حکومت کا آئی ایم ایف کے معطل شدہ پروگرام کی بحالی کے لئے سالانہ اربوں کا نقصان کرنے والی212 کمپنیوں میں سے 84کو فروخت بند کرنے کا فیصلے

کراچی (اُردو پوائنٹ اخبارتازہ ترین - آن لائن۔ 08 مارچ2021ء) ایف پی سی سی آئی کے نیشنل بزنس گروپ کے چیئرمین، پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر اور سابق صوبائی وزیر میاں زاہد حسین نے کہا ہے کہ حکومت نے آئی ایم ایف کے معطل شدہ پروگرام کی بحالی کے لئے سالانہ اربوںروپے کا نقصان کرنے والی212 کمپنیوں میں سے 84کو فروخت یابند کرنے کا فیصلے کر لیا ہے جو خوش آئند ہے۔

کم نقصان کرنے والے بعض کمپنیوں کو فروخت یا بند کرنے کے بجائے بہتر انتظامیہ اور نگرانی کا اچھا نظام وضع کر کے بہتر انداز میں چلانے کی کوشش کی جائے گی ۔میاں زاہد حسین نے کاروباری برادری سے بات چیت کرتے ہوئے کہا کہ حکومت نے آئی ایم ایف سے ناکام کمپنیوں کی ری سٹرکچرنگ، شفافیت، بہتر مانیٹرنگ اور نجکاری کا معاہدہ کیا ہوا ہے اور اس سلسلہ میں قانون سازی کی یقین دہانی بھی کروائی جاچکی ہے۔

(جاری ہے)

ایک رپورٹ کے مطابق ان ناکام کمپنیوںکے اثاثے انیس کھرب روپے کے ہیں، ان سے چار کھرب روپے کا ریونیو حاصل ہورہا ہے جبکہ نقصانات 143 ارب روپے تک ہیں۔سرکاری کمپنیوں میںنو ّے فیصد نقصانات پی آئی اے، ریلوے، بجلی کی کمپنیاں اور نیشنل ہائی وے اتھارٹی کر رہی ہیں۔نقصان کا سبب بننے والی کمپنیوں کی اکثریت کو فروخت یا بند کرنے کی ضرورت ہے جبکہ بعض جنکے نقصانات کم ہیںان کو ری سٹرکچر کیا جا سکتا ہے مگر اس کے لئے سیاسی مفادات کی قربانی دینا ہو گی جس کے لئے کوئی حکومت تیار نہیں ہوتی۔

گزشتہ کئی دہائیوں سے ان کمپنیوں کو بہتر بنانے کے لئے عالمی اداروں سے متعدد بار معاہدے کئے گئے مگر ان میں نا اہلی، کرپشن، سرمایہ کاری کے فقدان اور کرپشن کے خاتمہ کے لئے کچھ نہیں کیا گیا ہے جس کی وجہ سے ان کے نقصانات مسلسل بڑھ رہے ہیں ۔انہوںنے کہا کہ جن سرکاری کمپنیوں کو فروخت یا بند نہیں کیا جارہا ان میں انتظامیہ کو تبدیل کر کے نجی شعبہ سے تعلق رکھنے والے ما ہرین کو لیاجائے جن میں ایسی کمپنیوںکو کامیابی سے چلانے کا وسیع تجربہ ہو تاکہ ملکی خزانے پر بوجھ کم ہو سکے۔

سرکاری اداروں کی انتظامیہ اس وقت تک کوئی تبدیلی نہیں لا سکتی جب تک انھیں بیوروکریسی اور سیاسی مداخلت سے مکمل تحفظ نہ دیا جائے۔میاں زاہد حسین نے مذید کہا کہ ناکام اداروںکو فروخت یا بند کے عمل کے دوران جو لوگ بے روزگار ہو جائیں گے انکی روزی روٹی کو یقینی بنانے کو بھی منصوبے میں شامل کیا جائی