مان اور اس کا ٹوٹنا

یہ دنیا ہے یہاں انسان رہتے ہیں یہاں پر محبت کی فضا بھی ہوتی ہے یہاں نفرت بھی پنپتی ہے یہاں لوگ ایک دوسرے کے قریب بھی ہوتے ہیں ایک دوسرے سے دور بھی یہاں پر بناوٹ بھی ہوتی ہے اصلیت بھی یہاں پر سچ بھی ہوتا ہے یہاں پر جھوٹ بھی یہ سب چلتا رہتا ہے لیکن ایک جذبہ ایسا ہوتا جو ہر کسی سے نہیں ہوتا یہ جذبہ صرف خاص اور پسندیدہ لوگوں سے ہوتا ہے یہ جذبہ مان کہلاتا ہے اس جذبہ اور اس کے بکھر جانے پر بات کرتے ہیں
ایسا شخص جس سے بہت زیادہ قریب رہے ہوں آپ وہ جس کی عزت کی ہو آپ نے وہ جسے خود سے زیادہ اہمیت دی ہو اور آگے بھی اسے ہی اہمیت دینا چاہتے ہوں وہ جو آپ کی دعاؤں میں شامل ہو اس شخص سے آپ کو امید ہوتی ہے کہ کبھی یہ شخص میرا دل نہیں دکھاۓ گا دکھا بھی دیا تو مرہم رکھے گا نہ کہ دل دکھانے کے ساتھ دل توڑ بھی دے گا دل ٹکڑے ٹکڑے ہو بھی جائے تو اسے جوڑے گا نہ کہ بھول جاۓ گا اس احساس اس جذبے کو مان کہتے ہیں
آپ چاہیں یا نہ چاہیں آپ کی زندگی میں ایسے لوگ آئیں گے جن کے ساتھ آپ گھل مل جائیں گے یہ تعلق گہرا ہوتا جاۓ گا آہستہ آہستہ مان کا رشتہ قائم ہو گا تعلق بڑھتا جاۓگا مان بڑھتا جاۓگا لیکن کیا یہ مان سدا رہتا ہے تو اس کا جواب ہے بالکل نہیں
آپ اس وقت خود سے خوف کھانے لگتے ہیں جب آپ کا مان جھوٹ سے توڑ دیا جاۓ جھوٹ ایک پتھر ہوتا ہے جو نہ صرف احساس، جذبات کو بلکہ آپ کے مقام کو توڑ دیتا ہے جس شخص پر آپ کو مان ہو اگر اس کی جانب سے آپ کی طرف جھوٹ کا پتھر آتا ہے تو یہ پتھر آپ کے احساس اور جذبات کو قتل جب کہ سامنے والے کے مقام کو ٹھیس پہنچاتا ہے
لوگ مان توڑ جاتے ہیں شاید انہیں پتا بھی نہ چلا ہو لیکن جس کا مان ٹوٹ جاتا ہے وہ خود سے ڈرنے لگتا ہے کہ بھائی کسی کا انتخاب ایسے نہیں کر لیتے جس پر مان ہو وہ خاص ہو صرف آپ کے لیے نہیں کیوں کہ آپ کے لیے تو خاص تھا ہے بھی اس لیے مان تھا لیکن کیا وہ واقعی خاص ہے جو مان بھی توڑ گیا اور اسے پتا بھی نہیں چلا کیا ایسا ہوتا ہے کیا یہی زندگی ہے کہ آپ ٹوٹ جائیں کسی کو پتہ بھی نہ چلے اور آپ کو توڑنے واسطے جھوٹ بولا جاۓ مطلب حد ہے جس نے جانا ہے جاۓ جھوٹ سے کسی کو کیوں توڑ رہا ہے یہ بھی انسانیت ہے کیا
ایک بات میں نے شاید سیکھ لی ہے یا زندگی میں آگے جا کر سیکھ لوں گا کہ جب کسی کو خود کو زیادہ اہمیت دو تو وہ آپ کو کھلونا سمجھنے لگتا ہے وہ آپ کے ساتھ کھیلنے لگتا ہے وہ یہ نہیں دیکھتا کہ آپ کے جذبات، احساسات اور اقدار کیا ہیں اسے بس دلچسپی ہوتی ہے تو آپ کے احساسات سے کھیلنے میں یا اسے شاید پتا ہی نہ ہو کہ وہ آپ کا مان ہے آپ اس پر اپنے آپ سے زیادہ یقین کرتے ہو
اگر کسی پر مان رکھنا ہے تو جان لیں کیا وہ اس لائق ہے کہ آپ اس پر مان رکھیں کیا وہ اس کی لاج رکھ سکتا ہے کہ آپ اس پر مان رکھیں اگر آپ کسی ایسے شخص پر مان رکھتے ہیں جس میں یہ خصوصیات نہیں ہیں تو آپ خود قصور وار ہوں گے پھر آپ کا مان ٹوٹ جائے گا آپ بکھر جاؤ گے
جب مان ٹوٹتا ہے انسان تکلیف میں چلا جاتا ہے یہ وقت ہوتا ہے جب آپ کا صبر آزمایا جاتا ہے آپ کے صبر، آپ کے حوصلہ کا امتحان ہوتا ہے یہاں پتا چلتا ہے آپ کتنے مضبوط ہیں اس وقت آپ کے پاس دو انتخاب ہوتے ہیں ایک یہ کہ آپ ٹوٹ کر بکھر جائیں دوسرا یہ آپ پتھر بن جائیں
اس صورت حال میں ایک بات کا خیال رکھنا چاہیے کہ آپ کا مان ٹوٹا ہے لیکن آپ بھی کسی کا مان ہو آپ خود کو بکھرنے نہ دیں آپ کسی کا مان نہ توڑیں۔