ٹیکسوں کی بھر مار اور مہنگائی کے خلاف تاجران کل 13 جولائی کو آل پاکستان انجمن تاجران کی کال پر ضلع بھر میں مکمل شٹر ڈاون ہڑتال کریں گے

ٹیکسوں کی بھر مار اور مہنگائی کے خلاف تاجران کل 13 جولائی کو آل پاکستان ..
سرگودھا (اُردو پوائنٹ اخبارتازہ ترین - این این آئی۔ 12 جولائی2019ء) حالیہ بجٹ میں ٹیکسوں کی بھر مار اور مہنگائی کے خلاف تاجران کل 13 جولائی کو آل پاکستان انجمن تاجران کی کال پر ضلع بھر میں مکمل شٹر ڈاون ہڑتال کریں گے جس میں پاکستان الیکٹریکل مینوفیکچررز ایسوسی ایشن سرگودھا نے دن 9 بجے مکمل کے ساتھ دھرنے کا اعلان کردیا۔زرائع کے مطابق آل پاکستان تاجران کی کال پر مرکزی انجمن تاجران نے ضلع بھر میں آج 13 جولائی کو مکمل ہڑتال کا اعلان کر دیا اس حوالہ سے بیکولایئٹ مینوفیکچررز ایسویسی ایشن نے اجلاس میں حکومت کی جانب سے 17 فیصد سیلز ٹیکس کے طلاق اور شناختی کارڈ پر خام مال کی خریداری کے خلاف بھرپور احتجاج کیا اور اعلان کیا کہ آج 13 جولائی کو مکمل ہڑتال میں تمام فیکٹریاں ، اعظم مارکیٹ، براس مینوفیکچررز، ڈائی مولڈ میکرز، سکریو مینوفیکچرز، اور پرنٹنگ پریس بند رہیں گے۔

(جاری ہے)

تاجران اجلاس میں مطالبہ کیا گیا کہ حکومت کی جانب سے بیکولایئٹ مینوفیکچررز پر 17 فیصد سیلز ٹیکس کے طلاق اور شناختی کارڈ پر خام مال کی خریداری کا فیصلہ واپس لئے۔کاٹیج انڈسٹری کی سابقہ حیثیت بحال کی جائے اور اس میں اضافہ کیا جائے۔انہوں نے بتایا کہ ہم مشرف کے دور میں ظلم کے خلاف آواز اٹھائی اور کامیاب ہوئے اور انشاء اللہ آج اس سلیکٹیڈ حکومت کے ظالمانہ اقدام کے خلاف بھی ہم کامیابی سے ہمکنار ہونگے۔

Your Thoughts and Comments