2019ء کے دوران عالمی سطح پر براہ راست غیرملکی سرمایہ کاری میں ایک فیصد کمی

اسلام آباد ۔ (اُردو پوائنٹ اخبارتازہ ترین - اے پی پی۔ 16 فروری2020ء) 2019ء کے دوران عالمی سطح پر براہ راست غیرملکی سرمایہ کاری (ایف ڈی آئی) میں ایک فیصد کمی ہوئی ہے، سال کے دوران دنیا بھر میں براہ راست غیر ملکی سرمایہ کاری1.39 کھرب ڈالر رہی جبکہ 2018ء میں اس کا حجم1.41 کھرب ڈالر رہا تھا۔

(جاری ہے)

یونائیٹڈ نیشنز کانفرنس آن ٹریڈ اینڈ ڈویلپمنٹ (یو این سی ٹی اے ڈی) کی رپورٹ کے مطابق 2019ء میں عالمی اقتصادی سست روی کے باعث سرمایہ کاری میں کمی کا رجحان رہا، اس دوران عالمی سطح پر ایف ڈی آئی کا حجم 1.39 کھرب ڈالر تک کم ہوا ہے جبکہ 2018ء کے دوران دنیا بھر میں 1.41 کھرب ڈالر کی براہ راست غیرملکی سرمایہ کاری کی گئی تھی، اس طرح گزشتہ سال دنیا بھر میں کی جانے والی ایف ڈی آئی میں ایک فیصد کمی ہوئی۔

رپورٹ کے مطابق ایشیائی اور یورپی ممالک میں بھی ایف ڈی آئی کی شرح میں کمی ہوئی، 2019ء کے دوران بنگلہ دیش میں کی جانے والی ایف ڈی آئی کے حجم میں 6 فیصد جبکہ یورپی یونین میں براہ راست غیرملکی سرمایہ کاری میں 15 فیصد کمی ریکارڈ کی گئی۔

Your Thoughts and Comments