حقیقی سیاست اور موجودہ سیاست

سیاست خدمت کا نام ہے سیاست ایک ایسا انمول جزبہ ہے جو انسان کو دوسروں کے حقوق کے تحفظ کے لیے لڑنے پر آمادہ کرتا ہے سیاست انسان کو پختہ عزم بناتی ہے سیاست انسان کی الگ پہچان بناتی ہے اب ہم حقیقی سیاست کے خدو خال بیان کرتے ہیں
حقیقی سیاست عوام کی خدمت ہے ایک حقیقی سیاست دان ہر وقت کسی نہ کسی وسیلے سے عوام کی خدمت کرنے کی کوشش کرتاہے حقیقی سیاست دان کا سیاست میں آنے کا مقصد ہی یہی ہوتا ہے کہ عوام کی خدمت کر سکے وہ عوام کی خدمت کرنے کا کوئی موقع ہاتھ سے نہیں جانے دیتا اس کا مقصد صرف عوام کی خدمت کرنا ہوتا ہے
حقیقی سیاست ایک نظریہ کا نام ہے یہ نظریہ عوام کی فلاح و بہبود اور خدمت پر یقین رکھتا ہے یہ نظریہ ایک سیاست دان کو عوام کی خاطر سب کچھ کر جانے کا حوصلہ دیتا ہے
حقیقی سیاست وطن سے محبت کرنے کا نام ہے حقیقی سیاست دراصل جذبہ حب الوطنی کا نام ہے یہ انسان کے دل کو وطن کی محبت سے سرشار کر دیتا ہے اس طرح حقیقی سیاست سے سرشار انسان ہمیشہ اپنے وطن کی حفاظت کرتا ہے
جب کوئی شخص حقیقی سیاست سے جڑ جاۓ تو وہ اپنے وطن کا سب سے بڑا وفادار ہوتا ہے وہاپنی جان تو قربان کر سکتا ہے لیکن وطن کی حرمت پر آنچ نہیں آنے دے سکتاایسے لوگ اپنے وطن کی شان ہوتے ہیں
حقیقی سیاست ایک ولولہ ہوتا ہے یہ ولولہ انسان کو اس قابل بناتا ہے کہ وہ خود کو بھول جائے اور وطن کی ترقی کے لیے دن رات ایک کر دے
لیکن کیا ہماری موجودہ سیاست حقیقی سیاست ہے؟ کیا ہماری سیاست اصولوں پر چلتی ہے؟ میرا خیال ہے کہ ہماری سیاست سیدھی راہ سے بھٹک چکی ہے ہماری موجودہ سیاست غلط سمت میں جا چکی ہے اب موجودہ سیاست کی خامیاں بیان کرتے ہیں
موجودہ سیاست بدعنوانی کی جانب گامزن ہو چکی ہے سیاست دان بد عنوانی میں کوئی آر محسوس نہیں کرتے بلکہ بد عنوانی پر فخر کرتے ہوئے نظر آتے ہیں ایسے لوگ چاہتے ہیں کہ ان کی تجوریوں میں کسی چیز کی کمی نہ ہو چاہے ملک دیوالیہ ہو جائے ان لوگوں کو اس بات کی سمجھ نہیں ہے کہ ملک ہے تو یہ ہیں ملک نہیں تو یہ نہیں
موجودہ سیاست بد اخلاقی کی مثال بن چکی ہے سیاست دان ایک دوسرے پر الزامات کی بوچھاڑ کرتے ہیں سیاست دان ایک دوسرے پر کیچڑ اچھالنے میں مگن رہتے ہیں سیاست دان لفظوں سے زیادہ گالی کا استعمال کرتے ہیں اونچے ایوانوں میں بیٹھے لوگ انتہائی نچلے درجے کی زبان استعمال کرتے ہیں
موجودہ سیاست لوگوں میں اشتعال انگیزی کا سبب ہے اگر کسی سیاسی جماعت کا کوئی مطالبہ تسلیم نہ کیا جائے تو وہ جلاؤ گھیراؤ کو ترجیح دیتی ہے اور اپنی ملکی املاک کو نقصان پہنچانے میں سب سے آگے ہوتی ہے
سیاست دان بے راہ روی کا شکار ہو چکے ہیں وہ اپنی طاقت کا غلط استعمال کرتے ہیں
اللہ تعالیٰ ہمیں حقیقی سیاست جیسی نعمت سے نوازے آمین۔