پاکستان مشکل معاشی صورتحال سے باہر نکلنے کی بھرپور صلاحیت رکھتا ہے، الماس حیدر

پاکستان مشکل معاشی صورتحال سے باہر نکلنے کی بھرپور صلاحیت رکھتا ہے، ..
لاہور(اُردو پوائنٹ اخبارتازہ ترین۔ 12 اکتوبر2018ء)لاہور چیمبر آف کامرس اینڈ انڈسٹری کے صدر الماس حیدر نے تاجروں پر زور دیا ہے کہ وہ معاشی چیلنجز کا مقابلہ کرنے کے لیے پیشگی اقدامات اٹھائیں، آنے والا سال مشکل ہے اور یہی مستقبل کی سمت واضح کرے گا، پاکستان مشکل معاشی صورتحال سے باہر نکلنے کی بھرپور صلاحیت رکھتا ہے۔ انہوں نے ان خیالات کا اظہار ہال روڈ ٹریڈرز ایسوسی ایشن کے وفد سے خطاب کرتے ہوئے کیا۔

لاہور چیمبر کے سینئر نائب صدر خواجہ شہزاد ناصر، نائب صدر فہیم الرحمن سہگل، سابق سینئر نائب صدر خواجہ خاور رشید اور سابق نائب صدر ذیشان خلیل نے بھی اس موقع پر خطاب کیا۔ الماس حیدر نے کہا کہ کڑی معاشی صورتحال نے حکومت کو آئی ایم ایف کے پاس جانے کے لیے مجبور کیا، اس کے سوا اور کوئی چارہ نہیں تھا۔

(جاری ہے)

[ انہوں نے آمدن اور اخراجات کے درمیان توازن پیدا اور برآمدات بڑھانے کی ضرورت پر زور دیا۔

انہوں نے کہا کہ پاکستان کے پاس برآمد کرنے کو بہت کچھ ہے، عالمی حلال تجارت سے پاکستان بھرپور فائدہ اٹھاسکتا ہے، اس وقت 1.25ٹریلین ڈالر کی عالمی حلال تجارت میں پاکستان کا حصہ بہت کم ہے۔ انہوں نے کہا کہ امپورٹرز کو ایکسپورٹ پر بھی توجہ دینی چاہیے تاکہ درآمدات اور برآمدات کے درمیان بھاری عدم توازن ختم کیا جاسکے۔ بابر محمود نے کہا کہ ڈیوٹیوں او رٹیکسوں کی زیادہ شرح سمگلنگ کو فروغ دے رہی ہے لہذا حکومت اس طرف توجہ دے۔ انہوں نے کہا کہ ڈیوٹیوں اور ٹیکسوں کے نفاذ سے قبل سٹیک ہولڈرز سے مشاورت کی جائے۔ انہوں نے کہا کہ درآمدی موبائل فون پر کسی قسم کی پابندی عائد کرنے سے قبل پی ٹی اے سٹیک ہولڈرز سے مشاورت کرے۔

Your Thoughts and Comments