مظفر گڑھ میں شوہرنے تیز دھار آلے سے بیوی اور 7 بچوں کو قتل کردیا

مقتول بچوں کی عمریں 6 ماہ سے 8 سال کے درمیان ہیں، پولیس نے آلۂ قتل سمیت سفاک ملزم کو گرفتار کر لیا

فیضان ہاشمی جمعہ 12 اپریل 2024 12:01

مظفر گڑھ میں شوہرنے تیز دھار آلے سے بیوی اور 7 بچوں کو قتل کردیا

مظفر گڑھ (اُردو پوائنٹ اخبارتازہ ترین۔ 12 اپریل2024ء) مظفر گڑھ میں شوہر نے بیوی اور 7بچوں کو کو قتل کردیا۔ تفصیلات کے مطابق لرزہ خیز واردات مظفرگڑھ کی تحصیل علی پور میں ہوئی جہاں ایک شخص نے تیز دھار آلے سے اپنی بیوی اور سات بچوں کو قتل کر دیا۔ ا س حوالے سے بتایا گیا ہے کہ مقتول بچوں کی عمریں 6 ماہ سے 8 سال کے درمیان ہیں، پولیس نے آلۂ قتل سمیت سفاک ملزم کو گرفتار کر لیا۔

(جاری ہے)

سجاد کھوکھر نامی شخص نے تیز دھار آلے سے اپنی بیوی اور 7 معصوم بچوں کو ایک ایک کر کے بے دردی سے قتل کر دیا۔ پولیس کے مطابق قتل ہونے والوں میں ملزم کی 40 سالہ بیوی کوثر مائی، 8 سالہ انسہ، 7 سالہ کنزہ، 6سالہ رمشا، 4 سالہ مہناز، 2 سالہ انس، 3 سالہ سبحان اور 6 ماہ کی منزہ شامل ہیں۔ پولیس نے ملزم کو آلۂ قتل سمیت گرفتار کر لیا، جس سے قتل کی وجوہات جاننے کے لیے تفتیش جاری ہے۔ قتل کی ہولناک واردات پر وزیرِاعلیٰ پنجاب مریم نواز شریف نے نوٹس لے لیا ہے۔ انہوں نے علی پور مظفر گڑھ میں ہونے والے افسوس ناک واقعے پر انسپکٹر جنرل پولیس سے رپورٹ طلب کر لی۔