اردن میں نامعلوم افرادکااسرائیلی سفارتخانے پر حملہ، دو افراد ہلاک

ہلاک ہونے والے دونوں شہری ایک فرنیچر کمپنی کے لیے کام کرتے تھے،واقعہ کے بعد سفارتخانہ بندکردیاگیا

پیر 24 جولائی 2017 11:58

عمان(اُردو پوائنٹ اخبار آن لائن۔ منگل 25 جولائی 2017ء)اردن کے دارالحکومت عمان میں واقع اسرائیلی سفارتخانے میں فائرنگ کے ایک واقعے میں اردن کے دو شہری ہلاک ہو گئے جبکہ ایک اسرائیلی زخمی ہوا جس کے بعد سکیورٹی فورسز نے سفارتخانے کو سیل کر دیا ہے اور اسرائیلی حکام نے عمارت خالی کر دی ، سفارتخانے کے ارد گرد کے علاقے کو آمد و رفت کے لیے بند کر دیا گیا ہے اور حکام کی جانب سے کوئی تفصیلات جاری نہیں کی گئی۔

تاحال یہ علم نہیں ہے کہ یہ حملہ کس نے کیا، تاہم خیال کیا جا رہا ہے کہ اس حملے کا تعلق اسرائیل کی جانب سے قدیم یروشلم شہر میں اسرائیلی سکیوٹی اقدامات سے ہے۔غیرملکی خبررساں ادارے کے مطابق پولیس نے بتایا کہ ہلاک ہونے والے دونوں شہری ایک فرنیچر کمپنی کے لیے کام کرتے تھے اور فائرنگ سے قبل سفارتخانے میں داخل ہوئے تھے۔

(جاری ہے)

اس معاملے میں ابھی کوئی تفصیل جاری نہیں کی گئی ہے اور اس بات کا بھی علم نہیں کہ فائرنگ کا سبب کیا تھا۔

سکیورٹی فورسز نے سفارتخانے کو سیل کر دیا ہے اور اسرائیلی حکام نے عمارت خالی کر دی ۔اردن کی پولیس کا کہناتھا کہ فائرنگ کا واقعہ ایک رہائشی مکان میں ہوا جو اسرائیلی سفارتخانے کے استعمال میں تھی۔پولیس نے بتایا کہ تحقیقات ابھی اپنے ابتدائی مراحل میں ہیں۔ انتہائی سکیورٹی والا یہ سفارتخانہ عمان کے پوش علاقے رابیہ کے پاس واقع ہے۔ سفارتخانے کے ارد گرد کے علاقے کو آمد و رفت کے لیے بند کر دیا گیا ہے اور حکام کی جانب سے کوئی تفصیلات جاری نہیں کی گئی۔

تاحال یہ علم نہیں ہے کہ یہ حملہ کس نے کیا، تاہم خیال کیا جا رہا ہے کہ اس حملے کا تعلق اسرائیل کی جانب سے قدیم یروشلم شہر میں اسرائیلی سکیوٹی اقدامات سے ہے۔خیال رہے کہ یروشلم کے مقدس مقام پر نئے سکیورٹی انتظامات کیے جانے پر یروشلم میں بھی اسرائیلی فوج اور فلسطینیوں میں جھڑپیں ہوئیں جبکہ فلسطین کے صدر محمود عباس نے حرم الشریف میں میٹل ڈیٹکٹر لگائے جانے کے بعد اسرائیل کے ساتھ اپنے تمام رابطے ختم کر دیے۔