بلاول بھٹو زرداری مستقبل میں بھاری مینڈیٹ حاصل کر کے وزارت عظمیٰ کے منصب پر فائز ہوں گے،شوکت جاوید میر

مظفرآباد (اُردو پوائنٹ اخبارتازہ ترین - این این آئی۔ 17 اکتوبر2025ء) پاکستان پیپلز پارٹی کے چیئرمین بلاول بھٹو،سیاسی امور کی چیئرپرسن محترمہ فریال تالپورکی ہدایت پر سابق وزیراعظم پاکستان محترمہ بینظیر بھٹو شہید کی طویل جلاوطنی سے واپسی پر استقبال کیلئے آنے والے لاکھوں عوام کی عظیم الشان ریلی میں خود کش دھماکوں میں بدترین دہشتگردی میں دو سو کے لگ بھگ پر امن شہریوں کی خونریزی کے سانحہ کار ساز کی برسی اٹھارہ اکتوبر کو ملک بھر طرح آزاد کشمیر میں بھی انتہائی عقیدت و احترام نظریاتی سے آج منائی جائے گی، تمام ضلعی،تحصیل سٹی مقامات پر پُروقار تقریبات کا انعقاد کر کے شھدائے جمہوریت،شھدائے دہشت گردی، شھدائے پاک فوج، شھدائے سیلاب،شھدائے کشمیر کی بلندی درجات کیلئے قرآن خوانی،فاتحہ کا اہتمام کیا گیا ہے قائد عوام شہید ذوالفقار علی بھٹو دختر مشرق محترمہ بینظیر بھٹو شہید سمیت پرامن سیاسی جدوجھد میں لازوال قربانیاں دینے والے شھداء کو خراج عقیدت پیش کیا جائے گزشتہ روز پاکستان پیپلز پارٹی آزاد کشمیر کے مرکزی ڈپٹی سیکرٹری اطلاعات امیدوار اسمبلی حلقہ سات شوکت جاوید میر نے کہا کہ پاکستان اور پیپلز پارٹی لازم و ملزوم ہیں جس نے آئین قانون کی حکمرانی جمہوریت کے استحکام مقبوضہ جموں و کشمیر کی آزادی عوامی مفادات کیلئے منفرد جدوجھد کی جسکی بدولت چیئرمین بلاول بھٹو زرداری مستقبل میں بھاری مینڈیٹ حاصل کر کے وزارت عظمیٰ کے منصب پر فائز ہوں گے جو عالمی سطح پر ملک کا روشن ترقی پسند چہرہ ہیں انھوں نے کہا افواج پاکستان کو حاصل والی کامیابیوں پر فیلڈ مارشل حافظ سید عاصم منیر قومی سلامتی کے اداروں کے ساتھ سے اظہار یکجھتی اور شانہ بشانہ جانوں کا نذرانہ دینے کا عزم کیا جائے گا، پارٹی کے صدر چوہدری محمد یاسین سپیکر چوہدری لطیف اکبر مرکزی سینئر رہنما چوہدری ریاض سیکرٹری جنرل فیصل راٹھور نے بھرپور انداز میں سانحہ کار ساز منانے کی ھدایت دے رکھی ہے قائد عوام شہید ذوالفقار علی بھٹو نے شکست وریخت کی دلدل سے نکالنے میں دن رات محنت کی اور عالمی دھارے میں شامل کیا خارجہ پالیسی کے ذریعے سفارتی تعلقات کی مظبوط بنیادیں رکھیں وطن عزیز اسلامی جمہوریہ پاکستان کو متفقہ آئین اور ناقابل تسخیر دفاع کی خاطر ایٹمی پروگرام کے تحائف پیش کئے پہلی اسلامی سربراہی کانفرنس کا انعقاد کیا فوج کی تنظیم نو کی اور تعلیم صحت روزگار کی فراہمی کے ساتھ ساتھ بنیادی انفراسٹرکچر پر توجہ مرکوز کی عوام کو انکے غصب شدہ حقوق دئیے اور عزت نفس سے جینے کا حق دیا عوامی شراکت اقتدار کے تصور کو پروان چڑھایا شوکت جاوید میر نے کہا ایٹمی پروگرام کی پاداش میں عالمی سامراجی قوتوں کی مداخلت اور بھیانک سازش سے انھیں پھانسی کے پھندے پر لٹکا دیا گیا لیکن انکا عوام دوست فلسفہ سیاست وطن پرستی کا جادو سر چڑھ کر بول رہا ہے انھوں نے کہا کہ محترمہ بینظیر بھٹو شہید کو ملک آنے سے روکنے کیلئے نت نئی رکاوٹیں کھڑی کیں گئیں مگر انھوں وطن کی محبت اور عوام سے عقیدت میں تمام حربوں کو پاؤں تلے روند ڈالا شوکت جاوید میر نے کہا کہ پاکستان پیپلز پارٹی اور افواج پاکستان نے ملکی سلامتی قومی وقار عوامی مفادات آئین قانون کی بالادستی طرح طرح کی ریاستی مظالم کا مقابلہ کیا لیکن پاکستان کی سلامتی عزت و تکریم پر کوئی دقیقہ فروگزاشت نہیں کیا پیپلز پارٹی بھٹو خاندان اور مظبوط خوشحال مستحکم جمہوری پاکستان لازم و ملزوم ہیں شوکت جاوید میر نے کہا کہ پیپلز پارٹی نے دنیا میں جو عزت و تکریم حاصل کی۔