اسٹیٹ بینک کی جانب سے کراچی چیمبر کے مطالبے پر 10اور 11مئی کو بینک کھول دینے کا خیر مقدم

تاجروں کو بھی رمضان کے بقیہ چند دنوں میں کاروبار کی اجازت دی جائے، زبیر موتی والا، شارق وہرہ

جمعہ 7 مئی 2021 23:27

کراچی (اُردو پوائنٹ اخبارتازہ ترین - این این آئی۔ 07 مئی2021ء) چیئرمین بزنس مین گروپ زبیر موتی والا اور کراچی چیمبر آف کامرس اینڈ انڈسٹری کے صدر شارق وہرہ نے اسٹیٹ بینک کی جانب سے کراچی چیمبر کے جائز مطالبے پر توجہ دیتے ہوئے 10 اور11مئی کو فارن ایکسچینج اور تجارتی سرگرمیوں کے لئے مجاز بینکوں کو کھول دینے کا خیرمقدم کیا ہے۔ ایک بیان میںزبیر موتی والا نے کہا کہ ہم حکومت اور اسٹیٹ بینک کے شکرگزار ہیں کہ انھوں نے اگلے ہفتے کے پہلے دو اہم دنوں میں مجاز برانچوں کو کھول دیا ہے تاکہ عید الفطر سے قبل تجارت و صنعت بالخصوص برآمدات کے لئے معاملات سہل ہوں سکیں۔

انھوں نے سندھ حکومت کی جانب سے جمعے اور ہفتے کو صبح 6 بجے سے شام 6 بجے تک کاروبار کرنے کی اجازت دینے کو سراہتے ہوئے ایک بار پھر کراچی چیمبر کے اُسی مطالبے کو دہرایہ جس میں چھوٹے تاجروں و دکانداروں کو رمضان کے بقیہ دنوں میں دوپہر12بجے سے رات 12 بجے تک کاروبار کرنے اجازت دے دینے پر زور دیا گیا تھا۔

(جاری ہے)

کے سی سی آئی کے صدر شارق وہرہ نے کہا کہ اسٹیٹ بینک کے اس اقدام سے یقینی طور پر 10اور11 مئی کو برآمدکنندگان بینکاری لین دین کے ساتھ ساتھ شیپمنٹ بھیج کر سکھ کا سانس لے پائیں گے۔

جیسا کہ سندھ حکومت نی10سے 15 مئی کی تعطیلات کا نوٹیفیکشن جاری کر رکھا ہے تاہم اسے فیکٹری ایکٹ کے تحت دوبارہ جاری کرنے کی ضرورت ہے جس میں 12سے 15مئی کی چھٹیوں کو واضع انداز میں لکھا جائے تاکہ مختلف حلقوں کے درمیان موجود الجھائو سے نمٹا جاسکے۔ انھوں نے بھی سندھ حکومت سے درخواست کی کہ دکانداروں کو رمضان کے باقی رہ جانے والے چند دنوں میں کاروبار کرنے کی اجازت دی جائے جبکہ دکانداروں پر بھی زور دیا کہ وہ تمام مارکیٹوں میں ایس اہ پیز پر مکمل عمل درآمد کو ہر صورت یقینی بنائیں۔