تبدیلی سرکار ملک چلانے میں ناکام

موجودہ حکومت نے پچھلی حکومتوں کے نقشِ قدم پر چلنے کی کوئی کسر نہیں چھوڑی انہوں نے تبدیلی کے نام پر عوام کے ساتھ جو دھوکہ کیا ہے ان کا حساب انہیں ضرور دینا ہو گا شہباز گِل نے حال ہی میں کہا ہے خان کی محنت رنگ لا رہی ہے ہمیں شکر ادا کرنا چاہئے تو میرا یہ کہنا غلط نہیں ہو گا کہ خان نے پچھلے تین سال سے مہنگائی کرنے میں جو محنت کی ہے اس کا کوئی نعم البدل نہیں انکی مہنگائی کرنے کے علاوہ کوئی محنت رنگ نہیں لا رہی خان کے چوتھے وزیرِ خزانہ شوکت ترین اب تک صرف ایک بجٹ بنا کر دے سکے ہیں اس سے  پہلے آٹا, چینی ,گیس,پٹرول کا بحران تھا مہنگائی نے غریب عوام کی کمر توڑ کے رکھ دی ہے پچھلے تین سالوں سے معیشت کا جو بیڑا غرق خان نے کیا ہے اس کا کوئی جواب نہیں بیوروکریسی کام نہیں کر رہی سرکاری افسران فارغ بیٹھے ہوئے ہیں ان کو صرف کرسی پر بیٹھانے کے لیے اور عوام کا پیسہ کھانے کے لیے آگے لایا گیا ہے  لیکن ان سب کے باوجود ان سے کوئی باز پُرس کرنے والا نہیں وہ خان جس کے تین سالوں میں وزراء ہی سلیکٹ نہیں ہو رہے وہ وزراء جن کو خود بھی اس بات کا علم نہیں ہے کہ وہ اگلے لمحے وزیر کے عہدے پر  ہوں گے یا نہیں وہ حکومت کیا ملک چلائے گی انہوں نے حکومت سے پہلے تبدیلی کا جو نعرہ لگایا تھا یہ تبدیلی صرف نعرے تک محدود ہے یہ تبدیلی ملک میں تو نہیں لیکن اپنے وزراء میں تبدیلیاں لا رہے ہیں ہر مہینے , پندرہ دن کے بعد کوئی نیا وزیر آتا ہے گبھراتا ہے اور چلا جاتا اور یہ سلسلہ ایسے ہی چلتا رہے گا ایسے ہی پانچ سال  گزر جائیں گے اور ان کے عوام سے کیے گے وعدے دھرے کے دھرے رہ جائیں گے تین سال تو گزر چُکے ہیں بقیہ دو سال بھی ایسے ہی گزر جائیں گے  اور یہ ہمیشہ کی طرح  گھر گھر جا کے  ووٹ کی بھیک مانگنا شروع کریں گے عوام ان کی باتوں میں آئیں گے ان کو ووٹ کاسٹ کریں گے ,ان نالائقوں کو حکمران کا درجہ دیں گے یہ سارا دن شریف فیملی, زرداری, اور دوسری پارٹیز کو تنقید کا نشانہ بنانے چوروں کو ان کے انجام تک پہنچانے رانا ثناء اللہ کو مونچھوں  سے پکڑ کر جیل میں ڈالنے کے دعوے ہی کرتے رہیں گے عوام کو ایسے ہی بےوقوف بناتے رہیں گے یوں وقت گزرتا جائے گا ان کی نالائقیاں سامنے آتی جائیں گی اور ملک تباہی کے دہانے پر جاتا جائے گا لیکن ان سے  کوئی سوال کرنے والا نہیں ہو گا یہ پاکستان کو مدینہ کی  ریاست بنانا چاہتے تھے اور یہ چاہتے ہی رہیں گے مدینہ کی  ریاست ایسے نہیں بنتی جہاں انصاف کیا انصاف نام کی چیز ہی نہیں ہے,لوگوں کے حق مارے جا رہے ہیں,غریب,غریب تر ہوتا جا رہا ہے  اور ان کی بھوک کا کوئی احساس کرنے والا نہیں ہے  (حضرت علی رضی اللہ تعالیٰ عنہ کا فرمان ہے) اگر کوئی شخص اپنی بھوک مٹانے کے لیے روٹی چوری کرتا ہے تو چور کے ہاتھ کاٹنے کی بجائے حکمرانِ وقت کے ہاتھ کاٹے جائیں حال ہی میں فردوس عاشق اعوان نے( اے,سی)  سونیا صدف سے جس رویے میں بات کی وہ اس طرح سے بات کر کے لوگوں کی نظر میں اپنا یہ  امیج بنا رہیں تھیں کہ وہ اپنی ڈیوٹی کو اچھے طریقے سے سر انجام دے رہی ہیں لیکن ان کو یہ بات ذہن میں رکھنی چاہئے ان کو بھی پہلے عہدے سے برطرف کیا گیا تھا اور پھر دوبارہ وزیرِاطلاعات پنجاب کا عہدہ سونپا گیا یہ بات بجا ہے جو کام اچھا نہیں کر رہا آپ اس سے سوال کریں لیکن سوال  کرتے ہوئے دوسروں کی عزت کا بھی خیال رکھنا چاہئے اگر کسی کی بات سن کر آپ اپنی بات کریں تو ہی آپ بات کرتے ہوئے اچھے لگتے ہیں ویسے تو ہم زندہ قوم ہیں ہمیں زندہ قوم کا ٹیگ نہیں لگوانا اور کہنے کی حد تک زندہ قوم نہیں بننا بلکہ زندہ  قوموں جیسے کام بھی کرنے ہیں زندہ قوموں کے لوگ دوسروں کو بدتر نہیں سمجھتے بغیر سوچے,سمجھے اپنے آپ کو دوسروں کی نظر میں بہتر بنانے کے لیے کسی دوسرے کی  عزت کا خیال کیے بغیر انہیں ہجوم میں ذلیل نہیں کرتے ہمارا ملک تب ہی ترقی کر سکتا ہے جب حکومت اچھا رزلٹ شو کرے عوام کی اُمیدوں اور ان سے کیے گئے وعدوں پر پورا اُتریں اور ہم سب ایک اچھا شہری ہونے کا ثبوت دیں جس دن ہم کسی دوسرے کے حق پر ڈاکہ ڈالنے سے پرہیز کریں گے, دوسروں کو عزت دینے, انصاف دلانے, ضرورت مند کی مدد کرنے, کسی دوسرے کی بھوک کا احساس کرنے لگیں گے سب اپنے اپنے حصہ کی شمع روشن کرتے رہیں گے تو ہی یہ پاکستان ہم قائد کے پاکستان جیسا بنا سکتے ہیں.

آخر میں اتنا کہوں گی: