کی رپورٹ سپریم کورٹ میں جمع
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر