ایمریٹس سے دبئی آنے والے مسافر اوبر کے استعمال پر ڈسکائونٹ حاصل کر سکتے ہیں

منگل 19 مارچ 2019 19:39

کراچی(اُردو پوائنٹ اخبارتازہ ترین - این این آئی۔ 19 مارچ2019ء) ایمریٹس نے پاکستان سے دبئی اور برآستہ دبئی دیگر ممالک کا سفر کرنے والے مسافروں کیلئے دبئی ا نٹرنیشنل ایئرپورٹ سے آمد و رفت کے لئے مفت یا رعایتی قیمت میں اوبر رائیڈ کے استعمال کی سہولت متعارف کروادی ہے ۔ شمالی امریکہ، جنوبی امریکہ، یورپ، مشرقی وسطیٰ، آسٹریلیشیا اور مشرق بعید سمیت 50 سے زائد مقامات سے سفر کرنے والے پاکستانی شہری اب سے لے کر 18 جون 2019 تک اس سہولت سے فائدہ اٹھا سکتے ہیں۔

کمپنی کی شرائط و ضوابط کے مطابق کراچی، لاہور، اسلام آباد، پشاور اور سیالکوٹ سے ایمریٹس اکانومی فلیکس پلس اور ایمریٹس اکانومی فلیکس کے مسافر ایمریٹس کی ویب سائٹ پر جاکر اس خصوصی سہولت سے فائدہ اٹھا سکتے ہیں۔

(جاری ہے)

اکانومی فلیکس پلس کے مسافر دبئی انٹرنیشنل ایئرپورٹ سے دبئی میں کسی بھی مقام کے لئے 120 درہم تک مالیت کی دو مفت رائیڈ استعمال کرسکتے ہیں جبکہ اکانومی فلیکس کے مسافر دبئی انٹرنیشنل ایئرپورٹ سے دبئی میں کسی بھی مقام کے لئے 60 درہم مالیت تک کی دو رائیڈز پر 50 فیصد رعایت حاصل کرسکتے ہیں۔

دبئی آنے والے مسافر شہر کے معروف مقامات ، کھانے کے بہترین ریسٹورنٹس، عالمی معیار کے شاپنگ مالز اور دلکش ساحلو ں سے محظوظ ہو سکتے ہیں ۔ اس تیز رفتار شہر میں موسم گرما کے دوران بڑی بڑی تقاریب منعقد ہوتی ہیں جن میں آرٹ کی نمائشیں، میوزک کانسرٹس، کامیڈی شوز اور دلچسپ گھوڑوں کی ریس کے مقابلے جیسے دبئی ورلڈ کپ 2019 شامل ہیں۔ اکانومی کلاس میں سفر کرنے والے ایمریٹس کے مسافر ایئرلائن کے ایوارڈ یافتہ انفلائٹ انٹرٹینمنٹ سسٹم میں 4 ہزار موویز، میوزک اور ٹی وی پروگرامز ہیں جبکہ پاکستانی مسافروں اردو میں موسیقی اور ڈراموں سے مستفید ہو سکیں گے ۔

سفر کے دوران مسافر 135 قوموں سے تعلق رکھنے والے اور 60 سے زائد زبانیں بولنے والے کیبن کریو کی لازوال میزبانی سے لطف اندوز ہوسکیں گے۔ مسافر دوران سفر 20 ایم بی کے اعزازی وائی فائی کے ذریعے اپنے خاندان اور دوستوں سے منسلک رہ سکتے ہیں۔