تحریک انصاف بلوچستان نے عظیم کاکڑ کی بنیادی رکنیت ختم کردی ،صوبائی ترجمان

پیر 24 جولائی 2017 23:36

کوئٹہ (اُردو پوائنٹ اخبار آن لائن۔ منگل 25 جولائی 2017ء)پاکستان تحریک انصاف بلوچستان کے صوبائی ترجمان نے عظیم کاکڑ نامی شخص کے بیان پر ردعمل دیتے ہوئے کہا ہے کہ پاکستان تحریک انصاف نے انٹرا پارٹی الیکشن سے پہلے تمام مرکزی ، صوبائی عہدے تحلیل کردئیے گئے تھے جس کا تحریری ثبوت موجودہے موصوف اس وقت پارٹی کے کسی بھی عہدے پر نہیں ہیں اور ان کی رکنیت ختم کرنے کا پورا اختیار صوبائی ڈسپلنری کمیٹی اور صوبائی صدر کو ہے عظیم کاکڑ نامی شخص پارٹی کو لسانی بنیادوں پر تقسیم کرنے اوراین اے 260کے ضمنی انتخاب میں پارٹی مخالف سرگرمیوں میں ملوث پایا گیا ہے جس کی وجہ سے کارکنوں کی جانب سے متعدد بار تحریری شکایات کی گئی جس پر صوبائی ڈسپلنری کمیٹی تحقیقات کررہی تھی اور اس نے سفارشات صوبائی صدر کو بھجوائی تھیںجس پر ان کی بنیادی رکنیت مرکزی قیادت کو اعتماد میں لے کر ختم کی گئی آج کے بعد پارٹی کے کسی آئینی عہدے یا کسی پروگرام سے ان کا کوئی تعلق نہیں ہے لہذا پاکستان تحریک انصاف کے تمام کارکنوں کو اطلاع دی جاتی ہے کہ آج کے بعد ان سے کوئی تنظیمی تعلق نہ رکھے اگر انہوں نے مزید پاکستان تحریک انصاف کا نام استعمال کیا تو ان کے خلاف قانونی کاروائی کی جائے گی۔