مہمان نوازی روایتی ڈش سے

پنجاب کی مہمان نوازی میں روایتی ڈش چُوری کا تذکرہ ملتا ہے اور اس سے مہمان سے محبت کی روایات بھی چلی آرہی ہیں لوک داستان ہیر رانجھا میں بھی رانجھا کیلئے چُوری کھلانے کا تذکرہ ہے پنجاب کی روایات روایتی کھانوں سے جڑی ہوئی اور میزبان کی خدمت اورعزت واحترام سے مہمان کے ساتھ پیش آنا روایت ہے یہ روایتی ڈش گندم کے آٹا میں دیسی گھی ملاکر گوندھ کراس کا دیسی گھی کے ساتھ پراٹھا تیار کرنے کے بعد دیسی گھی میں رچے ہوئے پراٹھے کو ڈش میں رکھ کر چُورہ چُورہ کر کے اس میں گڑ شکر یا چینی ملا کر اس کو چُورہ چُورہ کر کے خالص گرم گرم دودھ اور ملائی کے ساتھ کو دیسی مرغی کے سالن کے ساتھ پیش کر کے اپنی محبت کا اظہار کیا جاتا ہے جب کہ عام حالات میں صرف چُوری مائیں اپنے بچوں کو کھلاتیں ہیں اور کھیتوں میں کام اور محنت کرنے والے کسانوں کو ان کے گھر والے چُوری کھلاتے ہیں۔

(جاری ہے)

دیہاتی خواتین کا کہنا ہے یہ بچوں بوڑھوں اور محنت کرنے والوں کیلئے انتہائی طاقت ور خوراک ہے اور ان کی صحت بنتی ہے مگر اس ڈش کو مزید مزیدار بنانے کیلئے اور مہمانوں کی بھر پور انداز میں خدمت کرنے کیلئے گندم کے آٹا کو خالص دودھ دیسی گھی اور کھویاسے گوندھ کر روٹی کے پیڑے بنا کر اس کے دیسی گھی میں پراٹھے تندور یا توے پر تیار کر کے ایک ڈش میں رکھا کر حسب ضرورت اس میں شکر گڑ یا چینی ڈال کر اوراس میں بادام پستہ تل یا گری کا چُوراڈال کر اس پراٹھے کو چُورہ چُورہ کر کے دیسی مرغی کے سالن اور دودھ ملائی کے ساتھ مہمانوں کو پیش کریں تو اس کا ذائقہ منفرداور لطف اندوز ہوگا مہمان آپ کی مہمان نوازی کی تعریف کرنے پر مجبور ہوں گے مگر اگر آپ شکر گڑ اور چینی کا استعمال نہ کرنا چاہیں تو اس کی جگہ نرم نرم کھجوریں چُورہ میں ملائیں تو چُوری کھانے کا مزا ہی مزا ہوگا۔

کھانے والوں کا کہنا ہے تندور میں پک کر آنے والا پراٹھا زیادہ ہی کھانے میں لطف دیتا ہے اگر صرف چُوری ہی ہو گرما گرم دودھ ملائی کے ساتھ نوش کرنے کا لطف ہی لطف ہے ان کا کہنا ہے یہ خوراک قوت کو بڑ ھاتی ہے البتہ شوگر بلڈ پریشر اور دل کے امراض کے مریضوں اپنے معالج کے بغیر اس کا استعمال نہیں کرنا چاہیے اور دسترخوان میں اس کو میٹھے کے طور پر بھی سجایا جا سکتا ہے اور پنجاب کے لوگوں کی یہ پسندیدہ خوراک بھی ہے لوگ اپنے پالتو طاطوں کو بھی بولنے کی تربیت دینے کیلئے اسی فقرہ سے آغاز کرتے ہیں #’میاں مٹھوں چُوری کھانی ایں‘ اور طوطے بھی چُوری شوق سے کھاتے ہیں اور بولنا سیکھ جاتے ہیں ۔

پنجاب کی دیگر روایتی کھانوں گندلاں کا ساگ مکی کی روٹی باجرہ کی میٹھی روٹی بوڑواں پلاوٴ زردہ اور دیگر کھانوں کے ساتھ چُوری کی ڈش بھی صدیوں سے کھانوں میں شامل چلی آ رہی ہے اور مہمان نوازی میں محبت سمجھی جاتی ہے پنجاب کے وسیب میں جب بھی مہمان بن کر آئیں چُوری کی فرمائش کریں اور اس ڈش کا بھی لطف اٹھائیں اور دیسی خوراک کھائیں پنجاب کے گھبرو نوجوانوں کی پہچان ان کی خالص خوراک ہے یہ ہی وجہ ہے کوڈی کشتیاں ہتھ جوڑیاں پہلوانی وزن اٹھانے سمیت علاقائی کھیل ان کی زندگی میں شامل چلے آ رہے ہیں وسطی پنجاب میں لاہور گوجرانوالہ اور دیگر شہر کے کھانے مشہور ہیں۔

 گوجرانوالہ اور لاہورکے کھانے اور چسکے سری پائے دال چاول چڑے تکہ کباب بریانی لسی دودھ پیڑے اور دگر اپنی جگہ محبت سے جوڑی چُوری کی ڈش اپنی جگہ پنجاب کی یہ کہاوت کھاوٴ پیئو موج مناوٴ اور صحت بناوٴ ددھ اور چُوری کو توانائی بخش خوراک کہا جاتا ہےُ پراٹھے کو چُورہ چُورہ کرنے سے ہی چُوری بنتی ہے اسی لئے اس ڈش کو چُوری کے نام سے ہی پکارا جاتا ہے۔