شکوہ ان سے نہیں گلہ تم سے ہے

دن بدن گرتی ہوئی معیشت سے ہر محب وطن پاکستانی پریشان اور افسردہ ہے اس لئے کہ انہوں نے اس مٹی کو ہی اپنی امیدوں اور آرزؤں کا مرکز مانا ہے تبھی تو اس مٹی کی خاطر پہلے اسلاف نے سب کچھ وارا تھا آج وہ اس گلشن کو ہرا بھرا رکھنے کے لئے وہ قرض اتار رہے ہیں جو ان پر واجب بھی نہیں تھے تاکہ اس دھرتی پر طلوع ہونے والی صبح ہمیشہ روشن رہے اس مشکل اور کھٹن دور میں بھی وہ مایوس نہیں ہیں مگر صد حیف کہ اقتدار پر براجمان طبقہ ابھی تک ان کی مجبوریوں اور تکا لیف کا ادراک نہیں کر پا رہا وگرنہ یہ کیسے ہو سکتا ہے کہ حکمرانوں کی پالیسیوں سے ملکی معیشت کے پاؤں اکھڑ رہے ہوں غربت و افلاس کی شرح بڑھ رہی ہو اور وزیراعظم صاحب ہر لحضہ نئی آس،نئی امیداور نئے وعدوں سے قوم کو بہلا رہے ہوں کہ،،حوصلہ رکھو،صبر کرو،آزمائش کے دن تھوڑے ہیں مایوسی کی کوئی بات نہیں لیکن اس سے بڑھ کر مایوسی اور بدنصیبی یہ ہے کہ اقتدار سے محروم ہونے والی اشرافیہ (اسلام پسند،لبرل اور اعتدال پسند)نے زرداری ہاؤس میں افطار کے نام پر اپنی مجلس سجائی یہ بیٹھک اس لئے نہیں ہوئی کہ ملکی معیشت کو اس دلدل سے نکالنے کے لئے کیا کیا جائے وہ کونسی تدابیر ہیں جن کو برؤے کار لا کر ملکی معیشت کو سنبھالا دیا جا سکتا ہے معاشی ابتری پر قابو پانے کے لئے حکومت کو یہ تجاویز ارسال کی جائیں بلکہ وہ اکٹھ اس لئے ہوا کہ دوبارہ اقتدار کا حصول کیسے ممکن بنایا جائے منزل اقتدار تک پہنچنے کے لئے کون سی سازشیں رچائی جائیں کون کون سے حربے استعمال کئے جائیں کس طرح کی حکومت کے خلاف منصوبہ بندی کی جائے کہ قوم حکمران جماعت سے بد ظن ہو کر اس کے خلاف اٹھ کھڑی ہو اور اپنی حمایت اقتدار کے بھوکوں کے پلڑے میں ڈال دے ۔

(جاری ہے)

دھرتی سے محبت کرنے والے موجودہ گھمبیر صورت حال پر افسردہ ہیں اور اشرافیہ مسرور۔
کیونکہ وہ جانتے ہیں کہ جہاں جہاں اور جس جس ملک میں آئی ایم ایف،ورلڈ بینک اور دیگر مالیاتی اداروں نے امداد کے نام پر اپنے مہرے بچھائے وہاں تباہی و بربادی اس قوم کا مقدر بن کر ان کی آزادی و خودمختاری کو نگل گئی ۔
شکوہ ان سے نہیں جن کی بد اعمالیوں سے ملک و قوم کو یہ منحوس دن دیکھنے نصیب ہوئے بلکہ گلہ ان سے ہے جو اقتدار کے سنگھاسن پر بیٹھنے کے بعد اپنے سنہری اقوال،دلفریب ارشادات ،تاریخ ساز بیانات اور روشن خیال نظریات سے منکر ہو کر وہی راگ الاپ رہے ہیں کہ ۔

 ،،،حوصلہ نہیں ہارنا ،صبر کا دامن اور میرا ساتھ نہیں چھوڑنااچھے دن ضرور آئیں گے ۔
 قوم کا اس پر تو یقین ہے کہ پیارا دیس ایک دن ضرور ترقی و خوشحالی کی بلندیوں کو چھوئے گا کیونکہ مالک ارض و سماوات نے اس دھرتی کو بے پناہ زمینی اور بحری خزانوں کے علاوہ اپنی فیاضیوں اور رحمتوں سے نواز رکھا ہے اور یہ تبھی ہو گا جب کسی راہنماء کے جذبے صادق ہوں
 گے ایمانداری اور سچائی جس کا شیوہ ہو گا ،خلوص اور پاک مٹی سے محبت جس کی پہلی اور آخری ترجیح ہوگی ۔

 لیکن عہد حاضر کے حکمرانوں کو یہ کون بتلائے کہ امید اور آس کے درس سے بھوکا پیٹ نہیں بھرتا۔
 ہم تو عمران خان صاحب کے بارے میں یہی کہیں گے۔