ہمیں ایک قوم بن کر اسلام اور ملک دشمنوں کو منہ توڑ جواب دینے کے لئے ہمہ وقت تیار رہنا ہو گا،علماء ومشائخ

سرگودھا(اُردو پوائنٹ اخبارتازہ ترین - این این آئی۔ 16 مئی2025ء)سرگودھا کے علما و مشائخ نے افواج پاکستان کی فتح کو معرکہ حق قرار دیتے ہوئے یوم تشکر پر امت کے اتحاد اور جہاد کی اہمیت پر زور دیا اور کہا کہ کو ہمیں ایک قوم بن کر اسلام اور ملک دشمنوں کو منہ توڑ جواب دینے کے لئے ہمہ وقت تیار رہنا ہو گا اس وقت پوری قوم دفاع وطن اور دہشت گردی کے خاتمہ کے لئے افواج پاکستان اور اداروں کے شانہ بشانہ کھڑی ہے۔

زرائع کے مطابق جمعیت اشاعت اہلسنت والسنہ کے صوبائی نائب امیر علامہ محمد عطا اللہ بندیالوی، مرکزی جمعیت اہلحدیث پنجاب کے سرپرست اعلی علامہ سید محمد سبطین شاہ نقوی، انٹرنیشنل ختم نبوت پنجاب کے صدر قاری احمد علی نریم، قومی امن کمیٹی برائے بین المذاہب ہم آہنگی کے ضلعی صدرمفتی شاہد مسعود،چیئرمین حافظ وقاص قاسمی،مرکزی اتحاد العلما کیضلعی جنرل سیکرٹری مولانا ملک ضیا الحق،ضلعی سیکرٹری اطلاعات شیخ نعیم طاہر، ضلعی کنونئیر قاری عبدالوحید،متحدہ علما کونسل کے قاری وقار احمد عثمانی ،امیر افضل اعوان، مسجد رابعہ کے خطیب پروفیسر مولانا فضل الحق بندیالوی،مسجد حامد علی شاہ کے مولانا نگاہ مصطفے چشتی،جامع مسجد شمشیر ٹان کے خطیب مولانا انعام اللہ جلالی اوردیگر علما و مشائخ نے بھارتی جارحیت کا منہ توڑ جواب دینے میں افواج پاکستان کی فتح کو معرکہ حق قرار دیتے ہوئے اظہار تشکر میں امت کے اتحاد اور جزبہ جہاد کی اہمیت پر زور دیا اور کہا کہ پوری قوم کو اسلام اور ملک دشمنوں کے خلاف متحد ہو کر منہ توڑ جواب دینے کے لئے ہمہ وقت تیار رہنا ہو گا۔

(جاری ہے)

انہوں نے موجودہ حالات میں صبر و تحمل ۔قومی اتحاد و اتفاق اور جذبہ حب الوطنی کو اجاگر کو خاص اہمیت دی اور قران وسنت کے تابع نظام شریعت کے نفاذ کے لئے قانون سازی پر زور دیتے ہوئے کہا کہ دہشتگردی، مہنگائی، سودی نظام اور ٹیکسوں کے خاتمہ پر ملک خوشحالی اور ترقی کی راہ پر گامزن ہو گا۔اس لئے ہر پاکستانی پر زمہ داری عائد ہوتی کہ وہ دفاع وطن کیلئے اپنا کردار ادا کرئے اور توحید و سنت کے پرچار کے ساتھ غیر اسلامی رسومات کو ترک کر کے نونہالان وطن کو دنیاوی تعلیم کے ساتھ دینی تعلیم کی طرف راغب کریں تودنیا و آخرت میں کامیاب و کامران سے مستفید ہوں گے۔

انہوں نے کہا کہ ملک کے دفاع کے لئے پوری قوم افواج پاککستان اور اداروں کے شانہ بشانہ کھڑی ہے اور وقت آنے پر ہر اول دستے کا کردار ادا کرئے گی۔ان اجتماعات میں ملک کی سلامتی،استحکام، امن وامان اور بھائی چارے کے ساتھ اسلام کی سربلندی، ملک کی سلامتی، فلطسین و کشمیر کی آزادی اورامت مسلمہ و شہیدا کے لئے خصوصی دعائیں کی گئیں۔