سابق وزیر قانون رانا ثناء اللہ بے نقاب ہوگئے

سابق وزیر قانون اور مسلم لیگ ن کے موجودہ قومی اسمبلی کے ممبررانا ثناء اللہ بھی گرفتار ہو گئے اُن کے درباری اور پارٹی کی قیادت پریشان ہوگئی حالانکہ رانا ثناء اللہ منشیات سمگلنگ اور منشیات فروشوں کی سرپرستی کے جرم میں گرفتار ہو ئے ہیں اور اُنہوں نے چھاپہ مارپارٹی کو بتابھی دیا کہ نیلے بیگ میں ہیروئین ہے یہ رانا ثناء اللہ کی سچائی تھی
مسلم لیگ ن کے صدر اور خصوصی ضمانت پر آزاد پھرنے والے اپوزیشن لیڈر شہباز شریف کہتے ہیں یہ ظلم ہے یہ عمران نیازی کی مخبری پر ہوا مطلب ہے عمران نیازی نے مخبری کی اور سابق وزیر قانون گرفتار ہوگئے ۔

چلو مان لیتے ہیں کہ عمران خان نے مخبری کی لیکن مخبری غلط تو نہیں تھی 15کلوہیروئین برآمد ہوئی ایسی مخبری پر تو عمران خان خراجِ تحسین کے حقدار تھے اس لیے کہ ممکن ہے کہ مسلم لیگ ن کی قیادت کو رانا ثناء اللہ کے اندرونِ خانہ بدکر داری کا علم نہ ہوا۔

(جاری ہے)

کیا ہی بہتر ہوتا کہ شہباز شریف کہتے رانا ثناء اللہ تم نے مسلم لیگ ن کی ناک کاٹ دی
شہباز شریف اور مسلم لیگ ن کے چاہنے والے جانتے ہیں کہ رانا ثناء اللہ سابق صدر جنرل مشرف کے دور میں اسی نوعیت کے جرم میں گرفتار بھی ہوئے تھے اور اس گرفتاری میں رانا ثناء اللہ کی مونچھیں اور بھینویں بھی کاٹ دی گئی تھیں مطلب ہے رانا ثناء اللہ عادی مجرم ہیں مسلم لیگ ن کے رہنما حنیف عباسی بھی تو منشیات کے مقدمے میں گرفتار ہوئے تھے ۔

سب کچھ جاننے کے باوجود اگر مسلم لیگ ن کی قیادت اس گرفتاری کو ظلم وجبر کہہ رہی ہے تو پھر یقین کر لینے میں کیا حرج ہے کہ مسلم لیگ ن کی اعلیٰ اور ادنیٰ قیادت منشیات فروشوں کی سرپرستی کررہی ہے مسلم لیگ ن کیلئے جان ہتھیلی پر رکھ کر حکومت کی رٹ کے خلاف مسلم لیگ ن کی قیادت میں نعرے لگانے والے ووٹروں کیساتھ یہ ظلم نہیں تو اور کیا ہے
 گرفتاری کے بعد ٹی وی سکرین پر کارکنوں اور پولیس کے محافظوں کے درمیان رانا ثناء اللہ کا چہرہ گواہی دے رہا ہے کہ وہ منشیات کے رسیا ہیں پہلے اس لیے نہیں لگتے تھے کہ وہ عام جلسوں ،پریس کانفرنس اور ٹی وی ٹاکروں میں میک اپ کرکے خوبصورت لگتے تھے اُن کی سیرت اُن کے میک اپ میں پوشیدہ تھی اصل چہرہ دیکھا تو اُن کی آنکھوں کے گرد حلقے میں اُن کی سیرت سامنے آگئی ۔

اے این ایف کے ڈائریکٹر عزیز اللہ کی مدعیت میں درج ایف آئی آرکے مطابق لینڈ کروزر کی تلاشی لینے پر لیگی رہنما نے گاڑی میں رکھے نیلے رنگ کے سوٹ کیس میں ہیروئین کی موجودگی کا اعتراف کیا وزن کیا تو 15کلوتھی اس لیے کہ اگر مسلم لیگ ن پھر بھی اسے ظلم قرار دیتی ہے تو شک کی کوئی گنجائش نہیں رہتی کہ مسلم لیگ ن منشیات فروشوں کی سرپرست ہے ۔
رانا ثناء اللہ کی گرفتار ی کے بعد بھولا گجر قتل کیس کی ازسرِ نوتفتیش کا فیصلہ بھی ہوگیا تین سال قبل فیصل آباد میں اصغر علی عرف بھولا گجر کے قتل کا الزام بھی رانا ثناء اللہ پر تھا قتل کے ملزم نوید کمانڈو کے بیان کے مطابق بھولا گجر کو رانا ثناء اللہ کی ایما پر قتل کیا گیا تھا ۔

بیرونِ ملک مقیم سابق SHOفرخ وحید نے اپنے ویڈیو بیان میں بھی کہہ دیا ہے کہ میں رانا ثناء اللہ کا چہرہ بے نقاب کرنا چاہتاہوں رانا ثناء اللہ سیاسی مقاصد کے حصول کیلئے غریب شہریوں کو مرواتا رہا میرے پاس ٹھوس شواہد موجود ہیں اس نے مجھے اپنے مذموم مقاصد کے حصول کیلئے استعمال کیا جس کا مجھے بعد میں پتہ چلا ۔SHOفرخ وحید کے مطابق رانا ثناء اللہ ایک سفاک ،شیطان اور درندہ صفت انسان ہے وہ مجھے نوید کمانڈو کے ہاتھوں قتل کروانا چا ہتا تھامیں جنوری 2015ء سے اپنی جان بچا کر بیرونِ ملک آیا اور یہاں پر مقیم ہوں اب میں پاکستان واپس آکر رانا ثناء اللہ کے خلاف کاروائی میں گواہی دوں گا ۔

شاعر نے کیا خوب کہا ہے