امریکی فوجیوں کی باقیات کی واپسی،وعدہ وفا کرنے پر کم جونگ اٴْن کا شکریہ، ٹرمپ

ہفتہ 28 جولائی 2018 12:29

واشنگٹن(اُردو پوائنٹ اخبار آن لائن۔ ہفتہ 28 جولائی 2018ء)امریکی صدر ڈونلڈ ٹرمپ نے کوریائی جنگ میں لاپتا ہو جانے والے امریکی فوجیوں کی جسمانی باقیات امریکا کے حوالے کرنے پر شمالی کوریا کا شکریہ ادا کیا ہے۔

(جاری ہے)

امریکی ٹی وی کے مطابق ٹرمپ نے اپنے بیان میں کہا کہ کم جونگ اٴْن نے سنگاپور میں ملاقات کے دوران یہ وعدہ کیا تھا۔ جمعے کو ان جسمانی باقیات کو لے کر ایک خصوصی ہوائی جہاز شمالی کوریا سے امریکا روانہ ہوا۔ شمالی کوریا کے ایک فوجی مرکز پر امریکی دستوں نے ان فوجیوں کی جسمانی باقیات وصول کرتے ہوئے پچپن تابوتوں کو خصوصی سلامی بھی دی۔ یہ تابوت جب امریکی فوجیوں کو دیے گئے تو اٴْس وقت وہ اقوام متحدہ کے پرچم میں لپٹے ہوئے تھے۔