کراچی،پاکستان میں پہلی بار ادویات کے ڈبوں پربارکوڈ لگادیے گئے

پاکستانی دوائو ںکی برآمد میں نمایاں بہتری آئی ہے،وزارت قومی صحت زرائع

پیر 24 جولائی 2017 23:30

کراچی(اُردو پوائنٹ اخبار آن لائن۔ منگل 25 جولائی 2017ء)پاکستان میں پہلی بار ادویات کے ڈبوں پربارکوڈ لگادیے گئے جس سے پاکستان ان ممالک کی فہرست میں شامل ہو گیاہے جہاں تمام ادویات پر بار کوڈز لگائے گئے ہیں۔اس ضمن میںوزارت قومی صحت کے ذرائع نے بتایاکہ پاکستانی دوائو ںکی برآمد میں نمایاں بہتری آئی ہے۔ملکی تاریخ میں پہلی بار دوائوں کی پیکنگ کے پیکٹس اور ڈبوں پر بار کوڈز لگائے گئے ہیںجس سے پاکستان ان ممالک کی فہرست میں شامل ہو چکا ہے جہاں پر بین الاقوامی مروجہ بہترین پریکٹس جاری ہے اور اس سے ملکی برآمدات میں تیزی آئی ہے، اس اقدام سے نہ صرف مریضوں کو معیاری دوائیں دستیاب ہوںگی بلکہ اس سے جعلی دوائوں کا بھی خاتمہ ہو گا۔

حکام نے کہاکہ موجودہ حکومت کے دور میںدوائوں کے ریگولیٹری نظام میں بہتری آئی ہے اور4سال کے دوران دواسازی کے شعبے میں ترقی ہوئی ہے، ذرائع کا کہنا ہے کہ پاکستان کی ادویہ سازی کی قومی صنعت وزارت صحت اور ڈرگ ریگولیٹری اتھارٹی آف پاکستان دوائوں کی برآمد کے اہداف پورے کرنے میں ہماری شراکت دار ہے اور یہ ملکی ضروریات پوری کرنے کے ساتھ ساتھ 40 ممالک کو معیاری دوائیں کی برآمد کا ہدف موثر طور پر پورا کرنے کے لیے کوشاں ہے۔

(جاری ہے)

ڈریپ (ڈرگ ریگولیٹری اتھارٹی)اور انڈسٹری کی استعداد کار میں اضافہ کے لیے صحت کے عالمی ادارہ اور ایس پی جیسے شراکت ا داروں کے اشتراک سی2سال کے دوران متعدد تربیتی ورکشاپس اور سیمینار ز منعقد کرائے گئے جن میں دوا سازی سے متعلقہ 500 افراد نے تربیت حاصل کی، پاکستان سے دواں کی برآمد میں اضافہ ہوا جو کہ ماضی میں کم ہو گیا تھا،ڈریپ نے رجسٹریشن کیلیے تیز تر سسٹم متعارف کرایا ہے جس کے تحت اب رجسٹریشن کی درخواستیں 2روزکے اندر اندر نمٹا دی جاتی ہیں۔#