Live Updates

’اس سے بہتر تھا بادشاہ سلامت کا ٹائٹل ہی لے لیتے‘ عمران خان کا فیلڈ مارشل کی تقرری پر ردعمل

مبارک ہو سیدھا بادشاہ سلامت بن جاتے تو بہتر تھا، میری تو کتابیں بھی بند کی ہوئی ہیں، یہ کیسا اوپن ٹرائل ہے کہ میری فیملی کو کرنل روک رہا ہے؛ سابق وزیراعظم کا جج سے مکالمہ

ساجد علی بدھ 21 مئی 2025 15:58

’اس سے بہتر تھا بادشاہ سلامت کا ٹائٹل ہی لے لیتے‘ عمران خان کا فیلڈ ..

راولپنڈی ( اُردو پوائنٹ اخبارتازہ ترین۔ 21 مئی 2025ء ) پاکستان تحریک انصاف کے بانی چیئرمین عمران خان کی جانب سے آرمی چیف جنرل سید عاصم منیر کے فیلڈ مارشل بننے پر ردعمل سامنے آیا ہے۔ سابق وزیراعظم کی ہمشیرہ علیمہ خان نے میڈیا سے گفتگو کرتے ہوئے بتایا کہ آج اڈیالہ میں عمران خان کا توشہ خانہ 2 کا ٹرائل شروع ہوا ہے رات ہی پتہ چلا تھا تو آج عظمیٰ خان اور نورین خان کو اندر جانے دیا ہے عمران خان نے جج سے سخت احتجاج کیا ہے کہ یہ کیسا اوپن ٹرائل ہے کہ میری فیملی کو کرنل روک رہا ہے، مبارک ہو سیدھا بادشاہ سلامت بن جاتے تو بہتر تھا، میری تو کتابیں بھی بند کی ہوئی ہیں، عمران خان نے کہا کہ فیلڈ مارشل کی جگہ خود کو بادشاہ بنا لیتے کیوں کہ جنگل کے قانون میں بادشاہ ہوتا ہے۔

علیمہ خان نے کہتی ہیں کہ عمران خان نے باضابطہ طور پر اسٹیبلشمنٹ کو مذاکرات کی دعوت دی ہے کہ ملکی حالات کی بہتری کے لیے اسٹیبلشمنٹ آئے اور میرے ساتھ بات چیت کرے، عمران خان نے جمہوریت کی بات کی یے جمہوریت ہمیشہ اخلاقیات اور رول آف لاء پر چلتی ہے آج حالات یہ ہیں کہ ججز ہمارے کیس ہی نہیں سن رہے، عمران خان کے پارلیمنٹیرینز نے آج ہمارا فیملی کا ساتھ دیا، یہ لوگ یہاں آئے ہیں اور ججز کو سپورٹ کا پیغام دیا ہے کہ عمران خان کے کیسز لگاؤ، ہم اسلام آباد ہائیکورٹ جا رہے ہیں القادر کی سماعت ہونا تھی 3 مہینوں سے ذلیل ہو رہے ہیں وکلاء کے مطابق آدھے گھنٹے کی سماعت ہے آج ہی عمران خان رہا ہو سکتے ہیں لیکن بہانے بنائے جا رہے ہیں۔

(جاری ہے)

ان کا کہنا ہے کہ آج عمران خان کو ڈرون حملوں کے بارے مکمل انفارمیشن ملی ہے عمران خان نے شدید الفاظ میں مزمت کی ہے عمران خان نے کہا ہے ان ڈرون حملوں سے دہشتگردی بڑھ جائے گی 2011 میں ہماری جدوجہد سے ہی بیرونی ڈرون حملے کم ہوئے تھے، خیبرپختونخواہ حکومت کو عمران خان کی ہدایت ہے کہ ناصرف ڈرون حملوں کی مذمت کرے بلکہ ڈرون حملے فوری رکوائے جائیں کیوں کہ جتنے ڈرون حملے ہمارے ملک میں ہوئے ہیں ہمارے اپنے لوگوں نے کیے ہیں، کل خبر آئی کہ ڈرون حملے میں ایک گھر کے تین بچے شہید ہوئے تو والدہ دل کا درہ پڑنے سے چل بسیں ایسے دہشت گری کم نہیں ہوگی۔